കോവിഡ്​ 19: പാനൂർ സ്വദേശി സൗദിയിൽ മരിച്ചതായി വിവരം

പാനൂർ: മലയാളി യുവാവ്​ കോവിഡ്​ ബാധിച്ച്​ സൗദിയിൽ മരിച്ചതായി വിവരം​. പാനൂർ മേലെപൂക്കോം ഇരഞ്ഞിക്കുളങ്ങര ബൈത്തുസാറയിൽ മമ്മു- ഫൗസിയ ദമ്പതികളുടെ മകൻ ഷബ്നാസ് (29) ആണ് മദീനയിലെ ജർമൻ ആശുപത്രിയിൽ ചികിത്സക്കിടെ മരിച്ചതായി നാട്ടിൽ വിവരം ലഭിച്ചത്​.

ജനുവരി അഞ്ചിന്​ വിവാഹിതനായ ഷബ്​നാസ്​ ജോലി ആവശ്യാർഥം വിദേശത്തേക്ക് പോയതായിരുന്നു. മൃതദേഹം അവിടെ തന്നെ സംസ്കരിക്കുമെന്നാണ്​ സൂചന.

ഭാര്യ: ഷഹനാസ്. സഹോദരങ്ങൾ: ഷബീർ, ഷബാന.