പൊലീസുകാരന്​ ചായയും പലഹാരവുമായി കോഴിക്കോ​ട്ടെ ഉപ്പയും മകളും

കോഴിക്കോട്​: അതിഥികളുടെ നാടാണ്​ കോഴിക്കോട്​. വരുന്നവരെയെല്ലാം വയറുനിറച്ചൂട്ടിയും സ്​നേഹം കൊടുത്തും മ ടക്കിയയച്ചവരാണ്​ കോഴിക്കോട്ടുകാർ. റോഡിൽ കാവൽ നിന്നിരുന്ന പൊലീസുകാരനും ആ സ്​നേഹത്തിൻെറ മധുരമറിഞ്ഞു.

കോഴിക്കോട്​ വേങ്ങേരി ജങ്​ഷനിൽ ഡ്യൂട്ടിയിലുണ്ടായിരുന്ന പൊലീസുകാർക്ക്​​ ചായയും പലഹാരവും നൽകാനായി റസീദയെന്ന കൊച്ചുമിടുക്കിയും ഉപ്പയുമെത്തി. പൊലീസ്​ ഉദ്യോഗസ്ഥൻ തന്നെ അത്​ സെൽഫി വീഡിയോയിൽ പകർത്തി ഫേസ്​ബുക്കിലിട്ടു. സംഗതി സമൂഹമാധ്യമങ്ങളിൽ വൈറലാണ്​.