Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightKeralachevron_rightസംസ്​ഥാനത്ത്​ വീണ്ടും...

സംസ്​ഥാനത്ത്​ വീണ്ടും റാൻഡം സാമ്പിൾ പരിശോധന

text_fields
bookmark_border
സംസ്​ഥാനത്ത്​ വീണ്ടും റാൻഡം സാമ്പിൾ പരിശോധന
cancel

തിരുവനന്തപുരം: സംസ്​ഥാനത്ത്​ കോവിഡ്​ രോഗബാധിതരുടെ എണ്ണം കൂടുന്ന സാഹചര്യത്തിൽ സാമൂഹിക വ്യാപനമുണ്ടായോ എന്നറിയാൻ റാൻഡം സാമ്പിൾ പരിശോധന നടത്തും. ഒറ്റ ദിവസം 3000 പേരുടെ സാമ്പിളുകളായിരിക്കും പരിശോധനക്കായി എടുക്കുക. ചൊവ്വാഴ്​ച മുതൽ ഹോട്ട്​സ്​പോട്ടുകളിലെ ഉൾപ്പെടെ പൊതുജനങ്ങളിൽനിന്ന്​ സാമ്പിൾ  ശേഖരിക്കും. 

രണ്ടാം തവണയാണ്​ സംസ്​ഥാനത്ത്​ റാൻഡം സാമ്പിൾ പരിശോധന നടത്തുന്നത്​.  കഴിഞ്ഞ ഒരാഴ്​ചയായി സംസ്​ഥാനത്തെ കോവിഡ്​ രോഗികളുടെ എണ്ണം കുത്തനെ ഉയർന്നിരുന്നു. ഞായറാഴ്​ച മാത്രം 53 പേർക്കും മേയ്​ 23 ന്​ 62 പേർക്കും 22ന്​ 42 പേർക്കുമാണ്​ കോവിഡ്​ രോഗബാധ സ്​ഥിരീകരിച്ചത്​. ഇതിൽ നിരവധി പേരുടെ രോഗബാധയുടെ ഉറവിടം കണ്ടെത്താനായിട്ടില്ല. ഈ സാഹചര്യത്തിലാണ്​ റാൻഡം സാമ്പിൾ പരിശോധിക്കാനുള്ള തീരുമാനം. 

രോഗ ലക്ഷണമില്ലാത്തവർ, സമ്പർക്ക പട്ടികയിൽ ഇല്ലാത്തവർ, വിദേശയാത്ര ചരിത്രമില്ലാത്തവർ, മുതിർന്ന പൗരന്മാർ, ഗർഭിണികൾ തുടങ്ങിയവരിൽ നിന്നെല്ലാമായിരിക്കും പരിശോധനക്കായി സാമ്പിൾ ശേഖരിക്കുക. 
ഇവ പി.സി.ആർ പരിശോധനക്ക്​ വിധേയമാക്കി രോഗനിർണയം നടത്തും. 

നേരത്തേ, കോവിഡ്​ രോഗികളുടെ എണ്ണം ഉയർന്ന സാഹചര്യത്തിൽ റാൻഡം സാമ്പിൾ പരിശോധന നടത്തിയിരുന്നു. ഏപ്രിൽ 26 നായിരുന്നു ആദ്യ റാൻഡം സാമ്പിൾ പരിശോധന. 

Show Full Article
TAGS:covid 19 kerala news Random Sampling test malayalam news health news 
Next Story