രോഗമുണ്ടെന്ന്​ അറിഞ്ഞുകൊണ്ട്​ യാത്ര ചെയ്​തിട്ടില്ല -ഇടുക്കിയിലെ പൊതുപ്രവർത്തകൻ

ഇടുക്കി: രോഗമുണ്ടെന്ന്​ അറിഞ്ഞുകൊണ്ട്​ എവിടെയും യാത്ര ചെയ്​തിട്ടില്ലെന്ന്​ കോവിഡ്​ 19 വൈറസ്​ ബാധിച്ച ഇടുക്കിയിലെ പൊതുപ്രവർത്തകൻ ഉസ്​മാൻ. ജാഗ്രതകുറവുണ്ടായെന്ന മുഖ്യമന്ത്രിയുടെ പ്രതികരണത്തിൽ പരിഭവമില്ല. എങ്കിലും മുഖ്യമന്ത്രിയുടെ പ്രതികരണം വേദനിപ്പിച്ചുവെന്ന്​ ഉസ്​മാൻ പറഞ്ഞു.

തൻെറ പെരുമാറ്റത്തിൽ ജാഗ്രത കുറവുണ്ടായിട്ടുണ്ടെങ്കിൽ പൊതുസമൂഹത്തിനോട്​ മാപ്പ്​ ചോദിക്കുന്നു. ഡോക്​ടർമാരും നഴ്​സുമാരും മികച്ച​ സേവനമാണ്​ നൽകിയത്​. 14 ദിവസം വിശ്രമിക്കാൻ ഡോക്​ടർമാർ നിർദേശിച്ചിട്ടുണ്ട്​. ഇത്​ അനുസരിക്കുമെന്ന്​ ഉസ്​മാൻ വ്യക്​തമാക്കി.