Top
Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightഅസംഘടിത...

അസംഘടിത തൊഴിലാളികൾക്ക്​ 5000 രൂപ വീതം നൽകണം -എഫ്.ഐ.ടി.യു

text_fields
bookmark_border
അസംഘടിത തൊഴിലാളികൾക്ക്​ 5000 രൂപ വീതം നൽകണം -എഫ്.ഐ.ടി.യു
cancel

കോഴിക്കോട്​: ലോക്ഡൗൺ കാരണം തൊഴിലില്ലാതെ ദുരിതത്തിലായ അസംഘടിത തൊഴിലാളികൾക്കും വഴിയോര കച്ചവടക്കാർക്കും സ ർക്കാർ 5000 രൂപ വീതം അനുവദിക്കണമെന്ന്​ ഫെഡറേഷൻ ഓഫ്​ ഇന്ത്യൻ ട്രേഡ്​ യൂനിയൻ (എഫ്.ഐ.ടി.യു). മുഖ്യമന്ത്രി പിണറായി വിജയ ന്​ എഫ്.ഐ.ടി.യു സംസ്​ഥാന പ്രസിഡൻറ്​ റസാഖ് പലേരി അയച്ച തുറന്ന കത്തിലാണ്​ ഇക്കാര്യം ഉന്നയിച്ചത്​.

തൊഴിലാളികളുടെ ക്ഷേമനിധി അക്കൗണ്ടുകളിലൂടെയോ തദ്ദേശ സ്വയംഭരണ സ്ഥാപനങ്ങൾ വഴിയോ നേരിട്ടോ ഈ തുക നൽകണം. മത്സ്യത്തൊഴിലാളികൾ, മത്സ്യവിൽപനക്കാർ, അനുബന്ധ തൊഴിലാളികൾ, മോട്ടോർ തൊഴിലാളികൾ ഉൾപ്പെടെ ഉള്ളവർക്കും ഈ അനുകൂല്യം ലഭ്യമാക്കണം. അതിഥി തൊഴിലാളികളുടെ വിഷയത്തിലും അനുഭാവപൂർണമായ നടപടി സ്വീകരിക്കണമെന്നും കത്തിൽ ആവശ്യപ്പെട്ടു. നൂറുകണക്കിന് ആളുകൾ ഒരുമിച്ച് താമസിക്കുന്നതിനാൽ സാമൂഹിക അകലം പാലിക്കാൻ കഴിയുന്ന അവസ്ഥയിലല്ല ഇവർ. ആർക്കെങ്കിലും രോഗം ബാധിച്ചാൽ യാതൊരു നിയന്ത്രണവും സാധ്യമാകില്ല. അതിനാൽ സുരക്ഷിത താമസത്തിന്​ താൽക്കാലിക ഷെൽട്ടർ ഒരുക്കണം. ഭക്ഷണ കിറ്റുകൾ നൽകാനും നടപടി സ്വീകരിക്കണം.

രണ്ട് പ്രളയകാലത്തും ചെയ്​തതു പോലെ, സേവന പ്രവർത്തനങ്ങൾക്ക്​ സുരക്ഷാ മാനദണ്ഡങ്ങൾ പാലിച്ച് സന്നദ്ധ പ്രവർത്തകരെയും തൊഴിലാളി സംഘടനകളേയും പ്രയോജനപ്പെടുത്തണമെന്നും അദ്ദേഹം ആവശ്യപ്പെട്ടു. പ്രതിസന്ധിയെ മറികടക്കാൻ സർക്കാർ ആവിഷ്കരിച്ച് നടപ്പാക്കുന്ന എല്ലാ പ്രവർത്തനങ്ങൾക്കും സംഘടന പിന്തുണ അറിയിക്കുകയും ചെയ്​തു.

Show Full Article
TAGS:covid 19 FITU chief minister rasak paleri malayalam news 
News Summary - covid 19: FITU wants relief for unorganized workers
Next Story