Top
Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightകോവിഡ്​...

കോവിഡ്​ വ്യാജപ്രചാരണം: ജേക്കബ്​ വടക്കൻചേരിക്കെതിരെ കേസ്​; രണ്ടു പേർ അറസ്​റ്റിൽ

text_fields
bookmark_border
കോവിഡ്​ വ്യാജപ്രചാരണം: ജേക്കബ്​ വടക്കൻചേരിക്കെതിരെ കേസ്​; രണ്ടു പേർ അറസ്​റ്റിൽ
cancel

തിരുവനന്തപുരം: കോവിഡ് 19 വൈറസ് ബാധയുടെ പശ്ചാത്തലത്തില്‍ സമൂഹമാധ്യമങ്ങളിലൂടെ വ്യാജവാർത്തകൾ പ്രചരിപ്പിച്ച രണ് ട് യുവാക്കൾ പിടിയിൽ. സമൂഹമാധ്യമങ്ങളില്‍ വിഡിയോ പ്രചരിപ്പിച്ചതിന് പ്രകൃതി ചികിത്സകൻ ജേക്കബ്​ വടക്കൻചേരിക്കെതിരെയും കേസെടുത്തു.

എരുമപ്പെട്ടി സ്വദേശികളായ മുളയ്ക്കൽ പ്രവീഷ് ലാൽ (19), തോട്ടുംപാല അനസ് (18) എന്നിവരെയാണ് കുന്ദംകുളം സി.ഐ കെ.ജി. സുരേഷ് അറസ്​റ്റ്​ ചെയ്തത്. കുന്ദംകുളം താലൂക്കാശുപത്രിയില്‍ കോവിഡ്​ ബാധിച്ചയാളെ പ്രവേശിപ്പിച്ചിട്ടുണ്ടെന്ന് സമൂഹമാധ്യമങ്ങളില്‍ പ്രചരിപ്പിച്ചതിന് കുന്ദംകുളം താലൂക്കാശുപത്രി സൂപ്രണ്ട് ഡോ. എ.വി. മണികണ്ഠൻ നൽകിയ പരാതിയുടെ അടിസ്ഥാനത്തിലാണ് നടപടി.

കോവിഡ് 19 വൈറസുമായി ബന്ധപ്പെട്ട് അസുഖങ്ങള്‍ ഒന്നും ഇല്ലെന്നും സര്‍ക്കാര്‍ മനഃപൂർവം പ്രശ്നം ഉണ്ടാക്കുന്നതാണെന്നും കാണിച്ച് സമൂഹമാധ്യമങ്ങളില്‍ വിഡിയോ പ്രചരിപ്പിച്ചതിനാണ്​ ജേക്കബ്​ വടക്കൻചേരിയെ പ്രതിയാക്കി എറണാകുളം സെന്‍ട്രല്‍ പൊലീസ് സ്​റ്റേഷനില്‍ കേസ്​ രജിസ്​റ്റർ ചെയ്​തത്​. എറണാകുളം അസിസ്​റ്റൻറ്​ കമീഷണര്‍ കെ. ലാല്‍ജിയുടെ പേരില്‍ വ്യാജസന്ദേശം പ്രചരിപ്പിച്ചതിന്​ മറ്റൊരാൾക്കെതിരെയും കേസെടുത്തിട്ടുണ്ട്​.

Latest Video

Show Full Article
TAGS:COVID-19 jacob vadakkanchery fake news kerala news malayalam news 
News Summary - COVID-19: Fake News Two Person Arrested -Kerala News
Next Story