ആർത്തവകാലത്ത്​ വാക്​സിൻ എടുക്കുന്നത്​ അപകടമോ? 'വാട്​സ്​ആപ്പ്​ ഡോക്​ടർമാർ' പ്രചരിപ്പിക്കുന്ന വ്യാജവാർത്തക​​ളിതൊക്കെയാണ്​

കോവിഡ്​ വ്യാപനം ശക്​തമായതിന്​ പിന്നാലെ രാജ്യത്ത് 'വാട്​സാപ്പ്​ ഡോക്​ടർമാരിൽ' നിന്നുള്ള​ വ്യാജ മരുന്നുകളും അറിവുകളും പ്രചരിക്കുന്നത്​ വ്യാപകമാണ്​.ഇഞ്ചിയും മഞ്ഞളും കഴിച്ചാൽ കോവിഡ്​ മാറും, ആർത്തവകാലയളവിൽ സ്​ത്രീകൾ വാക്​സിൻ സ്വീകരിക്കാമോ, ആവിപിടിച്ചാൽ കോവിഡിനെ പ്രതിരോധിക്കാനാകും.. തുടങ്ങിയവയിൽ പ്രചരിക്കുന്നതെല്ലാം വ്യാജവാർത്തകളാണെന്നാണ്​ കേന്ദ്രസർക്കാർ വ്യക്​തമാക്കിയിരിക്കുന്നത്​.

വാട്​സാപ്പിലൂടെയും സോഷ്യൽ മീഡിയയിലുടെയും പ്രചരിക്കുന്ന ഇത്തരം അറിയിപ്പുകൾ ശ്രദ്ധയിൽപ്പെട്ടതിനെ തുടർന്ന്​​ പ്രസ്​ ഇൻഫർമേഷൻ ബ്യൂ​േറായുടെ ഫാക്​റ്റ്​ ​ചെക്ക് (വസ്​തുതാന്വേഷണം)​ നടത്തിയ വിലയിരുത്തലിലാണ്​ ഇവ വ്യാജവാർത്തകളാണെന്ന്​ വ്യക്​തമാക്കിയത്​.

അശാസ്​ത്രിയമായ അവകാശവാദങ്ങളാണ്​ വാക്​സി​നേഷനും കോവിഡിനെതിരെയും പ്രചരിക്കുന്നത്​. 18 വയസിന്​ മുകളിലുള്ള എല്ലാവർക്കും വാക്​സിൻ ലഭ്യമാക്കുന്നതിന്‍റെ ഭാഗമായുള്ളമൂന്നാം ഘട്ട വാക്​സിനേഷൻ രാജ്യത്ത്​ ആ​രംഭിക്കാനിരിക്കയാണ്​ വ്യാജവാർത്തകൾ വ്യാപകമായതെന്നും അവർ വിലയിരുത്തുന്നു. അത്തരത്തിൽ പ്രചരിച്ച ചില വ്യാജ വാർത്തകൾ ഇതൊക്കെ​യാണ്​.

ആർത്തവകാലത്ത്​ വാക്​സിൻ സ്വീകരിക്കാമോ​ ?

ആർത്തവകാലത്ത് സ്​ത്രീകളിലെ​ പ്രതിരോധ ശേഷി ദുർബലമാകുമെന്നും ആ കാലയളവിൽ വാക്​സിൻ സ്വീകരിക്കുന്നത്​ അപകടം വിളിച്ചു വരുത്തുമെന്ന തരത്തിലാണ്​ പ്രചരണം നടക്കുന്നത്​. ആർത്തവത്തിന്​ മുമ്പും ശേഷവുമുള്ള അഞ്ച്​ ദിവസം വാക്​സിൻ സ്വീകരിക്കുന്നത്​ അപകടമാണെന്ന തരത്തിലാണ്​ പ്രചരണം. ഇത്​ തെറ്റായ പ്രചരണമാണെന്നും, ഇത്തരം പ്രചരണങ്ങളിൽ ആളുകൾ വീഴ​രുതെന്നുമാണ്​ ആരോഗ്യവിദഗ്​ധർ പറയുന്നത്​.

കുരുമുളക്, ഇഞ്ചി, തേൻ..കോവിഡിനെ പ്രതിരോധിക്കു​െമന്ന്​ ലോകാരോഗ്യ സംഘടന പറഞ്ഞോ ?

കോവിഡ്​ ബാധിതരുടെ എണ്ണം വർദ്ധിച്ചതിനെ തുടർന്ന്​ പലനാടൻ മരുന്നുകളും പ്രതിരോധമരുന്നാണെന്ന തരത്തിൽ പ്രചരിച്ചിരുന്നു. അതിൽ ചിലതിനെ ലോകാരോഗ്യ സംഘടന അംഗീകരിച്ചെന്നും പ്രചരണമുണ്ടായിരുന്നു. അതിലൊന്നായിരുന്നു കുരുമുളക്, ഇഞ്ചി, തേൻ എന്നിവ ചേർത്ത്​ പുതുച്ചേരി സർവകലാശാലയിലെ ഒരു വിദ്യാർത്ഥി കണ്ടെത്തിയ മരുന്നിനെ ലോകാരോഗ്യ സംഘടന അംഗീകരിച്ചെന്ന പ്രചരണം.ഇതി​നെയും കേന്ദ്രസർക്കാർ നിഷേധിച്ചു. സമീകൃതമായ ആ​ഹാരവും ധാരാളം വെള്ളം കുടിക്കുന്നതുമാണ്​ ഉചിതമെന്ന്​ ആരോഗ്യവിദഗദ്ധർ പറയുന്നു.

ആവിപിടിച്ചാൽ കോവിഡിനെ പ്രതിരോധിക്കാനാകുമോ​ ​?

കോവിഡി​നെ ആവിപിടിച്ച്​ പ്രതിരോധിക്കാൻ കഴിയുമെന്ന് വ്യോമസേന ഡോക്ടർ അസുതോഷ് ശർമ അവകാശപ്പെട്ടുവെന്ന തരത്തിലുള്ള പ്രചരണവും സോഷ്യൽ മീഡിയയിൽ വ്യാപകമാണ്​. എന്നാൽ അദ്ദേഹവുമായി അധികൃതർ ബന്ധപ്പെട്ടപ്പോൾ അ​ത്തരമൊരു സ​ന്ദേശമോ വാഗ്​ദാനമോ ആർക്കും നൽകിയിട്ടില്ലെന്നും ​അദ്ദേഹം വെളിപ്പെടുത്തി. കോവിഡുമായി ബന്ധപ്പെട്ട എന്തെങ്കിലും ലക്ഷണങ്ങൾ ശ്രദ്ധയിൽപെട്ടാൽ ​അംഗീകൃത വൈദ്യസഹായം തേടുകയാണ്​ വേണ്ടതെന്നും കേന്ദ്രസർക്കാർ വ്യക്തമാക്കി.