കോവിഡ്-19: വ്യാജ വാര്ത്തകള് പ്രചരിപ്പിച്ചവർക്കെതിരെ കേസ്
text_fieldsതിരുവനന്തപുരം: കോവിഡ് 19 വൈറസ് ബാധയുടെ പശ്ചാത്തലത്തില് സമൂഹ മാധ്യമങ്ങളിലൂടെ വ്യാജ വാർത്തകൾ പ്രചരിപ്പിച്ചതി ന് സംസ്ഥാനത്ത് മൂന്നു കേസുകള് രജിസ്റ്റര് ചെയ്തതായി പൊലീസ്. എറണാകുളം സെന്ട്രല് പൊലീസ് സ്റ്റേഷനില് രണ്ടും ത്യശൂര് കുന്നംകുളം പൊലീസ് സ്റ്റേഷനില് ഒരു കേസുമാണ് രജിസ്റ്റര് ചെയ്തിരിക്കുന്നത്. ഇതുവരെ ആരെയും അറസ്റ്റ് ചെയ്തിട്ടില്ല.
എറണാകുളം പൊലീസ് അസിസ്റ്റന്റ് കമീഷണര് കെ. ലാല്ജിയുടെ പേരില് വ്യാജ സന്ദേശം പ്രചരിപ്പിച്ചതിനാണ് ഒരു കേസ്. കോവിഡ് 19 വൈറസുമായി ബന്ധപ്പെട്ട് അസുഖങ്ങള് ഒന്നുംതന്നെ ഇല്ലെന്നും സര്ക്കാര് മനഃപൂര്വം പ്രശ്നങ്ങള് ഉണ്ടാക്കുന്നതാണെന്നും കാണിച്ച് സമൂഹ മാധ്യമങ്ങളില് വീഡിയോ പ്രചരിപ്പിച്ചതിന് ജയിംസ് വടക്കാഞ്ചേരി എന്നയാളെ പ്രതിയാക്കിയാണ് രണ്ടാമത്തെ കേസ്.
കുന്നംകുളം താലൂക്ക് ആശുപത്രിയില് കൊറോണ ബാധിച്ചയാളെ പ്രവേശിപ്പിച്ചിട്ടുണ്ടെന്ന് സമൂഹ മാധ്യമങ്ങളില് പ്രചരിപ്പിച്ചതിന് എരുമപ്പെട്ടി സ്വദേശി പ്രവീഷ് ലാലിനെതിരെയാണ് കുന്നംകുളം പൊലീസ് കേസ് രജിസ്റ്റര് ചെയ്തത്. കുന്നംകുളം താലൂക്ക് ആശുപത്രി സൂപ്രണ്ടിന്റെ പരാതിയുടെ അടിസ്ഥാനത്തിലാണ് നടപടി.
Latest Video
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.