പെരിയ ഇരട്ടക്കൊല: കോടതിയിൽ കുറ്റം നിഷേധിച്ച്​ പീതാംബരൻ

കാഞ്ഞങ്ങാട്​: പെരിയ കല്യോട്ട്​ യൂത്ത്​ കോൺഗ്രസ്​ പ്രവർത്തകരായ കൃപേഷ്​, ശരത്​ലാൽ എന്നിവരെ കൊലപ്പെടുത്തിയ കേസിലെ മുഖ്യപ്രതി എ. പീതാംബരൻ കോടതിയിൽ കുറ്റം നിഷേധിച്ചു. താൻ കുറ്റം ചെയ്​തിട്ടില്ലെന്നും അന്വേഷണ ഉദ്യോഗസ് ഥൻ ഭീഷണിപ്പെടുത്തി സമ്മതിപ്പിച്ചതാണെന്നും സി.പി.എം പെരിയ ലോക്കൽ കമ്മിറ്റി അംഗമായിരുന്ന പീതാംബരൻ ഹോസ്​ദുർഗ്​ ഫസ്​റ്റ്​ ക്ലാസ്​ മജിസ്​ട്രേറ്റ്​ മുമ്പാകെ പറഞ്ഞു. പൊലീസ്​ കസ്​റ്റഡി കാലാവധി അവസാനിച്ചതിനാൽ പ്രതികളെ വീണ്ടും കോടതിയിൽ ഹാജരാക്കിയപ്പോഴാണ്​ പീതാംബരൻ കുറ്റം നിഷേധിച്ചത​്​.

ആരോഗ്യപ്രശ്​നം വല്ലതുമുണ്ടോയെന്ന്​ മജിസ്​ട്രേറ്റ്​​ വിദ്യാധരൻ ചോദിച്ചപ്പോൾ രക്താതിസമ്മർദ്ദമുണ്ടായിരുന്നുവെന്നും ഇപ്പോൾ ഇല്ലെന്നും പീതാംബരൻ മറുപടിനൽകി. അതിനുശേഷം ​ മറ്റെ​െന്തങ്കിലും പറയാനുണ്ടോയെന്ന്​ ആരാഞ്ഞപ്പോഴാണ്​ താൻ കുറ്റം ചെയ്​തിട്ടില്ലെന്നും അന്വേഷണ ഉദ്യോഗസ്ഥൻ ഭീഷണിപ്പെടുത്തിയാണ്​ കുറ്റം സമ്മതിപ്പിച്ചതെന്നും പീതാംബരൻ പറഞ്ഞത്​. അതേസമയം, പാർട്ടിയിൽനിന്ന്​ ഭീഷണിയൊന്നും ഉണ്ടായിട്ടില്ലെന്നാണ്​ കേസിലെ രണ്ടാം പ്രതി സജി സി. ജോർജ്​ പിന്നീട്​ മാധ്യമപ്രവർത്തകരോട്​ പറഞ്ഞത്​. കോടതി നടപടി പൂർത്തിയാക്കി പൊലീസ്​ വാഹനത്തിൽ കയറ്റാൻ കൊണ്ടുപോകുന്നതിനിടെയാണ്​ രണ്ടാം പ്രതി സജി സി. ജോർജ്​ മാധ്യമങ്ങളോട്​ പ്രതികരിച്ചത്​. എന്നാൽ, പീതാംബരൻ മാധ്യമങ്ങളോട്​ പ്രതികരിക്കാൻ തയാറായില്ല. രണ്ടു​ പ്രതികളെയും കോടതി രണ്ടാഴ്​ചത്തേക്ക്​ റിമാൻഡ്​ ചെയ്​തു.

കേസിൽ കൂടുതൽ പ്രതികൾ ഉൾപ്പെട്ടിട്ടുണ്ടോയെന്ന്​ അന്വേഷിക്കേണ്ടതു​െണ്ടന്ന്​ അന്വേഷണസംഘം കോടതിയിൽ സമർപ്പിച്ച റിമാൻഡ്​ റിപ്പോർട്ടിൽ പറഞ്ഞു. അതിനാൽ പ്രതികൾക്ക്​ ജാമ്യം അനുവദിക്കരുതെന്നും അന്വേഷണസംഘം ആവശ്യപ്പെട്ടു. കേസി​​​​െൻറ അന്വേഷണം ഏറ്റെടുത്ത ക്രൈം​ബ്രാഞ്ച്​ സംഘം പ്രതികളെ കസ്​റ്റഡിയിൽ ആശ്യപ്പെട്ട്​ അടുത്തദിവസം കോടതിയെ സമീപിക്കും. അതിനിടെ, കാസർകോട്​ കലക്​ടറേറ്റിൽ ചൊവ്വാഴ്​ച രാവി​െല മന്ത്രി ഇ. ചന്ദ്രശേഖര​​​െൻറ അധ്യക്ഷതയിൽ സമാധാനയോഗം വിളിച്ചുചേർത്തിട്ടുണ്ട്​.