കനകദുർഗക്ക് ഭ​ർ​തൃ​ഗൃ​ഹ​ത്തി​ൽ പ്രവേശിക്കാമെന്ന് കോടതി

പുലാമന്തോൾ (മലപ്പുറം): ശബരിമല ദർശനത്തെത്തുടർന്ന്​ എതിർപ്പ്​ നേരിടേണ്ടിവന്ന അങ്ങാടിപ്പുറം സ്വദേശിനി കനകദുർഗ ക്ക്​ ഭർതൃവീട്ടിൽ പ്രവേശിക്കാൻ പുലാമന്തോൾ ഗ്രാമന്യായാലയം അനുമതി നൽകി. ഭർതൃവീട്ടിൽ പ്രവേശിക്കാനും കുട്ടികൾക ്കൊപ്പം കഴിയാനും അനുവദിക്കണമെന്നാവശ്യപ്പെട്ട് ഗാർഹികപീഡന നിരോധന നിയമപ്രകാരം നൽകിയ പരാതിയിലാണ് അനുകൂലവിധി.

വിധിയുടെ അടിസ്ഥാനത്തിൽ പൊലീസ് തുടർനടപടികൾ സ്വീകരിക്കും. കനകദുർഗയെ വീട്ടിൽ കയറ്റുന്നതിൽ ഭർത്താവും കുടുംബാംഗങ്ങളും എതിർപ്പറിയിച്ചിരുന്നു. തുടർന്ന്​ പെരിന്തൽമണ്ണ ജുഡീഷ്യൽ ഫസ്​റ്റ്​ ക്ലാസ് മജിസ്ട്രേറ്റ് കോടതിയിൽ നൽകിയ പരാതിയാണ്​ പുലാമന്തോളിലെ ഗ്രാമകോടതിയിലേക്ക് കൈമാറിയിരുന്നത്​.

ചൊവ്വാഴ്ച വൈകീട്ടാണ്​ ഭർതൃവീട്ടിൽ പ്രവേശിക്കുന്നതിന് കോടതി അനുമതി നൽകുന്നതായി കനകദുർഗയുടെ അഭിഭാഷകയുടെ സാന്നിധ്യത്തിൽ പ്രഖ്യാപനമുണ്ടായത്. ശബരിമല ദർശനശേഷം കനകദുർഗ താമസിച്ച സ്ഥലങ്ങളെക്കുറിച്ചുള്ള എതിർകക്ഷികളുടെ പരാമർശങ്ങൾ ഇൗ വിഷയങ്ങളുമായി ബന്ധപ്പെട്ട് പ്രസക്തമല്ലെന്ന്​ ഗ്രാമന്യായാലയം നിരീക്ഷിച്ചു. ഇത്​ സംബന്ധിച്ച മറ്റ്​ കേസുകൾ അടുത്തമാസം 11ന് പരിഗണിക്കും. പെരിന്തൽമണ്ണയിലെ വൺ സ്​റ്റോപ്​ സ​​െൻററിൽ പൊലീസ് സംരക്ഷണയിലാണ്​ കനകദുർഗ കഴിയുന്നത്.