Top
Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightവാറ്റുകേന്ദ്രത്തിൽ...

വാറ്റുകേന്ദ്രത്തിൽ റെയ്​ഡിനെത്തിയ പൊലീസിനെ ആക്രമിച്ചു; ദമ്പതികൾ പിടിയിൽ

text_fields
bookmark_border
വാറ്റുകേന്ദ്രത്തിൽ റെയ്​ഡിനെത്തിയ പൊലീസിനെ ആക്രമിച്ചു; ദമ്പതികൾ പിടിയിൽ
cancel

കട്ടപ്പന (ഇടുക്കി): ചാരായം വാറ്റ് കേന്ദ്രത്തിൽ റെയ്ഡിനെത്തിയ പൊലീസ്​ സംഘത്തെ വാറ്റുകാർ വെട്ടി. മൂന്ന്​ പൊലീ സ്​ ഉദ്യോഗസ്ഥർക്ക് പരിക്കേറ്റു. സംഭവവുമായി ബന്ധപ്പെട്ട്​ ദമ്പതിമാരെ പൊലീസ്​​ അറസ്​റ്റ്​ ചെയ്​തു. മേരികുളം അ യ്യരുപാറ പേഴത്തുംമൂട്ടിൽ ജയിംസ് (46), ഭാര്യ ബിൻസി (42) എന്നിവരാണ് പിടിയിലായത്. വാറ്റുകാരുടെ ആക്രമണത്തിൽ പരിക്കേറ്റ ഉപ്പുതറ പൊലീസ്​ സ്​റ്റേഷനിലെ സിവിൽ പൊലീസ്​ ഓഫിസർമാരായ തോമസ് ജോൺ, ശ്രീജിത്ത്​, പൊലീസ്​ ജീപ്പ് ഡ്രൈവർ അനുമോൻ എന്നിവരെ ഉപ്പുതറ സർക്കാർ ആശുപത്രിയിൽ പ്രവേശിപ്പിച്ചു. തോമസ് ജോണി​​െൻറ രണ്ട് വിരലുകൾക്ക് മുറിവേറ്റിട്ടുണ്ട്. അയ്യരു പാറയിൽ ഞായറാഴ്​ച ഉച്ചയോടെയായിരുന്നു സംഭവം.

ഉപ്പുതറ സർക്കിൾ ഇൻസ്പെക്ടർ എസ്.എം. റിയാസിന് ലഭിച്ച രഹസ്യവിവരത്തെ തുടർന്നാണ് പൊലീസ്​പരിശോധനക്കെത്തിയത്. അയ്യരുപാറ ജയിംസി​​െൻറ വീട്ടിൽ റെയ്ഡിനെത്തിയപ്പോൾ ജയിംസും ഭാര്യ ബിൻസിയും ചേർന്ന് മാരകായുധങ്ങൾ കാട്ടി പൊലീസിനെ വിരട്ടി. കൂടുതൽ പൊലീസിനെ വിളിച്ചുവരുത്തി പരിശോധന നടത്തുകയായിരുന്നു. ഇതിനിടയിൽ ജയിംസും ഭാര്യയും ചേർന്ന്‌ മാരകായുധങ്ങളുമായി പൊലീസിനെ ആക്രമിച്ചു.

വെട്ട് തടയാൻ ശ്രമിച്ചപ്പോഴാണ് തോമസ് ജോണി​​െൻറ വിരലുകൾക്ക് മുറിവേറ്റത്. ഇത് തടയുന്നതിനിടയിലാണ് മറ്റ്​ രണ്ട്​ പേർക്കും പരിക്കേറ്റത്. ഒടുവിൽ വനിത പൊലീസ്​ ഉൾപ്പെടെ കൂടുതൽ പൊലീസ്​ സ്ഥലത്തെത്തിയാണ് പ്രതികളെ കീഴ്പ്പെടുത്തിയത്. ഇവരുടെ വീട്ടിൽനിന്ന് വാറ്റ് ഉപകരണങ്ങളും ഒരു ലിറ്റർ ചാരായവും പിടിച്ചെടുത്തു.

പൊലീസ്​​ വരുന്നതറിഞ്ഞ്​ വീട്ടിലുണ്ടായിരുന്ന കൂടുതൽ ചാരായവും കുപ്പികളും പ്രതികൾ നശിപ്പിച്ചിരുന്നു. പൊലീസ്​ ഉദ്യോഗസ്ഥരുടെ ഡ്യൂട്ടി തടസ്സപ്പെടുത്തിയതിനും ആക്രമിച്ച്‌ പരിക്കേൽപിച്ചതിനും ചാരായ വാറ്റ്​ നടത്തിയതിനും പ്രതികൾക്കെതിരെ രണ്ട് കേസ്​ രജിസ്​റ്റർ ചെയ്തു. പ്രതികളെ തിങ്കളാഴ്​ച കോടതിയിൽ ഹാജരാക്കും.

Show Full Article
TAGS:Liqour kerala news police attack crime 
News Summary - couples attacked police
Next Story