രാജ്യത്തെ പ്രായം കൂടിയ സാക്ഷരത പഠിതാവ് കാർത്ത്യായനിയമ്മ അന്തരിച്ചു

ഹരിപ്പാട്: രാജ്യത്തെ ഏറ്റവും പ്രായം കൂടിയ സാക്ഷരത പഠിതാവ് മുട്ടം ചിറ്റൂര്‍ പടീറ്റതില്‍ കാർത്ത്യായനിയമ്മ അന്തരിച്ചു. 101 വയസായിരുന്നു. ചൊവ്വാഴ്ച രാത്രി 12 മണിയോടെ ഹരിപ്പാടിലെ വീട്ടിൽവെച്ചായിരുന്നു അന്ത്യം. പക്ഷാഘാതത്തെ തുടര്‍ന്ന് കിടപ്പിലായിരുന്നു.

2017ൽ സാ​ക്ഷ​ര​ത മി​ഷ​​ൻ നടത്തിയ ‘അ​ക്ഷ​ര​ല​ക്ഷം’ പരീക്ഷ ഒന്നാം റാങ്കിൽ കാർത്ത്യായനിയമ്മ പാസായിരുന്നു. 40440 പേർ എഴുതിയ പരീക്ഷയിൽ 100ൽ 98 മാർക്ക് വാങ്ങിയാണ് കാർത്ത്യായനിയമ്മ ജേതാവായത്. 96-ാം വയസിലായിരുന്നു കാർത്ത്യായനിയമ്മ ഈ അപൂർ നേട്ടം കൈവരിച്ചത്. വീടിനടുത്തുള്ള കണിച്ചനെല്ലൂര്‍ എല്‍.പി.സ്‌കൂളിൽ കാർത്ത്യായനിയമ്മ പരീക്ഷ എഴുതുന്നതിന്‍റെ ചിത്രങ്ങൾ സമൂഹ മാധ്യമങ്ങളിൽ വ്യാപകമായി പ്രചരിച്ചിരുന്നു.

അ​ക്ഷ​ര ല​ക്ഷം സാ​ക്ഷ​ര​ത പ​രീ​ക്ഷ​യി​ൽ ഒ​ന്നാം റാ​ങ്കോ​ടെ വി​ജ​യി​ച്ച​ കാർത്ത്യായനിയമ്മയെ 2018ലെ നാരീശക്തി പുരസ്‌കാരം തേടിയെത്തി. രാ​ഷ്​​ട്ര​പ​തി​യി​ൽ ​നി​ന്ന് പു​ര​സ്‌​കാ​രം ഏ​റ്റു​വാ​ങ്ങുന്നത് രാജ്യാന്തര മാധ്യമങ്ങൾ അന്ന് വാർത്തയാക്കിയിരുന്നു.

പ​രി​പൂ​ർ​ണ സാ​ക്ഷ​ര​ത എ​ന്ന ല​ക്ഷ്യ​ത്തോ​ടെ സംസ്ഥാന സാ​ക്ഷ​ര​ത​മി​ഷ​ൻ ആ​വി​ഷ്കരിച്ചതാണ് ‘അ​ക്ഷ​ര​ല​ക്ഷം’ പ​ദ്ധ​തി. എ​ഴു​ത്തും വാ​യ​ന​യും ക​ണ​ക്കും ഉ​ൾ​പ്പെ​ടു​ത്തി ന​ട​ത്തി​യായിരുന്നു പ​രീ​ക്ഷ. അ​ക്ഷ​ര​ല​ക്ഷം പ​രീ​ക്ഷ​യി​ൽ വി​ജ​യി​ക്കു​ന്ന​വ​ർ​ക്ക്​ നാ​ലാം​ത​രം തു​ല്യ​ത കോ​ഴ്​​സി​ന്​ അ​പേ​ക്ഷി​ക്കാം.​