രാജമലയിൽ വരയാടുകളുടെ കണക്കെടുപ്പ്​ തി​ങ്ക​ളാ​ഴ്ച​ തുടങ്ങും

തൊ​ടു​പു​ഴ: മൂ​ന്നാ​ർ രാ​ജ​മ​ല​യി​ലെ വ​ര​യാ​ടു​ക​ളു​ടെ ക​ണ​ക്കെ​ടു​പ്പ്​ തി​ങ്ക​ളാ​ഴ്ച തു​ട​ങ്ങും. ഇ​ര​വി​കു​ളം ദേ​ശീ​യോ​ദ്യാ​ന​ത്തി​ന്‍റെ ഭാ​ഗ​മാ​യി വ​രു​ന്ന ചി​ന്നാ​ർ, ഇ​ര​വി​കു​ളം, പാ​മ്പാ​ടും​ചോ​ല എ​ന്നി​വി​ട​ങ്ങ​ളി​ലാ​ണ്​ ക​​ണ​ക്കെ​ടു​പ്പ്. നാ​ലു​ദി​വ​സ​ത്തോ​ളം ക​ണ​ക്കെ​ടു​പ്പ്​ തു​ട​രും. തു​ട​ർ​ന്ന്​ വ​ര​യാ​ടു​ക​ളു​ടെ എ​ണ്ണം ​ഔ​ദ്യോ​ഗി​ക​മാ​യി പു​റ​ത്തു​വി​ടും. 33 ​ബ്ലോ​ക്കു​ക​ളാ​യി തി​രി​ഞ്ഞാ​ണ്​ സം​ഘം വ​ര​യാ​ടു​ക​ളു​ടെ ക​ണ​ക്കെ​ടു​പ്പ്​ ന​ട​ത്തു​ക, ഒ​രു ബ്ലോ​ക്കി​ൽ മൂ​ന്നു​പേ​ർ വീ​തം ഉ​ണ്ടാ​കും.

മൂ​ന്നാ​ർ വൈ​ൽ​ഡ്​ ലൈ​ഫ്​ വാ​ർ​ഡ​ൻ എ​ൻ. വി​നോ​ദ്, അ​സി. വൈ​ൽ​ഡ്​ ലൈ​ഫ്​ വാ​ർ​ഡ​ൻ നി​തി​ൻ ലാ​ൽ എ​ന്നി​വ​രാ​ണ്​ ക​ണ​ക്കെ​ടു​പ്പി​ന്​ നേ​തൃ​ത്വം ന​ൽ​കു​ന്ന​ത്. സെ​ൻ​സ​സി​ൽ പ​ങ്കെ​ടു​ക്കു​ന്ന​വ​ർ​ക്ക്​ നി​ർ​ദേ​ശം ന​ൽ​കു​ന്ന​തി​ന്​ യോ​ഗം ചേ​ർ​ന്നു. ഈ ​സീ​സ​ണി​ൽ മേ​സ്തി​രി​ക്കെ​ട്ട്, കു​മ​രി​ക്ക​ല്ല്, വ​ര​യാ​ട്​​മെ​ട്ട്​ എ​ന്നി​വി​ട​ങ്ങ​ളി​ലാ​യി 110ല​ധി​കം വ​ര​യാ​ടി​ൻ​കു​ഞ്ഞു​ങ്ങ​ൾ പി​റ​ന്നി​ട്ടു​ള്ള​താ​യാ​ണ്​ ക​ണ​ക്ക്.

ക​ഴി​ഞ്ഞ വ​ർ​ഷം 125ല​ധി​കം വ​ര​യാ​ടി​ൻ കു​ഞ്ഞു​ങ്ങ​ളാ​ണ്​ പി​റ​ന്ന​ത്. ഇ​ടു​ക്കി ജി​ല്ല​യി​ലെ ദേ​വി​കു​ളം താ​ലൂ​ക്കി​ലാ​ണ്​ ഇ​ര​വി​കു​ളം ദേ​ശീ​യോ​ദ്യാ​നം. വ​ര​യാ​ടു​ക​ളു​ടെ പ്ര​ജ​ന​ന​കാ​ല​ത്തെ​തു​ട​ർ​ന്ന്​ ജ​നു​വ​രി 31ന്​ ​അ​ട​ച്ച ഉ​ദ്യാ​നം തു​റ​ന്നി​ട്ടു​ണ്ട്. വ​ര​യാ​ടി​ൻ കു​ഞ്ഞു​ങ്ങ​ളു​ടെ സു​ര​ക്ഷ ഉ​റ​പ്പാ​ക്കു​ന്ന​തി​നും പ്ര​ജ​ന​നം സു​ഗ​മ​മാ​യി ന​ട​ക്കു​ന്ന​തി​നു​മാ​ണ്​ എ​ല്ലാ വ​ർ​ഷ​വും പാ​ർ​ക്ക്​ അ​ട​ച്ചി​ടു​ന്ന​ത്.