ക​ടു​വ​ക​ളു​ടെ കൊ​ല​ക്ക​ളം

മ​നു​ഷ്യ​രും വ​ന്യ​മൃ​ഗ​ങ്ങ​ളും ത​മ്മി​ൽ സം​ഘ​ർ​ഷം കൂ​ടി വ​രു​ന്ന സം​സ്ഥാ​ന​ത്ത് ക​ഴി​ഞ്ഞ വ​ർ​ഷം 12 ക​ടു​വ​ക​ൾ ച​ത്ത​താ​യി ക​ണ​ക്കു​ക​ൾ. നാ​ഷ​ന​ൽ ടൈ​ഗ​ർ ക​ൺ​സ​ർ​വേ​ഷ​ൻ അ​തോ​റി​റ്റി പു​റ​ത്തു​വി​ട്ട ക​ണ​ക്കി​ലാ​ണ് ക​ടു​വ​ക​ളു​ടെ മ​ര​ണം സം​ബ​ന്ധി​ച്ച വി​ശ​ദാം​ശ​ങ്ങ​ളു​ള്ള​ത്. ഇ​തി​ൽ മൂ​ന്ന് ക​ടു​വ​ക​ൾ മാ​ത്ര​മാ​ണ് ക​ടു​വ സ​​ങ്കേ​ത​ങ്ങ​ൾ​ക്ക് അ​ക​ത്ത് ച​ത്ത​ത്.

- 2022ൽ ​സം​സ്ഥാ​ന​ത്ത് ആ​റു ക​ടു​ക​ൾ ച​ത്തു.

- ക​ഴി​ഞ്ഞ വ​ർ​ഷം രാ​ജ്യ​ത്ത് 177 ക​ടു​വ​ക​ൾ ച​ത്തെ​ന്നാ​ണ് നാ​ഷ​ന​ൽ ടൈ​ഗ​ർ ക​ൺ​സ​ർ​വേ​ഷ​ൻ അ​തോ​റി​റ്റി​യു​ടെ ക​ണ​ക്ക്. 206 ക​ടു​വ​ക​ൾ​ക്ക് ജീ​വ​ൻ ന​ഷ്ട​മാ​യ​താ​യി വൈ​ൽ​ഡ് ലൈ​ഫ് പ്രൊ​ട്ട​ക്ഷ​ൻ സൊ​സൈ​റ്റി ഓ​ഫ് ഇ​ന്ത്യ (ഡ​ബ്ല്യു.​പി.​എ​സ്.​ഐ) പ​റ​യു​ന്നു.

- 2023ൽ ​കേ​ന്ദ്ര വ​നം-​വ​ന്യ​ജീ​വി വ​കു​പ്പ് പു​റ​ത്തു​വി​ട്ട ക​ണ​ക്ക് പ്ര​കാ​രം ​സം​സ്ഥാ​ന​ത്ത് 213 ക​ടു​വ​ക​ൾ. 2018ൽ 190 ​ക​ടു​വ​ക​ളാ​ണു​ണ്ടാ​യി​രു​ന്ന​ത്.

ക​ഴി​ഞ്ഞ വ​ർ​ഷം കേ​ര​ള​ത്തി​ൽ 12 ക​ടു​വ​ക​ൾ ച​ത്തു

സം​സ്ഥാ​ന സ​ർ​ക്കാ​ർ ക​ണ​ക്ക് പ്ര​കാ​രം ക​ഴി​ഞ്ഞ വ​ർ​ഷം 84 ക​ടു​വ​ക​ളാ​ണ് വ​യ​നാ​ട്ടി​ലു​ള്ള​ത്. 2018ൽ 120 ​എ​ണ്ണ​മാ​യി​രു​ന്നു. അ​ഞ്ചു വ​ർ​ഷ​ത്തി​നി​ടെ 30 ശ​ത​മാ​നം കു​റ​ഞ്ഞു.

75 ശ​ത​മാ​നം ക​ടു​വ​ക​ളും ഇ​ന്ത്യ​യി​ൽ

ലോ​ക​ത്ത് അ​വ​ശേ​ഷി​ക്കു​ന്ന ക​ടു​വ​ക​ളി​ൽ 75 ശ​ത​മാ​ന​വും ഇ​ന്ത്യ​യി​ലാ​ണെ​ന്നാ​ണ് ക​ണ​ക്ക്. 50 വ​ർ​ഷം മു​മ്പ് രാ​ജ്യ​ത്ത് ആ​രം​ഭി​ച്ച പ്രോ​ജ​ക്ട് ടൈ​ഗ​ർ പ​ദ്ധ​തി​യാ​ണ് ഇ​വ​യു​ടെ വം​ശ​നാ​ശം ഒ​ഴി​വാ​ക്കു​ന്ന​തി​ൽ പ്ര​ധാ​ന പ​ങ്ക് വ​ഹി​ച്ച​ത്.

ക​ടു​വ​സ​​ങ്കേ​തം: വ​യ​നാ​ട് പ​രി​ഗ​ണ​ന​യി​ലി​ല്ല

മ​നു​ഷ്യ​രും വ​ന്യ​മൃ​ഗ​ങ്ങ​ളും ത​മ്മി​ലു​ള്ള സം​ഘ​ർ​ഷം പ​തി​വാ​യ​ത് വ​യ​നാ​ട്ടി​ൽ കൂ​ടു​ത​ൽ ആ​ശ​ങ്ക ഉ​യ​ർ​ത്തു​ന്നു​ണ്ട്. കേ​ര​ള​ത്തി​ൽ ​തേ​ക്ക​ടി​യി​ലെ പെ​രി​യാ​ർ റി​സ​ർ​വും പ​റ​മ്പി​ക്കു​ളം റി​സ​ർ​വു​മാ​ണ് ക​ടു​വ​ക​ളു​ടെ പ്ര​ത്യേ​ക സ​​ങ്കേ​ത മേ​ഖ​ല​യാ​യു​ള്ള​ത്. എ​ന്നാ​ൽ, ഈ ​സ​​ങ്കേ​ത​ങ്ങ​ളി​ൽ ഉ​ള്ള​തി​നേ​ക്കാ​ൾ കൂ​ടു​ത​ൽ ക​ടു​വ​ക​ൾ ഉ​ണ്ടെ​ങ്കി​ലും വ​യ​നാ​ട് ക​ടു​വ സ​​ങ്കേ​തം സ്ഥാ​പി​ക്കു​ന്ന കാ​ര്യം പ​രി​ഗ​ണ​ന​യി​ലി​ല്ലെ​ന്നാ​ണ് അ​ധി​കൃ​ത​ർ വ്യ​ക്ത​മാ​ക്കി​യി​ട്ടു​ള്ള​ത്. 53 ക​ടു​വ സ​​ങ്കേ​ത​ങ്ങ​ളാ​ണ് നി​ല​വി​ൽ രാ​ജ്യ​ത്തു​ള്ള​ത്.