വസ്ത്രാലങ്കാരകൻ വേലായുധൻ കീഴില്ലം അന്തരിച്ചു

തൃശൂർ: മലയാള സിനിമയിൽ വസ്​ത്രാലങ്കാര രംഗത്ത്​ നിറസാന്നിധ്യമായിരുന്ന വേലായുധൻ കീഴില്ലം അന്തരിച്ചു. 70 വയസായിര ുന്നു. ചാലക്കുടിയിലെ സ്വകാര്യ ആശുപത്രിയിൽ ഇന്ന് ഉച്ചക്കായിരുന്നു അന്ത്യം.

കെ.ജി ജോർജി​ന്‍റെ ഉൾക്കടൽ എന്ന ചിത്രത്തിൽ വസ്​ത്രാലങ്കാര സഹായിയായിട്ടായിരുന്നു തുടക്കം. സിദ്ദിഖി​​ന്‍റെ ബിഗ്​ബ്രദർ എന്ന ചിത്രത്തിലാണ്​ അവസാനമായി വസ്​ത്രാലങ്കാരം നിർവഹിച്ചത്​.

പെരുമ്പാവൂരിനടുത്ത്​ കീഴില്ലത്താണ് ജനനം. ചെറിയ പ്രായത്തിൽ ചലചിത്ര രംഗത്തെത്തിയ ഇദ്ദേഹം നിരവധി സംവിധായകർക്കൊപ്പം പ്രവർത്തിച്ചു. 1994 ൽ മാനത്തെ വെള്ളിത്തേര്​ എന്ന ചി​ത്രത്തിലൂടെ മികച്ച വസ്​ത്രാലങ്കാരകനുള്ള സംസ്​ഥാന പുരസ്​കാരം ലഭിച്ചു.

സംസ്കാരം ഇന്ന് വൈകീട്ട് 8 ന് വീട്ടുവളപ്പിൽ. ഭാര്യ: പരേതയായ ശാന്തകുമാരി. മക്കൾ: വൈശാഖ്, അശ്വതി.