അനക്കമില്ലാതെ അഴിമതിക്കേസുകൾ

തൊ​ടു​പു​ഴ: സം​സ്ഥാ​ന​ത്ത്​ സ​ർ​ക്കാ​ർ ജീ​വ​ന​ക്കാ​ർ ഉ​ൾ​പ്പെ​ട്ട അ​ഴി​മ​തി​ക്കേ​സു​ക​ളു​ടെ ന​ട​പ​ടി​ക്ര​മ​ങ്ങ​ളി​ൽ മെ​ല്ലെ​പ്പോ​ക്ക്. അ​ഴി​മ​തി ക​ണ്ടെ​ത്തി​യാ​ൽ​പോ​ലും കു​റ​ച്ചു​പേ​ർ​ക്കെ​തി​രെ മാ​ത്രം കേ​സ്​ ര​ജി​സ്റ്റ​ർ ചെ​യ്യ​പ്പെ​ടു​ക​യും അ​തി​ൽ വ​ള​രെ ചു​രു​ക്കം പേ​ർ​ക്കെ​തി​രെ മാ​ത്രം ശി​ക്ഷാ​ന​ട​പ​ടി സ്വീ​ക​രി​ക്കു​ക​യും ചെ​യ്യു​ന്ന രീ​തി​യാ​ണ്​ ചി​ല സ​ർ​ക്കാ​ർ വ​കു​പ്പു​ക​ളി​ൽ നി​ല​നി​ൽ​ക്കു​ന്ന​ത്. ര​ജി​സ്റ്റ​ർ ചെ​യ്ത്​ വ​ർ​ഷ​ങ്ങ​ളാ​യി​ട്ടും ന​ട​പ​ടി പൂ​ർ​ത്തി​യാ​കാ​ത്ത കേ​സു​ക​ളും കു​റ​വ​ല്ലെ​ന്ന്​ ഇ​ത്​ സം​ബ​ന്ധി​ച്ച ക​ണ​ക്കു​ക​ൾ വ്യ​ക്ത​മാ​ക്കു​ന്നു.

ക​ഴി​ഞ്ഞ ഏ​ഴു​വ​ർ​ഷ​ത്തി​നി​ടെ വി​വി​ധ​ത​രം അ​ഴി​മ​തി​യു​​മാ​യി ബ​ന്ധ​പ്പെ​ട്ട്​ 2019 സ​ർ​ക്കാ​ർ ഉ​ദ്യോ​ഗ​സ്ഥ​ർ​ക്കെ​തി​രെ​യാ​ണ്​ വി​ജി​ല​ൻ​സ്​ കേ​സ്​ ര​ജി​സ്റ്റ​ർ​ ചെ​യ്ത​ത്. ഇ​വ​യി​ൽ 583 എ​ണ്ണ​ത്തി​ൽ നാ​ളി​തു​വ​രെ​യും ന​ട​പ​ടി​ക്ര​മ​ങ്ങ​ൾ പൂ​ർ​ത്തി​യാ​യി​ട്ടി​ല്ല.

റ​വ​ന്യൂ ഉ​ദ്യോ​ഗ​സ്ഥ​ർ പ്ര​തി​ക​ളാ​യ 82 കേ​സു​ക​ളും പൊ​ലീ​സ്​ ഉ​ദ്യോ​ഗ​സ്ഥ​ർ പ്ര​തി​ക​ളാ​യ 33 കേ​സു​ക​ളും ഇ​തി​ൽ ഉ​ൾ​പ്പെ​ടു​ന്നു. 2019 കേ​സു​ക​ളി​ൽ ഏ​ഴു​പേ​ർ​ക്കെ​തി​രെ മാ​ത്ര​മാ​ണ്​ വ​കു​പ്പ്ത​ല​ത്തി​ൽ ശി​ക്ഷാ​ന​ട​പ​ടി സ്വീ​ക​രി​ച്ചി​ട്ടു​ള്ള​ത്.

വി​ജി​ല​ൻ​സ്​ കോ​ട​തി​യി​ലെ​ത്തി​യ കേ​സു​ക​ളി​ൽ കു​റ്റം തെ​ള​യി​ക്ക​പ്പെ​ട്ട​വ​യി​ൽ പ്ര​തി​ക​ൾ ശി​ക്ഷി​ക്ക​പ്പെ​ട്ടി​ട്ടു​ണ്ട്.

ചി​ല കേ​സു​ക​ളി​ലെ​ങ്കി​ലും വ്യ​ക്ത​മാ​യ തെ​ളി​വു​ക​ളു​ടെ അ​ഭാ​വം മൂ​ല​വും സാ​​ങ്കേ​തി​ക​വും നി​യ​മ​പ​ര​വു​മാ​യ പ​ഴു​തു​ക​ൾ മു​ത​ലെ​ടു​ത്തും പ്ര​തി​ക​ൾ ര​ക്ഷ​പ്പെ​ടു​ക​യും വീ​ണ്ടും സ​ർ​വി​സി​ൽ തി​രി​ച്ചെ​ത്തു​ക​യും ചെ​യ്യു​ന്നു. അ​ന്വേ​ഷ​ണ​വും തെ​ളി​വെ​ടു​പ്പു​മാ​യി ചി​ല കേ​സു​ക​ൾ അ​ന​ന്ത​മാ​യി നീ​ണ്ടു​പോ​കു​ന്ന​തും കു​റ്റ​ക്കാ​രാ​യ ഉ​ദ്യോ​ഗ​സ്ഥ​ർ​ക്ക്​ സൗ​ക​ര്യ​മാ​കു​ന്നു​ണ്ട്​. സം​ഘ​ട​നാ​ബ​ന്ധ​ങ്ങ​ളും രാ​ഷ്ട്രീ​യ സ്വാ​ധീ​ന​വും ഉ​പ​​യോ​ഗി​ച്ച്​ അ​ന്വേ​ഷ​ണം മ​ര​വി​പ്പി​ക്കു​ന്ന​തി​ലും കേ​സ്​ അ​ട്ടി​മ​റി​ക്കു​ന്ന​തി​ലും ചി​ല ഉ​ദ്യോ​ഗ​സ്ഥ​ർ വി​ദ​ഗ്​​ധ​രാ​ണ്.

ക​ഴി​ഞ്ഞ ഏ​ഴ് വ​ർ​ഷ​ത്തി​നി​ടെ 2019 കേ​സു​ക​ൾ വി​ജി​ല​ൻ​സ്​ ര​ജി​സ്റ്റ​ർ ചെ​യ്ത​പ്പോ​ൾ ശി​ക്ഷാ​ന​ട​പ​ടി​യു​ടെ ഭാ​ഗ​മാ​യി പൊ​ലീ​സി​ൽ​നി​ന്ന്​ ര​ണ്ട്​ പേ​രെ​യും എം.​ജി സ​ർ​വ​ക​ലാ​ശാ​ല, വ്യ​വ​സാ​യം, ക​ൺ​സ്യൂ​മ​ർ​ഫെ​ഡ്, ട്ര​ഷ​റി, റ​വ​ന്യൂ എ​ന്നീ വ​കു​പ്പു​ക​ളി​ൽ​നി​ന്ന്​ ഒ​രാ​ളെ വീ​ത​വും പി​രി​ച്ചു​വി​ട്ടു. ഭൂ​രി​ഭാ​ഗം കേ​സു​ക​ളും കൈ​ക്കൂ​ലി, അ​ന​ധി​കൃ​ത സ്വ​ത്ത്​ സ​മ്പാ​ദ​നം എ​ന്നി​വ​യു​മാ​യി ബ​ന്ധ​പ്പെ​ട്ട​താ​ണ്. അ​ഴി​മ​തി​ക്കാ​രാ​യ ഉ​ദ്യോ​ഗ​സ്ഥ​രി​ൽ അ​ഞ്ചി​ലൊ​ന്ന്​ പേ​രും ത​ദ്ദേ​ശ സ്വ​യം​ഭ​ര​ണം, മോ​ട്ടോ​ർ വാ​ഹ​നം, ര​ജി​സ്​​ട്രേ​ഷ​ൻ വ​കു​പ്പു​ക​ളി​ൽ​നി​ന്നു​ള്ള​വ​രാ​ണെ​ന്ന്​ അ​ടു​ത്തി​ടെ വി​ജി​ല​ൻ​സ്​ വൃ​ത്ത​ങ്ങ​ൾ വ്യ​ക്ത​മാ​ക്കി​യി​രു​ന്നു. ​