Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightഅഴിമതി: കാപെക്സ്​...

അഴിമതി: കാപെക്സ്​ എം.ഡി ആർ. രാ​ജേഷിന്​ സസ്​പെൻഷൻ

text_fields
bookmark_border
R Rajesh-Capex
cancel

കൊല്ലം: തോട്ടണ്ടി ഇടപാടിലെ അഴിമതിയുമായി ബന്ധപ്പെട്ട്​ കാപെക്സ്​ (കേരള സ്​റ്റേറ്റ്​ ​കാഷ്യൂ വർക്കേഴ്​സ്​ അപെക്സ്​ ഇൻഡ്​സ്​ട്രിയൽ കോഓപറേറ്റിവ്​ സൊസൈറ്റി) മാനേജിങ്​ ഡയറക്ടർ ആർ. രാജേഷിനെ സസ്​പെൻഡ്​ ചെയ്തു. 2018-19 വർഷങ്ങളിലെ തോട്ടണ്ടി വാങ്ങലുമായി ബന്ധപ്പെട്ട്​​ ധനകാര്യ പരിശോധനാ വിഭാഗം നടത്തിയ പരിശോധനയുടെ അടിസ്ഥാനത്തിലാണ്​ നടപടി. ഇക്കാലയളവിലെ തോട്ടണ്ടി ഇടപാടിനെക്കുറിച്ച്​ വിജിലൻസ്​ അന്വേഷണം നടത്താനും അനുമതി നൽകി.

2018ൽ തോട്ടണ്ടി വാങ്ങിയതിലെ ക്രമക്കേടിനെത്തുടർന്ന്​ സസ്​പെൻഡ്​ ചെയ്തിരുന്ന രാജേഷിനെ പിന്നീട്​ തിരിച്ചെടുക്കുകയായിരുന്നു. സസ്​പെൻഷൻ കാലയളവിൽ ഉപജീവന ബത്ത ക്രമവിരുദ്ധമായി കൈപ്പറ്റിയതായും കണ്ടെത്തിയിട്ടുണ്ട്​. കശുമാവ്​ കർഷകർക്ക്​ ന്യായവില ലഭിക്കുന്നതിന്​ ചെറുകിട കർഷകരിൽനിന്ന്​ തോട്ടണ്ടി വാങ്ങുന്നതിനുള്ള ഉത്തരവിന്‍റെ മറവിൽ ഇതര സംസ്ഥാനങ്ങളിൽ നിന്നും വിദേശത്തു നിന്നും ഇറക്കുമതി ചെയ്ത ഗുണനിലവാരം കുറഞ്ഞ തോട്ടണ്ടി വ്യാപാരികളിൽ നിന്ന്​ വാങ്ങിയായിരുന്നു ക്രമക്കേട്​.

ഇതുവഴി വ്യാപാരികൾക്ക്​ കൊള്ളലാഭം ലഭിക്കുകയും കാപെക്സിന്​ വൻ നഷ്ടം സംഭവിക്കുകയും ചെയ്തു. വ്യാപാരികളുമായുള്ള തോട്ടണ്ടി ഇടപാട്​ ഡയറക്ടർ ബോർഡിൽനിന്ന്​ മറച്ചുവെച്ചതായും പരിശോധനയിൽ വ്യക്തമായി. കാപെക്സ്​ എം.ഡിയുടെ ചുമതല കാഷ്യൂ കോർപറേഷൻ ചെയർമാൻ രാ​​ജേഷ്​ രാമകൃഷ്ണന്​ നൽകിയിട്ടുണ്ട്​.

Show Full Article
TAGS:Corruption Capex R Rajesh 
News Summary - Corruption: Capex MD R Rajesh suspended
Next Story