Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightഫെയർകോഡിന്​ കരാർ...

ഫെയർകോഡിന്​ കരാർ നൽകിയതിന്​ പിന്നിൽ അഴിമതി, ബെവ്​കോക്ക്​ അന്ത്യകൂദാശ -ചെന്നിത്തല

text_fields
bookmark_border
ഫെയർകോഡിന്​ കരാർ നൽകിയതിന്​ പിന്നിൽ അഴിമതി, ബെവ്​കോക്ക്​ അന്ത്യകൂദാശ -ചെന്നിത്തല
cancel

തിരുവനന്തപുരം: ഓൺലൈൻ മദ്യവിതരണത്തിന്​ ഫെയർകോഡ്​ കമ്പനിയെ തെരഞ്ഞെടുത്തതിന്​ പിന്നിൽ അഴിമതിയു​ം സ്വജനപക്ഷപാതവുമാണെന്ന ആരോപണത്തിൽ ഉറച്ചുനിൽക്കുന്നതായി​ പ്രതിപക്ഷ നേതാവ്​ രമേശ്​ ചെന്നിത്തല വാർത്തസമ്മേളനത്തിൽ പറഞ്ഞു. മാനദണ്ഡപ്രകാരം മുൻപരിചയമുള്ളവർക്കാണ്​ കരാർ നൽകേണ്ടിയിരുന്നത്​. എന്നാൽ, പരിചസമ്പന്നരായ കമ്പനികളെ തഴഞ്ഞാണ്​ ഫെയർകോഡിനെ തെരഞ്ഞെടുത്തത്​. 

ഫെയർകോഡിന്​ വെർച്വൽ ക്യൂ രീതിയിൽ പരിചയസമ്പത്തില്ല. അവരെ തെരഞ്ഞെടുത്തത്​ നടപടിക്രമം നോക്കാതെയാണ്​. സി.പി.എമ്മിൻെറ സഹയാത്രികൻെറ കമ്പനിയാണിത്​​. ക്വാട്ട്​ ചെയ്​ത മറ്റു കമ്പനികൾ നാല്​ ദിവസം കൊണ്ട്​ ആപ്പ്​ പ്രവർത്തിപ്പിച്ച്​​ തരാമെന്നാണ്​ പറഞ്ഞത്​. ഏഴ്​ ദിവസം ആണ്​ ​ഫെയർ കോഡ്​ ആവശ്യപ്പെട്ടത്​​.  എന്നാൽ, ഇവർക്ക്​ 14 ദിവസം വേണ്ടിവന്നു.

ഇതുകൂടാതെ ഓരോ എസ്​.എം.എസിനും 15 പൈസയാണ് ചെലവ്​​. രണ്ട്​ കമ്പനികൾ ഒരു പൈസയും എസ്​.എം.എസിന് വേണ്ട എന്ന്​ പറഞ്ഞിരുന്നു​. ഫെയർകോഡ്​ ആവശ്യപ്പെട്ടത്​ 12 പൈസായണ്​. എന്നാൽ, സർക്കാറിൻെറ പ്രത്യേക താൽപ്പര്യം കാരണം 15 പൈസയാക്കി കൊടുത്തു. ഇതുവഴി ആറ്​ കോടി രൂപയാണ്​ ഫെയർകോഡിന്​  ഒരു വർഷം അധികം ലഭിക്കുക. 15 പൈസ എന്നത്​ ആരാണ്​ തീരുമാനിച്ചതെന്ന്​ വ്യക്​തമാക്കണം. 

2.84 ലക്ഷം രൂപയാണ്​ ഫെയർ കോഡിന്​ നൽകുന്നത്​. ​ ഇതിന്​ പുറമെ എല്ലാ വർഷവും പരിപാലന ചെലവിലേക്ക്​​ രണ്ട്​ ലക്ഷം കൊടുക്കണം​. പരിപാലന ചെലവ്​ വേണ്ട എന്ന്​ മറ്റു കമ്പനികൾ പറഞ്ഞെങ്കിലും അവരെയെല്ലാം തഴയുകയായിരുന്നു. കൂടാതെ ട്രെയിനിങ്ങിന്​ ഒരാൾക്ക്​ 2000 രൂപയും നൽകേണ്ടതുണ്ട്​.

മദ്യവിൽപ്പനയിൽ 20 ശതമാനം കമീഷൻ ഇനി ബാറുടമകൾക്കാണ്​ ലഭിക്കുക​. ഇതോടെ പൊതുമേഖലയായ ബെവ്​കോയുടെ അന്ത്യകൂദാശയാണ്​ സംഭവിക്കാൻ പോകുന്നതെന്നും രമേശ്​ ചെന്നിത്തല പറഞ്ഞു. 
 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:ramesh chennithalakerala newsliquorBevco outletsBeverageBevQfair code
News Summary - corruption behind becvo app
Next Story