കൊറോണ വൈറസ് ബാധിച്ച വിദ്യാർഥിയെ മെഡിക്കൽ കോളജിലേക്ക് മാറ്റി

തൃശൂർ: സംസ്ഥാനത്ത് കൊറോണ വൈറസ് ബാധിച്ച വിദ്യാർഥിയെ തൃശൂർ മെഡിക്കൽ കോളജ് ആശുപത്രിയിലേക്ക് മാറ്റി. തൃശൂർ ജനറൽ ആശുപത്രിയിൽ ചികിത്സയിൽ കഴിഞ്ഞിരുന്ന വിദ്യാർഥിയെ പുലർച്ചെ ആറരയോടെയാണ് മെഡിക്കൽ കോളജിലേക്ക് മാറ്റിയത്. പ്രത്യേകം തയാറാക്കിയ ഐസൊലേഷൻ വാർഡിലാണ് പെൺകുട്ടി ഇപ്പോഴുള്ളത്.

കുട്ടിയുടെ ആരോഗ്യനില തൃപ്തികരമെന്ന് ഡോക്ടർമാർ അറിയിച്ചു. വൈറസ് ബാധ സംബന്ധിച്ച പു​ണെ നാ​ഷ​ന​ൽ വൈ​റോ​ള​ജി ഇ​ൻ​സ്​​റ്റി​റ്റ്യൂ​ട്ടിന്‍റെ പ്രാഥമിക പരിശോധനാ ഫലമാണ് പുറത്തുവന്നത്. വീണ്ടും സാ​മ്പി​ളു​കൾ പ​രി​ശോ​ധ​ന നടത്തുമെന്നും അധികൃതർ പറഞ്ഞു.

പെൺകുട്ടിക്കൊപ്പം ജനറൽ ആശുപത്രിയിൽ ചികിത്സയിൽ കഴിഞ്ഞിരുന്ന മറ്റ് മൂന്നു പേരെ വ്യാഴാഴ്ച തന്നെ മെഡിക്കൽ കോളജിലേക്ക് മാറ്റിയിരുന്നു. ഇവരുടെ സാ​മ്പി​ളു​കൾ നെഗറ്റീവ് ആയിരുന്നു.

24 പേർ ഒരേസമയം ചികിത്സ തേടാനുള്ള സൗകര്യം മെഡിക്കൽ കോളജിൽ ഒരുക്കിയിട്ടുണ്ട്. അഞ്ച് ഡോക്ടമാരടക്കം 30 പേരെ ഐസൊലേഷൻ വാർഡിൽ നിയോഗിച്ചിട്ടുണ്ട്. കൂടാതെ താലൂക്ക് ആശുപത്രികളിലും സൗകര്യം ഒരുക്കിയിട്ടുണ്ട്.

ദി​വ​സ​ങ്ങ​ൾ​ക്ക്​ മു​മ്പാ​ണ്​ ചൈ​ന​യി​ലെ വൂഹാ​നി​ൽ​ നി​ന്ന്​ എ​ത്തി​യ വി​ദ്യാ​ർ​ഥി​നി​െ​യ​യും മൂ​ന്നു​പേ​രെ​യും ആ​ശു​പ​ത്രി​യി​ൽ പ്ര​വേ​ശി​പ്പി​ച്ച​ത്. പ​നി​യും ചു​മ​യും തൊ​ണ്ട​വേ​ദ​ന​യു​മാ​യാണ്​ ചികിത്സ തേടിയത്​. പു​ണെ നാ​ഷ​ന​ൽ വൈ​റോ​ള​ജി ഇ​ൻ​സ്​​റ്റി​റ്റ്യൂ​ട്ടി​ലെ പ​രി​ശോ​ധ​ന​യി​ലാ​ണ്​ വൈ​റ​സ്​ ബാ​ധ​ തെ​ളി​ഞ്ഞ​ത്. ആ​ദ്യ​പ​രി​ശോ​ധ​ന​യാ​യ ആ​ർ.​ടി-​പി.​സി.​ആ​ർ (റി​യ​ൽ ടൈം ​പോ​ളി​മ​റൈ​സ്​ ചെ​യി​ൻ റി​യാ​ക്​​ഷ​ൻ) ടെ​സ്​​റ്റി​ൽ പോ​സി​റ്റി​വ്​ ആയിരുന്നു.

അതിനിടെ, കൊ​റോ​ണ വൈ​റ​സ് സം​ശ​യ​ത്തെ തു​ട​ർ​ന്ന് ക​ള​മ​ശ്ശേ​രി ഗ​വ. മെ​ഡി​ക്ക​ൽ കോ​ള​ജി​ൽ അ​ഞ്ച് വി​ദ്യാ​ർ​ഥി​ക​ളെ കൂ​ടി പ്ര​വേ​ശി​പ്പി​ച്ചു. ചൈ​ന​യി​ൽ​ നി​ന്നു​ള്ള എം.​ബി.​ബി.​എ​സ് വി​ദ്യാ​ർ​ഥി​ക​ളായ ഇവർ പ്ര​ത്യേ​ക വാ​ർ​ഡി​ലാണ്​ കഴിയുന്നത്​. ഇ​തോ​ടെ ഏ​ഴ് പേ​ർ മെ​ഡി​ക്ക​ൽ കോ​ള​ജി​ൽ നി​രീ​ക്ഷ​ണ​ത്തി​ലുണ്ട്​.

പു​തു​താ​യി 247 പേ​രു​ള്‍പ്പെ​ടെ കേ​ര​ള​ത്തി​ല്‍ 1053 പേ​ര്‍ നി​രീ​ക്ഷ​ണ​ത്തി​ലാ​ണ്. 15 പേ​ര്‍ മാ​ത്ര​മാ​ണ് ആ​ശു​പ​ത്രി​ക​ളി​ലു​ള്ള​ത്. വ്യാ​ഴാ​ഴ്ച ഏ​ഴു​ പേ​ര്‍ അ​ഡ്മി​റ്റാ​യി. 1038 പേ​ര്‍ വീ​ട്ടി​ൽ നി​രീ​ക്ഷ​ണ​ത്തി​ലാ​ണ്. 24 പേ​രു​ടെ സാ​മ്പി​ളു​ക​ള്‍ പ​രി​ശോ​ധ​ന​ക്കാ​യി പു​ണെ വൈ​റോ​ള​ജി ഇ​ൻ​സ്​​റ്റി​റ്റ്യൂ​ട്ടി​ലേ​ക്ക് അ​യ​ച്ചി​രു​ന്നു. 15 പേ​ര്‍ക്കും രോ​ഗ​ബാ​ധ​യി​ല്ലെ​ന്ന് സ്ഥി​രീ​ക​രി​ച്ചു.