‘കേശവൻ മാമൻമാർ’ വാട്ട്സ്​ആപ്പ് പണി തുടങ്ങി

കൊ​ച്ചി: ‘പ​ഴ​ങ്ങ​ളി​ൽ​നി​ന്നും കോ​ഴി​യി​റ​ച്ചി​യി​ൽ​നി​ന്നും നി​പ വൈ​റ​സ് മ​നു​ഷ്യ​ശ​രീ​ര​ത്തി​ലേ​ക്ക ് പ​ട​രും, അ​തി​നാ​ൽ ഇ​തു ര​ണ്ടും തൊ​ട്ടു​പോ​ക​രു​ത്’ കോ​ഴി​ക്കോ​ട്ട് നേ​ര​ത്തേ നി​പ താ​ണ്ഡ​വ​മാ​ടി​യ​പ്പോ ​ൾ ന​മ്മു​ടെ​യെ​ല്ലാം വാ​ട്ട്സ്​​ആ​പ്പി​ൽ ന്ന വ്യാ​ജ പ്ര​ചാ​ര​ണ​ങ്ങ​ളി​ലൊ​ന്നാ​ണി​ത്. ഒ​രു ശ​ത​മാ​നം പോ​ലു ം സ​ത്യ​മി​ല്ലാ​തെ ആ​രെ​ങ്കി​ലു​മൊ​ക്കെ പ​ട​ച്ചു​വി​ടു​ന്ന ആ​രോ​ഗ്യ കു​റി​പ്പു​ക​ളും ചി​ത്ര​ങ്ങ​ളും വി​ഡ ി​യോ​ക​ളും സ്ഥി​രീ​ക​ര​ണ​ത്തോ​ടൊ​പ്പ​വും വാ​ട്ട്സ്​​ആ​പ്പി​ൽ നി​റ​യു​ന്നു​ണ്ട്.
നി​പ​ക്കാ​ല​ത്തേ​തു പോ​ലെ ‘തൊ​ണ്ട​തൊ​ടാ​തെ’ ഫോ​ർ​വേ​ഡ് ചെ​യ്യു​ന്ന വാ​ട്ട്സ്​​ആ​പ്പ് കേ​ശ​വ​ൻ മാ​മ​ൻ​മാ​ർ പ​ണി തു​ട​ങ്ങി​യെ​ന്ന​ർ​ഥം. തൊ​ണ്ട എ​പ്പോ​ഴും ന​ന​ഞ്ഞി​രു​ന്നാ​ൽ കൊ​റോ​ണ വ​രി​ല്ലെ​ന്ന​താ​ണ് ഏ​റ്റ​വു​മ​ധി​കം വാ​ട്ട്സ്​​ആ​പ്പ് ഗ്രൂ​പ്പു​ക​ളി​ൽ ഓ​ടി​ക്കൊ​ണ്ടി​രി​ക്കു​ന്ന ‘പ്ര​തി​രോ​ധ സ​ന്ദേ​ശം’. എ​ന്നാ​ൽ, ഇ​ത് ശു​ദ്ധ വി​ഡ്ഢി​ത്ത​മാ​ണെ​ന്നും തീ​ർ​ത്തും അ​ശാ​സ്ത്രീ​യ​മാ​ണെ​ന്നും ഡോ​ക്ട​ർ​മാ​ർ പ​റ​യു​ന്നു.

പ്ര​ത്യേ​ക മ​രു​ന്നോ വാ​ക്സി​നോ ചി​കി​ത്സ​യോ ഇ​ല്ലാ​ത്ത കൊ​റോ​ണ​ക്ക് ബം​ഗ​ളൂ​രു​വി​ലെ ഹോ​മി​യോ ആ​ശു​പ​ത്രി​യി​ൽ ചി​കി​ത്സ​യു​ണ്ടെ​ന്ന പ്ര​ചാ​ര​ണ​മാ​ണ് വ്യാ​ജ സ​ന്ദേ​ശ​ങ്ങ​ളി​ലെ മ​റ്റൊ​ന്ന്. കൊ​റോ​ണ പൊ​ട്ടി​പ്പു​റ​പ്പെ​ട്ട ചൈ​ന​യി​ലെ വു​ഹാ​നി​ലെ മാ​ർ​ക്ക​റ്റ് എ​ന്ന പേ​രി​ലി​റ​ങ്ങി​യ വി​ഡി​യോ വാ​ട്ട്സ്​​ആ​പ്പ് ഉ​പ​യോ​ഗി​ക്കാ​ത്ത​വ​ർ പോ​ലും ക​ണ്ടു​കാ​ണും. എ​ന്നാ​ലി​ത് ചൈ​ന​യി​ലൊ​ന്നു​മ​ല്ലെ​ന്ന​താ​ണ് സ​ത്യം. ന​മ്മ​ൾ മാ​ർ​ക്ക​റ്റി​ൽ ഇ​റ​ച്ചി​യും മീ​നും വി​ൽ​ക്കാ​ൻ വെ​ച്ച​തു​പോ​ലെ ഇ​ന്തോ​നേ​ഷ്യ​യി​ലെ മാ​ർ​ക്ക​റ്റി​ൽ പാ​മ്പ്, എ​ലി, ഉ​ൾ​െ​പ്പ​ടെ​യു​ള്ള ജീ​വി​ക​ളെ വി​ൽ​ക്കാ​ൻ വെ​ച്ചി​രി​ക്കു​ന്ന​താ​ണ് വാ​ട്ട്സ്​​ആ​പ്പി​ൽ ക​ണ്ട ’കൊ​റോ​ണ മാ​ർ​ക്ക​റ്റ്’.

തീ​ർ​ന്നി​ല്ല, ഇ​നി​യു​മു​ണ്ട് സാ​ധാ​ര​ണ​ക്കാ​ർ ഒ​റ്റ​യ​ടി​ക്ക് വി​ശ്വ​സി​ക്കാ​നി​ട​യു​ള്ള വ്യാ​ജ പ്ര​ചാ​ര​ണ​ങ്ങ​ൾ. നോ​ൺ വെ​ജ് ക​ഴി​ച്ചാ​ൽ കൊ​റോ​ണ വ​രു​മെ​ന്ന് ഒ​രു ഗ്രൂ​പ്പി​ൽ കാ​ണു​മ്പോ​ൾ കൂ​ൾ​ഡ്രി​ങ്ക്സ്, ഐ​സ്ക്രീം, കു​ൽ​ഫി, പ്രി​സ​ർ​വ്ഡ് ഫു​ഡ്, മി​ൽ​ക് ഷേ​യ്ക്ക്, ഫ്രി​ഡ്ജി​ൽ വെ​ച്ച ഭ​ക്ഷ​ണം, എ​ന്നി​വ​യെ​ല്ലാം മൂ​ന്നു മാ​സ​ത്തേ​ക്കെ​ങ്കി​ലും എ​ല്ലാ​വ​രും ഒ​ഴി​വാ​ക്ക​ണ​മെ​ന്ന അ​പേ​ക്ഷ​യാ​ണ് മ​റ്റൊ​രു സ​ന്ദേ​ശ​ത്തി​ലു​ള്ള​ത്. ഇ​തി​നി​ടെ മ​ദ്യ​പി​ച്ചാ​ൽ കൊ​റോ​ണ വ​രി​ല്ലെ​ന്ന ‘വി​വ​ര’​വും ചി​ല വി​രു​ത​ൻ​മാ​ർ പ​ട​ച്ചു​വി​ട്ടു.

ൈച​ന​യി​ൽ കൊ​റോ​ണ ബാ​ധി​ത പ്ര​ദേ​ശ​ത്ത് ത​ങ്ങ​ളെ പി​ടി​ച്ച് പൂ​ട്ടി​യി​ട്ടി​രി​ക്കു​ക​യാ​ണെ​ന്ന ത​ര​ത്തി​ലു​ള്ള ശ​ബ്​​ദ​സ​ന്ദേ​ശ​ങ്ങ​ളും വാ​ട്ട്സ്​​ആ​പ്പി​ൽ ക​റ​ങ്ങി​ക്ക​ളി​ക്കു​ന്നു. കൊ​റോ​ണ പോ​ലെ​ത്ത​ന്നെ ഇ​ത്ത​രം സ​ന്ദേ​ശ​ങ്ങ​ൾ​ക്കെ​തി​രെ​യെ​ല്ലാം ജാ​ഗ്ര​ത പാ​ലി​ക്ക​ണ​മെ​ന്നാ​ണ് അ​ധി​കൃ​ത​രു​ടെ മു​ന്ന​റി​യി​പ്പ്.