പൊലീസ്​ ഉദ്യോഗസ്ഥ സംഘടനക്ക്​ ചട്ടവിരുദ്ധമായി പണം അനുവദിച്ചത്​​ വിവാദത്തിൽ

തി​രു​വ​ന​ന്ത​പു​രം: പൊ​ലീ​സ് ഓ​ഫി​സേ​ഴ്സ് അ​സോ​സി​യേ​ഷ​ൻ സ​മ്മേ​ള​ന​ത്തി​ന് ച​ട്ട​വി​രു​ദ്ധ​മാ​യി പ​ണം അ​നു​വ​ദി​ച്ചെ​ന്ന്​ ​ആ​രോ​പ​ണം. മു​ൻ കീ​ഴ്വ​ക്ക​ങ്ങ​ൾ ലം​ഘി​ച്ച്​ സ്വി​മ്മി​ങ്​ പൂ​ളി​ന്‍റെ ലാ​ഭ​വി​ഹി​തം അ​സോ​സി​യേ​ഷ​ൻ പ​രി​പാ​ടി​ക്ക്​ അ​നു​വ​ദി​ച്ച​താ​ണ്​ ​സേ​നാം​ഗ​ങ്ങ​ൾ​ക്കി​ട​യി​ൽ പു​തി​യ വി​വാ​ദ​ത്തി​ന്​ വ​ഴി​വെ​ച്ചി​ട്ടു​ള്ള​ത്.

കേ​ര​ള പൊ​ലീ​സ്​ ഓ​ഫി​സേ​ഴ്​​സ്​ അ​സോ​സി​യേ​ഷ​ൻ (കെ.​പി.​ഒ.​എ) എ​സ്.​എ.​പി ജി​ല്ല ക​മ്മി​റ്റി​യു​ടെ സ​മ്മേ​ള​ന​ത്തി​ന്‍റെ ഭാ​ഗ​മാ​യി മു​ൻ​കാ​ല ഉ​ദ്യോ​ഗ​സ്ഥ​രെ ആ​ദ​രി​ക്കു​ന്ന ച​ട​ങ്ങി​നാ​ണ് തു​ക അ​നു​വ​ദി​ച്ചി​ട്ടു​ള്ള​ത്. ഈ​മാ​സം 27ന്​ ​മ​ന്ത്രി ഉ​ൾ​പ്പെ​ടെ പ​​ങ്കെ​ടു​ക്കു​ന്ന​താ​ണ്​ ച​ട​ങ്ങ്.

എ​സ്.​എ.​പി ക്യാ​മ്പി​ല്‍ ന​ട​ക്കു​ന്ന പൊ​ലീ​സ് ഓ​ഫി​സേ​ഴ്സ് അ​സോ​സി​യേ​ഷ​ൻ സ​മ്മേ​ള​ന​ത്തോ​ട്​ അ​നു​ബ​ന്ധി​ച്ചു​ള്ള ‘ഒ​രു വ​ട്ടം കൂ​ടി​യെ​ന്ന’ പ​രി​പാ​ടി​ക്ക് തു​ക അ​നു​വ​ദി​ച്ച​താ​ണ് വി​വാ​ദ​മാ​യ​ത്. സേ​ന​യി​ലെ മു​ൻ​കാ​ല ഉ​ദ്യോ​ഗ​സ്ഥ​രു​ടെ ഒ​ത്തു​ചേ​ര​ലാ​ണ് ‘ഒ​രു​വ​ട്ടം കൂ​ടി’ എ​ന്ന പ​രി​പാ​ടി​യി​ലൂ​ടെ ഉ​ദ്ദേ​ശി​ക്കു​ന്ന​ത്.

പ​രി​പാ​ടി​യു​ടെ ന​ട​ത്തി​പ്പി​നാ​യി പ​ണം അ​നു​വ​ദി​ക്ക​ണ​മെ​ന്ന് അ​സോ​സി​യേ​ഷ​ൻ എ​സ്.​എ.​പി ക​മാ​ണ്ട​ന്‍റി​നോ​ട് ആ​വ​ശ്യ​പ്പെ​ട്ടി​രു​ന്നു. അ​തി​ന്‍റെ അ​ടി​സ്ഥാ​ന​ത്തി​ലാ​ണ്​ ക്യാ​മ്പി​ന​ക​ത്തു​ള്ള സി​മ്മി​ങ്​ പൂ​ളി​ന്‍റെ മേ​ൽ​നോ​ട്ട സ​മി​തി സ​മി​തി​യോ​ഗ​ത്തി​ൽ​നി​ന്ന്​ വ​രു​മാ​ന​മാ​യി ല​ഭി​ച്ച തു​ക സം​ഘ​ട​ന​ക്ക്​ ന​ൽ​കാ​ൻ തീ​രു​മാ​നി​ച്ച​ത്.

പൊ​തു​ജ​ന​ങ്ങ​ൾ​ക്ക്​ ഉ​ൾ​പ്പെ​ടെ ഉ​പ​യോ​ഗി​ക്കാ​ൻ സാ​ധി​ക്കു​ന്ന സ്വി​മ്മി​ങ്​ പൂ​ള്‍ ഉ​പ​യോ​ഗി​ക്കു​ന്ന​വ​രി​ൽ​നി​ന്ന്​ ല​ഭി​ക്കു​ന്ന ഫീ​സി​ൽ​നി​ന്നാ​ണ് പ​ണം 25,000 രൂ​പ അ​നു​വ​ദി​ച്ച​ത്. എ​ന്നാ​ൽ, ഇ​ത്ത​ര​ത്തി​ൽ പ​ണം അ​നു​വ​ദി​ക്കാ​നാ​കി​ല്ലെ​ന്നാ​ണ്​ സേ​നാം​ഗ​ങ്ങ​ളി​ൽ ഒ​രു വി​ഭാ​ഗം ചൂ​ണ്ടി​ക്കാ​ട്ടു​ന്ന​ത്.

സ്വി​മ്മി​ങ്​ പൂ​ളി​ൽ​നി​ന്നു​ള​ള ലാ​ഭ​വി​ഹി​തം ക്യാ​മ്പി​ന്‍റെ വി​വി​ധ പ്ര​വ​ർ​ത്ത​ന​ങ്ങ​ള്‍ക്ക് ഉ​പ​യോ​ഗി​ക്കാ​മെ​ന്നാ​ണ് വ്യ​വ​സ്ഥ. പ​ക്ഷേ, ഇ​തി​ന്‍റെ മ​റ​വി​ലാ​ണ്​ സം​ഘ​ട​ന​ക്ക് പ​ണം അ​നു​വ​ദി​ച്ചി​ട്ടു​ള്ള​ത്. പൊ​ലീ​സ് വെ​ൽ​ഫെ​യ​ർ ബോ​ർ​ഡി​ൽ​നി​ന്നും സ്പോ​ർ​ട്സ് ഫ​ണ്ടി​ൽ​നി​ന്നും ക​ട​മെ​ടു​ത്താ​ണ്​ ക്യാ​മ്പി​നു​ള്ളി​ൽ സ്വി​മ്മി​ങ്​ പൂ​ള്‍ നി​ർ​മി​ച്ച​ത്. പൊ​തു​ജ​ന​ങ്ങ​ള്‍ക്കും നി​ശ്ചി​ത തു​ക ഫീ​സാ​യി ന​ൽ​കി ഇ​വി​ടെ നീ​ന്താ​നാ​കും.

ഇ​ങ്ങ​നെ ഫീ​സി​ന​ത്തി​ൽ ല​ഭി​ക്കു​ന്ന തു​ക​യി​ൽ​നി​ന്ന്​ ക​ടം തി​രി​കെ അ​ട​ക്കു​ന്ന​തി​നി​ടെ​യാ​ണ്​ സം​ഘ​ട​ന​ക്കു​വേ​ണ്ടി തു​ക വ​ക​മാ​റ്റു​ന്ന​തെ​ന്നാ​ണ്​ ആ​ക്ഷേ​പം. യോ​ഗം ഇ​തു​സം​ബ​ന്ധി​ച്ച്​ തീ​രു​മാ​ന​മെ​ടു​ത്തെ​ങ്കി​ലും പ​ണം അ​നു​വ​ദി​ച്ച്​ അ​ന്തി​മ ഉ​ത്ത​ര​വ്​ പു​റ​ത്തി​റ​ക്കി​യി​ട്ടി​ല്ലെ​ന്നാ​ണ്​ എ​സ്.​എ.​പി അ​ധി​കൃ​ത​ർ വി​ശ​ദീ​ക​രി​ക്കു​ന്ന​ത്.