മെ​ഗാ സൂം​ബാ ഡി​സ്​​പ്ലേ ഇന്ന്; ടീഷർട്ടിൽ മുഖ്യമന്ത്രിയുടെ ഫോട്ടോ ഉൾപ്പെടുത്തിയതിൽ വിവാദം

തി​രു​വ​ന​ന്ത​പു​രം: വി​ദ്യാ​ഭ്യാ​സ വ​കു​പ്പി​ന്‍റെ നേ​തൃ​ത്വ​ത്തി​ൽ ന​ട​ത്തു​ന്ന ല​ഹ​രി​വി​രു​ദ്ധ കാ​മ്പ​യി​ൻ പ്ര​വ​ർ​ത്ത​ന​ങ്ങ​ളു​ടെ ഭാ​ഗ​മാ​യി 1500ല​ധി​കം വി​ദ്യാ​ർ​ഥി​ക​ളെ പ​​ങ്കെ​ടു​പ്പി​ച്ച്​ ബു​ധ​നാ​ഴ്ച മെ​ഗാ സൂം​ബാ ഡി​സ്​​പ്ലേ അ​ര​ങ്ങേ​റും. തി​രു​വ​ന​ന്ത​പു​രം ച​ന്ദ്ര​ശേ​ഖ​ര​ൻ നാ​യ​ർ സ്​​റ്റേ​ഡി​യ​ത്തി​ൽ വൈ​കീ​ട്ട്​ അ​ഞ്ചി​ന് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ഉ​ദ്​​ഘാ​ട​നം ചെ​യ്യും. വി​ദ്യാ​ർ​ഥി​ക​ൾ​ക്കൊ​പ്പം അ​ധ്യാ​പ​ക​രും ഡി​സ്​​പ്ലേ​യു​ടെ ഭാ​ഗ​മാ​കും.

പ​രി​പാ​ടി​യി​ൽ പ​​ങ്കെ​ടു​ക്കു​ന്ന വി​ദ്യാ​ർ​ഥി​ക​ൾ​ക്കും അ​ധ്യാ​പ​ക​ർ​ക്കും ധ​രി​ക്കാ​ൻ ത​യാ​റാ​ക്കി​യ ടീ ​ഷ​ർ​ട്ടി​ൽ മു​ഖ്യ​മ​ന്ത്രി​യു​ടെ ഫോ​ട്ടോ അ​ച്ച​ടി​ച്ച ന​ട​പ​ടി​ക്കെ​തി​രെ വി​മ​ർ​ശ​ന​വു​മു​യ​ർ​ന്നു.

വി​ദ്യാ​ഭ്യാ​സ മേ​ഖ​ല​യി​ൽ ല​ഹ​രി​ക്കെ​തി​രെ ന​ട​ക്കു​ന്ന പ​രി​പാ​ടി​ക​ൾ പോ​ലും ചു​വ​പ്പു​വ​ത്​​ക​രി​ക്കാ​നും രാ​ഷ്ട്രീ​യ​വ​ത്​​ക​രി​ക്കാ​നു​മാ​ണ്​ സ​ർ​ക്കാ​ർ ​​ശ്ര​മി​ക്കു​ന്ന​തെ​ന്ന്​ കോ​ൺ​ഗ്ര​സ്​ അ​നു​കൂ​ല അ​ധ്യാ​പ​ക സം​ഘ​ട​ന​യാ​യ കെ.​പി.​എ​സ്.​ടി.​എ കു​റ്റ​പ്പെ​ടു​ത്തി. ഇ​ത്ത​രം പ്ര​വ​ർ​ത്ത​ന​ങ്ങ​ളി​ൽ നി​ന്ന്​ പി​ന്മാ​റി​യി​ല്ലെ​ങ്കി​ൽ പ്ര​ക്ഷോ​ഭ​ത്തി​നി​റ​ങ്ങു​മെ​ന്നും കെ.​പി.​എ​സ്.​ടി.​എ സം​സ്ഥാ​ന പ്ര​സി​ഡ​ന്‍റ്​ കെ. ​അ​ബ്​​ദു​ൽ മ​ജീ​ദും ജ​ന​റ​ൽ സെ​ക്ര​ട്ട​റി പി.​കെ. അ​ര​വി​ന്ദ​നും പ​റ​ഞ്ഞു.