അംഗൻവാടികളിലെ നിയമനത്തെച്ചൊല്ലി തർക്കം; വനിത ശിശുക്ഷേമ ഓഫിസ് ജീവനക്കാരെ ബ്ലോക്ക് പഞ്ചായത്തംഗം പൂട്ടിയിട്ടു

മ​ങ്ക​ട: അം​ഗ​ൻ​വാ​ടി​ക​ളി​ൽ നി​യ​മ​നം ന​ട​ക്കാ​ത്ത​തി​നെ​ച്ചൊ​ല്ലി​യു​ള്ള വാ​ക്കേ​റ്റ​ത്തെ തു​ട​ർ​ന്ന് വ​നി​ത ശി​ശു​വി​ക​സ​ന ഓ​ഫി​സ് ജീ​വ​ന​ക്കാ​രെ ബ്ലോ​ക്ക് പ​ഞ്ചാ​യ​ത്ത് അം​ഗം പൂ​ട്ടി​യി​ട്ടു. ദേ​ഹാ​സ്വാ​സ്ഥ്യ​ത്തെ തു​ട​ർ​ന്ന് വ​നി​ത ജീ​വ​ന​ക്കാ​രി​യെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. മ​ങ്ക​ട ബ്ലോ​ക്ക് വ​നി​ത ശി​ശു​വി​ക​സ​ന ഓ​ഫി​സാ​ണ് വെ​ങ്ങാ​ട് ഡി​വി​ഷ​ൻ ബ്ലോ​ക്ക് പ​ഞ്ചാ​യ​ത്ത് അം​ഗം പി. ​ഷ​റ​ഫു​ദ്ദീ​ൻ പൂ​ട്ടി​യി​ട്ട​ത്. വ​നി​ത ജീ​വ​ന​ക്കാ​ര​ട​ക്കം ഏ​ഴു​പേ​രാ​ണ് ഓ​ഫി​സി​ൽ ഉ​ണ്ടാ​യി​രു​ന്ന​ത്.

ബു​ധ​നാ​ഴ്ച ഉ​ച്ച​ക്ക് ര​ണ്ടേ​കാ​ലോ​ടെ​യാ​ണ് സം​ഭ​വം. പ​ല​ത​വ​ണ നി​വേ​ദ​ന​വും പ​രാ​തി​ക​ളും ന​ൽ​കി​യി​ട്ടും അം​ഗ​ൻ​വാ​ടി​ക​ളി​ൽ നി​യ​മ​നം ന​ട​ത്താ​ത്ത​തി​ൽ പ്ര​തി​ഷേ​ധി​ച്ച് പി. ​ഷ​റ​ഫു​ദ്ദീ​ൻ ഓ​ഫി​സി​ലെ​ത്തി ജീ​വ​ന​ക്കാ​രു​മാ​യി വാ​ക്കു​ത​ർ​ക്ക​മു​ണ്ടാ​വു​ക​യും തു​ട​ർ​ന്ന് പ്ര​ശ്‌​ന​ത്തി​ന് പ​രി​ഹാ​രം കാ​ണ​ണ​മെ​ന്നാ​വ​ശ്യ​പ്പെ​ട്ട് ഓ​ഫി​സ് പു​റ​ത്തു​നി​ന്ന് പൂ​ട്ടു​ക​യു​മാ​യി​രു​ന്നു. മൂ​ന്ന​ര​യോ​ടെ നി​വേ​ദ​നം ന​ൽ​കാ​നെ​ത്തി​യ കു​റു​വ ഗ്രാ​മ​പ​ഞ്ചാ​യ​ത്ത് സ്ഥി​രം​സ​മി​തി അം​ഗ​ങ്ങ​ളാ​ണ് ഓ​ഫി​സ് തു​റ​ന്ന​ത്.

തു​ട​ർ​ന്ന് സി.​ഡി.​പി.​ഒ​യു​മാ​യി ബ​ന്ധ​പ്പെ​ട്ട് അ​നു​ര​ജ്ഞ​ന ച​ർ​ച്ച ന​ട​ത്തി. ര​ണ്ട് മാ​സ​ത്തി​ന​കം പ്ര​ശ്ന​ത്തി​ന് പ​രി​ഹാ​ര​മു​ണ്ടാ​ക്കാ​മെ​ന്ന് തീ​രു​മാ​ന​മാ​യി. ഇ​തി​നി​ടെ, വ​നി​ത ജീ​വ​ന​ക്കാ​രി​ക്ക് ദേ​ഹാ​സ്വാ​സ്ഥ്യ​മു​ണ്ടാ​വു​ക​യും കൊ​ള​ത്തൂ​ർ പൊ​ലീ​സ് ഇ​വ​രെ ആ​ശു​പ​ത്രി​യി​ലാ​ക്കു​ക​യും ചെ​യ്തു. സം​ഭ​വ​ത്തി​ൽ കൊ​ള​ത്തൂ​ർ ​പൊ​ലീ​സ് കേ​സെ​ടു​ത്തു.