Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_right'ഖുർആന്‍റെ മറവിൽ...

'ഖുർആന്‍റെ മറവിൽ കള്ളക്കടത്ത്​': യു. ഡി.എഫ്​ കൺവീനറുടെ പരാമർശം വിവാദത്തിൽ

text_fields
bookmark_border
ഖുർആന്‍റെ മറവിൽ കള്ളക്കടത്ത്​: യു. ഡി.എഫ്​ കൺവീനറുടെ പരാമർശം വിവാദത്തിൽ
cancel

കോഴിക്കോട്​: വിശുദ്ധ ഖുർആ​െൻറ മറവിൽ കള്ളക്കടത്ത്​ നടത്തി എന്ന്​ യു. ഡി.എഫ​്​ കൺവീനർ ബെന്നി ബെഹനാ​െൻറ ഫേസ്​ബുക്​ പോസ്​റ്റിലെ പരാമർശം​ വിവാദത്തിൽ. അന്വേഷണ ഏജൻസികൾപോലും കണ്ടെത്താത്ത കാര്യമാണിതെന്നും ഇതുസംബന്ധിച്ച്​ പ്രധാനമന്ത്രിക്ക്​ കത്തെഴുതിയ യു.ഡി.എഫ് കൺവീനർ ബി.ജെ.പിക്ക്​ വർഗീയത കളിക്കാൻ അവസരമുണ്ടാക്കിക്കൊടുത്തുവെന്നുമാണ്​ ആരോപണം.

ഫേസ്​ബുക്​ പോസ്​റ്റി​െൻറ പൂർണരൂപമിതാണ്​​: ''വിശുദ്ധ ഖുർആൻ കൊണ്ടുവന്നത് തീവ്രവാദികൾക്കുവേണ്ടിയാണെന്ന് പറഞ്ഞുകൊണ്ട് പരിശുദ്ധ ഖുർആനെ ഞാൻ അപമാനിച്ചു എന്ന തരത്തിൽ വ്യാജ പ്രചരണങ്ങൾ സോഷ്യൽ മീഡിയയിലൂടെ ചിലർ പ്രചരിപ്പിക്കുന്നത് ശ്രദ്ധയിൽ പെട്ടു . എ​െൻറ പൊതുപ്രവർത്തന ജീവിതം തുറന്ന പുസ്തകമാണ്.

എ​െൻറ മതേതര നിലപാടുകളും മതങ്ങളോടുള്ള സമീപനവും അറിയുന്ന കേരളത്തിലെ ജനങ്ങൾ ഈ വ്യാജ പ്രചരണം വിശ്വസിക്കുകയില്ല. വിശുദ്ധ ഖുർആ​െൻറ മറവിൽ സ്വർണ കള്ളക്കടത്ത് നടത്തിയവർ നിയമനടപടികൾ നേരിടേണ്ടി വരുമ്പോൾ പൊതു സമൂഹത്തി​െൻറ ശ്രദ്ധ തിരിച്ചുവിടാൻ മതസ്പർധയുണ്ടാക്കുന്ന ആരോപണങ്ങൾ ഉന്നയിക്കുകയാണ്.

സോഷ്യൽ മീഡിയയിലൂടെ എന്നെ അപകീർത്തിപ്പെടുത്തിയവർക്കെതിരെ നിയമ നടപടികളുമായി മുന്നോട്ടുപോകുമെന്ന് കേരളീയ പൊതു സമൂഹത്തെ ഞാൻ അറിയിക്കുന്നു.''

സ്വർണക്കടത്തുമായി ഖുര്‍ആനെ ബന്ധപ്പെടുത്തുന്നത് ഒട്ടും നീതികരിക്കാനാവില്ലെന്നും ഇസ്‌ലാമിക വിശ്വാസികളെ അപരവത്​കരിക്കാനുള്ള ശ്രമം ഒരു കൂട്ടര്‍ കൊണ്ടുപിടിച്ചു നടത്തുമ്പോള്‍ ഖുര്‍ആനെ മറയാക്കി വിഷയം തെരുവിലേക്ക് വലിച്ചിഴക്കുന്നത് ആരുടെ ഭാഗത്തുനിന്നും ഉണ്ടാവാന്‍ പാടില്ലാത്തതാണ് എന്നും സമസ്ത കേരള ജംഇയ്യത്തുല്‍ ഉലമ പ്രസിഡൻറ്​ മുഹമ്മദ് ജിഫ്രി മുത്തുക്കോയ തങ്ങളും ജനറല്‍ സെക്രട്ടറി പ്രഫ. കെ. ആലിക്കുട്ടി മുസ്‌ലിയാരും അഭിപ്രായപ്പെട്ടു.

Show Full Article
TAGS:benny behanan udf convener facebook post 
Next Story