Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_right'നവോത്ഥാന നായകനെങ്കിൽ...

'നവോത്ഥാന നായകനെങ്കിൽ മകളെ പട്ടികജാതിക്കാരന് കെട്ടിച്ചുകൊടുക്കണം'- മുഖ്യമന്ത്രിക്കെതിരെ വിവാദപരാമർശം

text_fields
bookmark_border
kodikunnil suresh
cancel

തിരുവനന്തപുരം: മുഖ്യമന്ത്രി പിണറായി വിജയനെതിരെ വിവാദ പരാമര്‍ശവുമായി കൊടിക്കുന്നില്‍ സുരേഷ് എം.പി. പിണറായി വിജയന്‍ നവോത്ഥാന നായകനായിരുന്നെങ്കില്‍ മകളെ പട്ടികജാതിക്കാരന് കല്യാണം കഴിച്ച്​ കൊടുക്കണമായിരുന്നെന്നും അതാണ്​ നവോത്ഥാനമെന്നുമുള്ള പരാമർശമാണ്​ വിവാദമായത്​.

പട്ടികജാതിക്കാരായ എത്രയോ നല്ല ചെറുപ്പക്കാർ സി.പി.എമ്മിലുണ്ട്​. നവോത്ഥാനം മുഖ്യമന്ത്രി സ്വന്തം കുടുംബത്തിൽ നിന്നുവേണം തുടങ്ങേണ്ടത്​. സ്വന്തം കസേര ഉറപ്പിക്കാനുള്ള നവോത്ഥാനമാണ്​ അദ്ദേഹത്തി​​െൻറത്​. അത്​ തട്ടിപ്പാണെന്നും കൊടിക്കുന്നിൽ കൂട്ടിച്ചേർത്തു. എസ്.സി^എസ്.ടി വികസനഫണ്ട് തട്ടിപ്പ് സി.ബി.ഐ അന്വേഷിക്കണമെന്നാവശ്യപ്പെട്ട്​ വെള്ളയമ്പലം അയ്യങ്കാളി പ്രതിമക്ക്​ സമീപം സംഘടിപ്പിച്ച ധര്‍ണയിലാണ് പരാമർശം.

പട്ടികജാതി വിഭാഗങ്ങളോടുള്ള അവഗണന മന്ത്രിസഭ രൂപവത്​കരണത്തിലും കണ്ടു. കെ. രാധാകൃഷ്ണന്​ ദേവസ്വം കൊടുത്ത് നവോത്ഥാനം നടത്തിയെന്നാണ് പറയുന്നത്. ദേവസ്വം വകുപ്പിൽ എന്ത് നവോത്ഥാനമാണുള്ളത്. പട്ടികജാതിക്കാരനായ മന്ത്രിയെ നിയന്ത്രിക്കാൻ​ ത​െൻറ മനഃസാക്ഷി സൂക്ഷിപ്പുകാരനെ മുഖ്യമന്ത്രി നിയോഗിച്ചു.

ദേവസ്വം മന്ത്രി കെ. രാധാകൃഷ്ണ​െൻറ പ്രൈവറ്റ് സെക്രട്ടറിയായി എ. സമ്പത്തിനെ നിയമിച്ചതിനെ ചൂണ്ടിക്കാട്ടിയിരുന്നു ഇൗ പരാമര്‍ശം. ഇതിനിടെ വിവാദ പരാമർശത്തിൽ കൊടിക്കുന്നിലിന്​ പരോക്ഷ പിന്തുണയുമായി രമേശ്​ ചെന്നിത്തല രംഗത്തെത്തി. നവോത്ഥാന നായക​െൻറ യഥാർഥമുഖം ജനങ്ങൾക്ക്​ വ്യക്തമായിക്കൊണ്ടിരിക്കുന്ന സന്ദർഭമാണിതെന്നായിരുന്നു​ ചെന്നിത്തലയുടെ പ്രതികരണം.

അതേസമയം, സ്​ത്രീവിരുദ്ധവും വിലകുറഞ്ഞതുമായ പരാമർശമാണ്​ കൊടിക്കുന്നിൽ സുരേഷ്​ നടത്തിയതെന്നും ഇതിനോട്​ പ്രതിഷേധം ഉയരണമെന്നും​ ഡി.വൈ.എഫ്​.​െഎ സംസ്ഥാധന സെക്രട്ടറി എ.എ. റഹീം പറഞ്ഞു.

പറഞ്ഞതിൽ ഉറച്ചുനിൽക്കുന്നു; വ്യാഖ്യാനം വേണ്ട -കൊടിക്കുന്നിൽ

തിരുവനന്തപുരം: മുഖ്യമന്ത്രിക്കെതിരായ വിവാദ പരാമർശത്തിൽ ഉറച്ചുനിൽക്കുന്നെന്ന്​ കൊടിക്കുന്നില്‍. പരാമർശത്തെ വേറൊരുതരത്തില്‍ വ്യാഖ്യാനിക്കേണ്ടതില്ലെന്നും അദ്ദേഹം മാധ്യമങ്ങളോട്​ പ്രതികരിച്ചു. നവോത്ഥാന നായകനായി പ്രത്യക്ഷപ്പെടുകയും അതിനുവേണ്ടി പ്രചാരണം നടത്തുകയും ചെയ്ത ഭരണാധികാരിയെന്ന നിലയില്‍, പറയുന്ന കാര്യത്തില്‍ ആത്മാർഥതയുണ്ടായിരുന്നെങ്കില്‍ സ്വന്തം കുടുംബത്തില്‍ അത്​ നടപ്പാക്കണമായിരുന്നു. അത്തരം ചര്‍ച്ച പൊതുസമൂഹത്തിന്​ മുന്നില്‍ വന്നു. ഇടതുപക്ഷ പാർട്ടികളും അക്കാര്യം ചർച്ച ചെയ്​തതാ​െണന്ന്​ അദ്ദേഹം പറഞ്ഞു.

Show Full Article
TAGS:kodikunnil suresh Pinarayi vijayan 
News Summary - Controversial reference against the Chief Minister by kodikunnil suresh
Next Story