മാനദണ്ഡങ്ങൾ പുതുക്കി; ഡോ​ക്ട​ർ​മാ​രു​ടെ സ്വകാര്യ പ്രാക്ടീസിന്​ കടിഞ്ഞാൺ

തി​രു​വ​ന​ന്ത​പു​രം: സ​ർ​ക്കാ​ർ ഡോ​ക്ട​ർ​മാ​രു​ടെ സ്വ​കാ​ര്യ പ്രാ​ക്​​ടീ​സി​ങ്ങി​ൽ പി​ടി​മു​റു​ക്കി ആ​രോ​ഗ്യ​വ​കു​പ്പ്. നി​ല​വി​ല്‍ ഡോ​ക്ട​ര്‍ താ​മ​സി​ക്കു​ന്ന സ്ഥ​ല​ത്ത് മാ​ത്ര​മാ​ണ് സ്വ​കാ​ര്യ പ്രാ​ക്ടീ​സ് അ​നു​വ​ദി​ച്ചി​ട്ടു​ള്ള​ത്. സ്വ​കാ​ര്യ പ്രാ​ക്ടീ​സ് ന​ട​ത്തു​ന്ന ഡോ​ക്ട​ര്‍മാ​ര്‍ താ​മ​സ​സ്ഥ​ലം വ്യ​ക്ത​മാ​ക്കു​ന്ന​തി​ന് റ​സി​ഡ​ന്‍ഷ്യ​ല്‍ സ​ര്‍ട്ടി​ഫി​ക്ക​റ്റ് കൈ​യി​ല്‍ ക​രു​ത​ണ​മെ​ന്ന​താ​ണ്​ പു​തി​യ നി​ർ​ദേ​ശം. സ്വ​കാ​ര്യ പ്രാ​ക്ടീ​സ് അ​നു​മ​തി ന​ൽ​കു​ന്ന​തി​നു​ള്ള പു​തു​ക്കി​യ മാ​ന​ദ​ണ്ഡ​ങ്ങ​ളി​ലാ​ണ്​ ക​ർ​ശ​ന വ്യ​വ​സ്ഥ.

മെ​ഡി​ക്ക​ൽ കോ​ള​ജു​ക​ളി​ലേ​തൊ​ഴി​കെ സ​ർ​ക്കാ​ർ ആ​ശു​പ​ത്രി​ക​ളി​ലെ ഡോ​ക്ട​ർ​മാ​ർ​ക്ക്​ ജോ​ലി സ​മ​യ​ത്ത​ല്ലാ​തെ ത​ങ്ങ​ൾ താ​മ​സി​ക്കു​ന്ന സ്ഥ​ല​ത്ത് രോ​ഗി​ക​ളെ ചി​കി​ത്സി​ക്കാ​ൻ നി​ല​വി​ൽ അ​നു​മ​തി​യു​ണ്ട്. താ​മ​സ​സ്ഥ​ല​ത്ത​ല്ലാ​തെ വാ​ട​ക​ക്കെ​ടു​ത്ത മ​റ്റ്​ സ്ഥ​ല​ങ്ങ​ളി​ല്‍ സ്വ​കാ​ര്യ പ്രാ​ക്ടീ​സി​ന് അ​നു​മ​തി​യി​ല്ല. സ​ര്‍ക്കാ​ര്‍ ഡോ​ക്ട​ര്‍മാ​ര്‍ സ്വ​കാ​ര്യ ക്ലി​നി​ക്കു​ക​ളി​ലോ സ്വ​കാ​ര്യ ആ​ശു​പ​ത്രി​ക​ളി​ലോ ന​ട​ത്തു​ന്ന ചി​കി​ത്സ​യും കു​റ്റ​ക​ര​മാ​ണ്.

സ​ർ​ക്കാ​ർ ആ​ശു​പ​​ത്രി​ക​ൾ​ക്ക്​ സ​മീ​പം മെ​ഡി​ക്ക​ൽ സ്​​റ്റോ​റു​ക​ളു​ടെ സ​ഹാ​യ​ത്തോ​ടെ ബു​ക്കി​ങ്ങും ക​ൺ​സ​ൽ​ട്ടി​ങ്​ മു​റി​ക​ളു​മ​ട​ക്കം പാ​രാ മെ​ഡി​ക്ക​ൽ സ്​​റ്റാ​ഫു​ക​ളു​മ​ട​ക്കം സ​മാ​ന്ത​ര ആ​ശു​പ​ത്രി​ക​ളാ​യി സ്വ​കാ​ര്യ പ്രാ​ക്ടീ​സി​ങ്​ പ​രി​ധി​വി​ട്ട സാ​ഹ​ച​ര്യ​ത്തി​ലാ​ണ്​ സ​ർ​ക്കാ​ർ നീ​ക്കം.

ആ​ശു​പ​ത്രി​ക​ളി​ല്‍ കി​ട​ത്തി ചി​കി​ത്സ​യി​ലു​ള്ള രോ​ഗി​ക​ളെ സ്വ​കാ​ര്യ പ്രാ​ക്ടീ​സ് ന​ട​ത്തു​ന്ന സ്ഥ​ല​ങ്ങ​ളി​ല്‍ വെ​ച്ച് ചി​കി​ത്സി​ക്കു​ന്ന​ത് നി​ല​വി​ല്‍ കു​റ്റ​ക​ര​മാ​ണ്. പി​ന്നീ​ട് കി​ട​ത്തി​ചി​കി​ത്സ​ക്ക്​ വി​ധേ​യ​മാ​യേ​ക്കാ​വു​ന്ന രോ​ഗി​ക​ളെ​യും വീ​ടു​ക​ളി​ല്‍ കാ​ണ​രു​തെ​ന്നാ​ണ് പു​തി​യ നി​ർ​ദേ​ശം. ആ​ശു​പ​ത്രി​ക​ളി​ലെ​ത്തു​ന്ന​വ​ർ​ക്ക്​ മു​ൻ​ഗ​ണ​ന​യും പ​രി​ഗ​ണ​ന​യും വേ​ണ​​മെ​ങ്കി​ൽ ‘റൂ​മി​ലെ​ത്തി’ ഡോ​ക്​​ട​റെ കാ​ണ​ണ​മെ​ന്ന അ​പ്ര​ഖ്യാ​പി​ത വ്യ​വ​സ്ഥ​യാ​ണ്​ പ​ല താ​ലൂ​ക്കാ​ശു​പ​ത്രി​ക​ളി​ലും. കി​ട​ത്തി​ചി​കി​ത്സ വേ​ണ്ടി​വ​രു​ന്ന ഗ​ര്‍ഭി​ണി​ക​ള്‍ അ​ട​ക്ക​മു​ള്ള​വ​ര്‍ ഇ​ത്ത​ര​ത്തി​ൽ മു​റി​ക​ളി​ലെ​ത്തി കാ​ണ​ലും പ​തി​വാ​ണ്. 200ഉം 300​ഉം രൂ​പ​യാ​ണ്​ ഇ​തി​ന്​ ഫീ​സാ​യി ഈ​ടാ​ക്കു​ന്ന​ത്.

സ്വ​കാ​ര്യ പ്രാ​ക്ടീ​സി​ങ്​ അ​നു​വ​ദ​നീ​യ​മാ​യ വീ​ടു​ക​ളി​ൽ അ​ത്യാ​വ​ശ്യ​മു​ള്ള ഏ​താ​നും മെ​ഡി​ക്ക​ല്‍ ഉ​പ​ക​ര​ണ​ങ്ങ​ള്‍ മാ​ത്ര​മേ ഉ​പ​യോ​ഗി​ക്കാ​വൂ. സ്വ​കാ​ര്യ പ്രാ​ക്ടീ​സ് ന​ട​ത്തു​ന്ന ഇ​ട​ങ്ങ​ളി​ൽ ന​ഴ്‌​സു​മാ​രെ​യോ മ​റ്റ് മെ​ഡി​ക്ക​ല്‍ ടെ​ക്‌​നീ​ഷ്യ​ന്‍മാ​രെ​യോ ഉ​പ​യോ​ഗി​ക്കു​ന്ന​തി​നും വി​ല​ക്കു​ണ്ട്. ജോ​ലി ചെ​യ്യു​ന്ന ആ​ശു​പ​ത്രി​യി​ല്‍ കി​ട​ത്തി ചി​കി​ത്സ​യി​ലു​ള്ള രോ​ഗി​ക​ളെ സ്വ​കാ​ര്യ പ്രാ​ക്ടീ​സ് ന​ട​ത്തു​ന്ന സ്ഥ​ല​ത്ത് പ​രി​ശോ​ധി​ക്കു​ക​യോ ചി​കി​ത്സി​ക്കു​ക​യോ ചെ​യ്യു​ന്ന​തി​ന് നി​ല​വി​ല്‍ വി​ല​ക്കു​ണ്ട്. ഇ​ത്ത​രം രോ​ഗി​ക​ളെ​യോ അ​വ​രു​ടെ ബ​ന്ധു​ക്ക​ളെ​യോ സ്വ​കാ​ര്യ പ്രാ​ക്ടീ​സ്​ ന​ട​ത്തു​ന്ന സ്ഥ​ല​ങ്ങ​ളി​ല്‍ കാ​ണി​ല്ലെ​ന്ന് ഡോ​ക്ട​ര്‍മാ​ര്‍ ബോ​ര്‍ഡ് പ്ര​ദ​ര്‍ശി​പ്പി​ക്ക​ണം. ആ​ശു​പ​ത്രി​യി​ല്‍ ന​ൽ​കി​യ സേ​വ​ന​ത്തി​ന് ഡോ​ക്ട​ര്‍മാ​രു​ടെ വീ​ട്ടി​ൽ പോ​യി ഉ​പ​ഹാ​ര​മോ പ​ണ​മോ ന​ൽ​കി​യാ​ല്‍ രോ​ഗി​ക​ൾ​ക്കെ​തി​രെ​യും ന​ട​പ​ടി​യു​ണ്ടാ​കു​മെ​ന്നും മാ​ര്‍ഗ​രേ​ഖ നി​ർ​ദേ​ശി​ക്കു​ന്നു.