പങ്കാളിത്ത പെൻഷൻ പുനഃപരിശോധന സമിതി: ചന്ദ്രബാബു ചെയർമാൻ

തിരുവനന്തപുരം: സർക്കാർ ജീവനക്കാരുടെ പങ്കാളിത്ത പെൻഷൻ പദ്ധതി പുനഃപരിശോധന പഠിക്കാൻ സമിതിയായി. റിട്ട. ജില്ല ജഡ്​ജി ചന്ദ്രബാബു ചെയർമാനും മുൻ അഡീഷനൽ ചീഫ് സെക്രട്ടറി പി. മാരപാണ്ഡ്യൻ, ഗുലാത്തി ഇൻസ്​റ്റിറ്റ്യൂട്ട് ഓഫ് ഫിനാൻസ് ആൻഡ്​​ ടാക്സേഷൻ ഡയറക്​ടർ പ്രഫ. ഡി. നാരായണ എന്നിവർ അംഗങ്ങളുമാണ്​.

പദ്ധതി പുനഃപരിശോധിക്കുന്നതിലെ നിയമപരവും സാമ്പത്തികവുമായ പ്രത്യാഘാതങ്ങളെക്കുറിച്ച്​ റിപ്പോര്‍ട്ടും നിർദേശങ്ങളും തയാറാക്കുന്നതടക്കം എട്ട്​ പരിഗണന വിഷയങ്ങളാണ്​ നൽകിയിരിക്കുന്നത്​. പങ്കാളിത്ത പെൻഷൻ പിൻവലിക്കുമെന്ന്​ ഇടതു മുന്നണി തെരഞ്ഞെടുപ്പിൽ വാഗ്​ദാനം നൽകിയിരുന്നു. പുനഃപരിശോധിക്കുന്നത്​ പഠിക്കുമെന്ന്​ ധനമന്ത്രി നിയമസഭയിലും പറഞ്ഞിരുന്നു.