വാട്ടർ മെട്രോ ജെട്ടി നിർമാണം: ദേശീയ ഹരിത ട്രൈബ്യൂണൽ ഉത്തരവിന്​ സ്​റ്റേ

കൊ​ച്ചി: വാ​ട്ട​ർ മെ​ട്രോ​യു​ടെ ഹൈ​കോ​ട​തി ജെ​ട്ടി നി​ർ​മാ​ണ​ത്തി​ലെ പാ​രി​സ്ഥി​തി​ക പ്ര​ശ്ന​ങ്ങ​ൾ അ​ന്വേ​ഷി​ക്കാ​ൻ ക​മ്മി​റ്റി​യെ നി​യോ​ഗി​ച്ച ദേ​ശീ​യ ഹ​രി​ത ട്രൈ​ബ്യൂ​ണ​ലി​ന്‍റെ ഇ​ട​ക്കാ​ല ഉ​ത്ത​ര​വി​ന്​ ഹൈ​കോ​ട​തി​യു​ടെ സ്​​റ്റേ.

പ​രി​സ്ഥി​തി നി​യ​മ​ങ്ങ​ൾ ലം​ഘി​ച്ചാ​ണ്​ ജെ​ട്ടി നി​ർ​മി​ക്കു​ന്ന​തെ​ന്ന്​ ചൂ​ണ്ടി​ക്കാ​ട്ടി കെ. ​ജി. പ്ര​താ​പ സിം​ഹ​ൻ എ​ന്ന​യാ​ൾ ന​ൽ​കി​യ ഹ​ര​ജി​യി​ൽ ട്രൈ​ബ്യൂ​ണ​ൽ പു​റ​പ്പെ​ടു​വി​ച്ച ഉ​ത്ത​ര​വാ​ണ്​ ജ​സ്റ്റി​സ് എ​ൻ. ന​ഗ​രേ​ഷ്​ ര​ണ്ട്​ മാ​സ​ത്തേ​ക്ക്​ സ്​​റ്റേ ചെ​യ്ത​ത്. ട്രൈ​ബ്യൂ​ണ​ലി​ന്‍റെ ഇ​ട​ക്കാ​ല ഉ​ത്ത​ര​വി​നെ​തി​രെ കൊ​ച്ചി മെ​ട്രോ റെ​യി​ൽ ലി​മി​റ്റ​ഡ് ന​ൽ​കി​യ ഹ​ര​ജി​യാ​ണ്​ കോ​ട​തി പ​രി​ഗ​ണി​ച്ച​ത്.

പ​രി​സ്ഥി​തി നി​യ​മ​ങ്ങ​ൾ ലം​ഘി​ച്ചാ​ണ് കൊ​ച്ചി​യി​ൽ വാ​ട്ട​ർ മെ​ട്രോ നി​ർ​മാ​ണം ന​ട​ക്കു​ന്ന​തെ​ന്ന് ആ​രോ​പി​ച്ച് ഹ​ര​ജി​ക്കാ​ര​ൻ നേ​ര​ത്തേ ഹൈ​കോ​ട​തി​യി​ൽ പൊ​തു​താ​ൽ​പ​ര്യ ഹ​ര​ജി ന​ൽ​കി​യി​രു​ന്നു. ഇ​ത്​ ത​ള്ളി​യ​തി​നെ തു​ട​ർ​ന്ന് സു​പ്രീം കോ​ട​തി​യെ സ​മീ​പി​ച്ചെ​ങ്കി​ലും അ​വി​ടെ​യും ത​ള്ളി.

ഈ ​വി​വ​ര​ങ്ങ​ൾ മ​റ​ച്ചു​വെ​ച്ചാ​ണ് ഹ​ര​ജി​ക്കാ​ര​ൻ ദേ​ശീ​യ ഹ​രി​ത ട്രൈ​ബ്യൂ​ണ​ലി​നെ സ​മീ​പി​ച്ച് ഉ​ത്ത​ര​വ്​ വാ​ങ്ങി​യ​തെ​ന്ന് ഹ​ര​ജി​ക്കാ​ര​നെ​യും കേ​ന്ദ്ര സ​ർ​ക്കാ​റി​നെ​യും കേ​ര​ള കോ​സ്റ്റ​ൽ സോ​ൺ മാ​നേ​ജ്മെ​ന്റ് അ​തോ​റി​റ്റി​യെ​യും എ​തി​ർ ക​ക്ഷി​യാ​ക്കി കൊ​ച്ചി മെ​ട്രോ അ​ധി​കൃ​ത​ർ ന​ൽ​കി​യ ഹ​ര​ജി​യി​ൽ ആ​രോ​പി​ക്കു​ന്നു.