കെ. സുധാകര​െൻറ നിരാഹാരം  തുടങ്ങി

കണ്ണൂർ: യൂത്ത്​ കോൺഗ്രസ്​ നേതാവ്​ ഷുഹൈബി​​െൻറ വധവുമായി ബന്ധപ്പെട്ട്​  കണ്ണൂരിൽ ബുധനാഴ്​ച സമാധാന കമ്മിറ്റി യോഗം വിളിച്ചതായി മുഖ്യമ​ന്ത്രിയുടെ ഒാഫിസിൽ നിന്ന്​ സന്ദേശമെത്തി. കലക്​ടറേറ്റിൽ നാളെ രാവിലെ പത്തരക്ക്​ നടക്കുന്ന യോഗത്തിൽ മന്ത്രി എ.കെ.ബാലൻ പ​െങ്കടുക്കും. 

യഥാർഥ പ്രതികളെ പിടികൂടണമെന്നാവശ്യപ്പെട്ട്​ കോൺഗ്രസ്​ രാഷ്​​്ട്രീയകാര്യ സമിതിയംഗം കെ. സുധാകര​ൻ  നയിക്കുന്ന 48 മണിക്കൂർ നിരാഹാര  സമരം കണ്ണൂർ കലക്​ടറേറ്റിന്​ മുന്നിൽ തുടങ്ങി. കെ.പി.സി.സി പ്രസിഡൻറ്​ എം.എം. ഹസൻ സമരം ഉദ്​ഘാടനം ചെയ്​തു. വി.എം. സുധീരൻ ഉൾപ്പെ​െടയുള്ള നേതാക്കൾ സമരപന്തലിലെത്തി. പിടിയിലായത്​ യഥാർഥ പ്രതികളാണെന്ന പൊലീസ്​ വാദത്തിന്​ വിശ്വാസ്യതയില്ലെന്ന്​ കോൺഗ്രസ്​ നേതാക്കൾ പറഞ്ഞു. 

  അതിനിടെ, ഷുഹൈബ്​ വധത്തിൽ  മുഴുവൻ പ്രതികളെയും പിടികൂടണമെന്നാവശ്യപ്പെട്ട്​ എസ്​.വൈ.എസി​​െൻറ നേതൃത്വത്തിൽ കണ്ണൂരിൽ പ്രതിഷേധ  പ്രകടനം നടത്തി. കാന്തപുരം സുന്നി വിഭാഗത്തി​​െൻറ സജീവ പ്രവർത്തകനായിരുന്നു ഷുഹൈബ്​. ഷുഹൈബ്​ വധത്തി​​െൻറ പേരിൽ പാർട്ടിക്കെതിരെ പച്ചക്കള്ളം പ്രചരിപ്പിക്കുകയാണെന്ന്​ സി.പി.എം ജില്ല സെക്രട്ടറി പി.ജയരാജൻ പറഞ്ഞു. എന്നാൽ, പിടിയിലായവർ യഥാർഥ പ്രതികളാണെന്നും സി.പി.എമ്മുമായി ബന്ധമുണ്ടെന്നുമുള്ള പൊലീസ്​ വെളിപ്പെടുത്തൽ സംബന്ധിച്ച്​ പാർട്ടി പ്രതികരിച്ചില്ല.    

ഷുഹൈബ് ​വധം: ​െയച്ചൂരിക്ക്​ സുധാകര​​െൻറ തുറന്ന കത്ത്​
മട്ടന്നൂരിലെ യൂത്ത്​ കോൺ​ഗ്രസ്​ നേതാവ്​ ഷുഹൈബി​​െൻറ കൊലയാളികളെ നിയമത്തിനു മുന്നിൽ കൊണ്ടുവരുന്നതിന്​ അടിയന്തര ഇടപെടൽ ആവശ്യപ്പെട്ട്​ സി.പി.എം ജനറൽ സെക്രട്ടറി സീതാറാം യെച്ചൂരിക്ക്​​ കോൺഗ്രസ്​ നേതാവ്​ കെ. സുധാകരൻ തുറന്ന കത്തയച്ചു. ഭരണഘടനാപരമായ ഉത്തരവാദിത്തങ്ങൾ നിറവേറ്റുന്നതിൽ മുഖ്യമന്ത്രി പിണറായി വിജയൻ പരാജയപ്പെട്ടതായി കത്തിൽ കുറ്റ​െപ്പടുത്തുന്നു. 

മുഖ്യമന്ത്രിയായിട്ടും ഇ​േപ്പാഴും പാർട്ടി സെക്രട്ടറിയുടെ നിലവാരത്തിൽമാത്രം പ്രവർത്തിക്കുന്ന പിണറായി വിജയനിൽനിന്ന്​ നീതി പ്രതീക്ഷിക്കുന്ന​ില്ലെന്നും കത്തിൽ വ്യക്തമാക്കുന്നു. രാജ്യത്തും ലോകത്തും നടക്കുന്ന മനുഷ്യക്കുരുതിയെക്കുറിച്ചും മനുഷ്യാവകാശ ലംഘനങ്ങളെക്കുറിച്ചും പ്രസംഗിക്കുന സി.പി.എം നേതൃത്വം കേരളത്തിലെ നരനായാട്ടുകൾ കാണുന്നില്ല. കേരളത്തിലെ പാർട്ടി ഏതാനും ക്രിമിനലുകളുടെ ​ൈകയിലാണ്​. 

രാജ്യത്താകമാനം വർധിച്ചുവരുന്ന വർഗീയ ഫാഷിസത്തിനെതിരായ പോരാട്ടം ശക്തമാക്കണമെന്ന സന്ദേ​ശത്തിന്​ ഏറെ പ്രസക്തിയുള്ള കാലഘട്ടത്തിലാണ്​ ന്യൂനപക്ഷ വിഭാഗത്തിൽപെട്ട നിരപരാധിയായ ഒരു ചെറുപ്പക്കാരനെ നിഷ്​ഠുരമായി വധിച്ചിട്ടുള്ളത്​. കണ്ണൂർ ജില്ലയിലെ നേതൃത്വത്തെ നിയന്ത്രിക്കാൻ കേ​ന്ദ്രനേതൃത്വം തയാറാകണമെന്നും സുധാകരൻ കത്തിൽ ആവശ്യപ്പെടുന്നു. 

തൊഴിലാളി പാർട്ടി കൊലയാളി പാർട്ടിയായി മാറി -എം.എം. ഹസൻ
കണ്ണൂർ: തൊഴിലാളി പാർട്ടിയിൽ നിന്ന് സി.പി.എം കൊലയാളി പാർട്ടിയായി മാറിയിരിക്കുകയാണെന്ന് കെ.പി.സി.സി  പ്രസിഡൻറ്​ എം.എം. ഹസൻ പറഞ്ഞു. യൂത്ത് കോൺഗ്രസ്​ മട്ടന്നൂർ ബ്ലോക്ക് സെക്രട്ടറി ഷുഹൈബ് എടയന്നൂരിെന വധിച്ച സംഭവത്തിൽ യഥാർഥ പ്രതികളെ പിടികൂടണമെന്നാവശ്യപ്പെട്ട് കോൺഗ്രസ്​ രാഷ്​ട്രീയ കാര്യസമിതിയംഗം കെ.  സുധാകരൻ കലക്​ടറേറ്റ്​ പടിക്കൽ ആരംഭിച്ച 48 മണിക്കൂർ നിരാഹാര സത്യഗ്രഹം ഉദ്ഘാടനം ചെയ്യുകയായിരുന്നു അദ്ദേഹം.  

പിണറായി വിജയനെന്ന മുഖ്യമന്ത്രിക്കു കീഴിൽ ഷുഹൈബ്​ കൊലക്കേസ്​ ഫലപ്രദമായി അന്വേഷിക്കുമെന്ന പ്രതീക്ഷ കോൺഗ്രസിനോ പൊതുസമൂഹത്തിനോ ഇല്ല.   ഷുഹൈബി​​െൻറയും ഷുക്കൂറി​​െൻറയും മനോജി​​െൻറയും ഫസലി​​െൻറയുമൊക്കെ ചോരയിൽ കുതിർത്ത ചെങ്കൊടിയാണ് തൃശൂർ സമ്മേളനത്തിലുയർത്താൻ സി.പി.എം  ജാഥയായി കൊണ്ടു പോകുന്നതെന്ന് ഹസൻ  പറഞ്ഞു. സി.പി.എം ഇന്ന് പാവപ്പെട്ടവ​​െൻറ പാർട്ടിയല്ല, മുതലാളിമാരുടെ പാർട്ടിയാണ്. പഴയ ആദർശത്തി​െൻറ അസ്​ഥിപഞ്ജരം  മാത്രമാണ് അവരിൽ അവശേഷിക്കുന്നതെന്നും അദ്ദേഹം പറഞ്ഞു. 

ഡി.സി.സി പ്രസിഡൻറ്​ സതീശൻ പാച്ചേനി അധ്യക്ഷത വഹിച്ചു. എം.എൽ.എമാരായ കെ.എം. ഷാജി, കെ.സി. ജോസഫ്, അഡ്വ. സണ്ണി ജോസഫ്, യു.ഡി.എഫ്​ നേതാക്കളായ ലതിക സുഭാഷ്, പി. രാമകൃഷ്ണൻ, വി.എ. നാരായണൻ, അഡ്വ. സജീവ് ജോസഫ്, സുമ ബാലകൃഷ്ണൻ, പ്രഫ. എ.ഡി. മുസ്​തഫ, വി.കെ. അബ്​ദുൽഖാദർ  മൗലവി തുടങ്ങിയവർ സംസാരിച്ചു. കെ. സുധാകര​​െൻറ നിരാഹാര സമരത്തിന്​ അഭിവാദ്യവുമായി നേതാക്കളും പ്രവര്‍ത്തകരുമായി ആയിരങ്ങളാണ് തിങ്കളാഴ്​ച കണ്ണൂരിലെ  സമരപന്തലിലെത്തിയത്​. രാത്രി വൈകിയും നൂറുകണക്കിന്​ പ്രവര്‍ത്തകര്‍ ഐക്യദാര്‍ഢ്യവുമായി  സമരപന്തലിലുണ്ടായിരുന്നു.  

വി.എം. സുധീരൻ ഷു​ൈഹബി​​െൻറ വീട്​ സന്ദർശിച്ചു
മട്ടന്നൂര്‍: ഷുഹൈബ്​ വധക്കേസില്‍ അറസ്​റ്റിലായവര്‍ക്ക് മുഖ്യമന്ത്രി പിണറായി വിജയനുമായും സി.പി.എം ജില്ല സെക്രട്ടറിയുമായും അടുത്ത ബന്ധമുണ്ടെന്നത്​ ഗൗരവതരമാണെന്ന് കെ.പി.സി.സി മുന്‍ പ്രസിഡൻറ്​ വി.എം സുധീരന്‍. എടയന്നൂരില്‍ ഷുഹൈബി​​െൻറ വീട് സന്ദര്‍ശിച്ച ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം. 

കേസില്‍ സി.പി.എമ്മി​​​െൻറ ഉന്നത നേതാക്കളുടെ ഗൂഢാലോചനയുണ്ടെന്ന് സംശയിക്കുന്നു. സി.പി.എം സ്വീകരിക്കുന്ന നയം രാഷ്​ട്രീയ എതിരാളികളെ ഉന്മൂലനം ചെയ്യുകയെന്നതാണെന്നും അദ്ദേഹം പറഞ്ഞു. സജീവ് ജോസഫ്, സുരേഷ് ബാബു എളയാവൂര്‍, കെ.വി. ജയചന്ദ്രന്‍ എന്നിവരും അദ്ദേഹത്തോടൊപ്പമുണ്ടായിരുന്നു.