വിഭജിച്ച കോണ്‍ഗ്രസ് മണ്ഡലം കമ്മിറ്റികൾ വീണ്ടും ഒന്നിപ്പിക്കുന്നു

ഗു​രു​വാ​യൂ​ര്‍: കെ.​പി.​സി.​സി നി​ര്‍ദേ​ശ​മ​നു​സ​രി​ച്ച് വി​ഭ​ജി​ച്ച മ​ണ്ഡ​ലം ക​മ്മി​റ്റി​ക​ളെ​ല്ലാം വീ​ണ്ടും ഒ​ന്നാ​ക്കു​ന്നു. കാ​ര്യ​ക്ഷ​മ​മാ​യ പ്ര​വ​ർ​ത്ത​ന​ത്തി​നു​വേ​ണ്ടി​യാ​ണ് വ​ലി​യ മ​ണ്ഡ​ല​ങ്ങ​ള്‍ വി​ഭ​ജി​ക്കാ​ന്‍ ര​ണ്ടു​വ​ര്‍ഷം മു​മ്പ് തീ​രു​മാ​നി​ച്ച​ത്. 20 ബൂ​ത്തി​ല്‍ അ​ധി​ക​മു​ള്ള മ​ണ്ഡ​ല​ങ്ങ​ള്‍ വി​ഭ​ജി​ക്കാ​നാ​യി​രു​ന്നു തീ​രു​മാ​നം. ഇ​ത​നു​സ​രി​ച്ച് പ​ല​യി​ട​ത്തും മ​ണ്ഡ​ല​ങ്ങ​ള്‍ വി​ഭ​ജി​ച്ച് ക​മ്മി​റ്റി​ക​ള്‍ രൂ​പ​വ​ത്ക​രി​ച്ചു. തൃ​ശൂ​ര്‍ ഡി.​സി.​സി​ക്ക് കീ​ഴി​ലാ​ണ് ഇ​ത്ത​രം വി​ഭ​ജ​നം ഏ​റെ​യും ന​ട​ന്ന​ത്.

ഗു​രു​വാ​യൂ​ര്‍ നി​യോ​ജ​ക മ​ണ്ഡ​ല​ത്തി​ലെ വ​ട​ക്കേ​കാ​ട് ബ്ലോ​ക്കി​ലെ എ​ല്ലാ മ​ണ്ഡ​ല​ങ്ങ​ളും ഈ ​നി​ര്‍ദേ​ശ​മ​നു​സ​രി​ച്ച് വി​ഭ​ജി​ച്ചി​രു​ന്നു. നേ​ര​ത്തേ നാ​ല് മ​ണ്ഡ​ല​ങ്ങ​ളാ​യി​രു​ന്ന ഇ​വി​ടെ​യി​പ്പോ​ള്‍ എ​ട്ട് മ​ണ്ഡ​ലം ക​മ്മി​റ്റി​ക​ളു​ണ്ട്. എ​ന്നാ​ല്‍, പു​തി​യ മ​ണ്ഡ​ലം പ്ര​സി​ഡ​ന്റു​മാ​രെ പ്ര​ഖ്യാ​പി​ക്കു​ന്ന​തോ​ടെ നേ​ര​ത്തേ വി​ഭ​ജി​ച്ച മ​ണ്ഡ​ല​ങ്ങ​ളെ​ല്ലാം ഒ​ന്നാ​ക്കാ​നാ​ണ് കെ.​പി.​സി.​സി​യു​ടെ തീ​രു​മാ​നം. വി​ഭ​ജി​ക്ക​പ്പെ​ട്ട പ​ല​യി​ട​ത്തും ഒ​രു മ​ണ്ഡ​ലം ക​മ്മി​റ്റി സ​ജീ​വ​മാ​കു​ക​യും ഒ​രെ​ണ്ണം നി​ര്‍ജീ​വ​മാ​വു​ക​യും ചെ​യ്ത അ​വ​സ്ഥ​യാ​യി​രു​ന്നു​വെ​ന്ന് പ​റ​യു​ന്നു. പ​ല പ​ഞ്ചാ​യ​ത്തു​ക​ളി​ലും ര​ണ്ട് മ​ണ്ഡ​ലം ക​മ്മി​റ്റി​ക​ളാ​കു​ന്ന അ​വ​സ്ഥ​യാ​യി. സി.​പി.​എ​മ്മി​ല്‍ ഇ​ത്ത​ര​ത്തി​ല്‍ ഒ​രേ ത​ദ്ദേ​ശ സ്ഥാ​പ​ന പ​രി​ധി​യി​ല്‍ പ​ല ലോ​ക്ക​ല്‍ ക​മ്മി​റ്റി​ക​ള്‍ ഉ​ണ്ടെ​ങ്കി​ലും കോ​ണ്‍ഗ്ര​സി​ല്‍ ഈ ​രീ​തി പ​രി​ചി​ത​മാ​യി​രു​ന്നി​ല്ല.

പ​ഞ്ചാ​യ​ത്തി​നെ മു​ഴു​വ​ന്‍ ബാ​ധി​ക്കു​ന്ന പ്ര​ശ്‌​ന​ങ്ങ​ളി​ലെ ഇ​ട​പെ​ട​ല്‍ ഏ​ത് ക​മ്മി​റ്റി​യു​ടെ നേ​തൃ​ത്വ​ത്തി​ലാ​വ​ണ​മെ​ന്ന​ത് ത​ര്‍ക്ക​മാ​വു​ന്ന അ​വ​സ്ഥ​യു​മു​ണ്ടാ​യി. ഇ​തി​നു​പു​റ​മെ മ​ണ്ഡ​ലം ഭാ​ര​വാ​ഹി​ത്വ​ത്തി​ലെ ഗ്രൂ​പ് സ​മ​വാ​ക്യ​ങ്ങ​ളും ത​കി​ടം മ​റി​ഞ്ഞു. പ​ല​യി​ട​ത്തും ഇ​തി​ന്റെ പേ​രി​ല്‍ പ്ര​ശ്‌​ന​ങ്ങ​ളും ഉ​ട​ലെ​ടു​ത്തു. ത​ൽ​ക്കാ​ലം പു​തി​യ ക​മ്മി​റ്റി​ക​ളു​ടെ രൂ​പ​വ​ത്ക​ര​ണം റ​ദ്ദാ​ക്കാ​നും മ​ണ്ഡ​ലം പ്ര​സി​ഡ​ന്റു​മാ​രെ പ്ര​ഖ്യാ​പി​ക്കു​മ്പോ​ള്‍ വി​ഭ​ജ​ന​ത്തി​ന് മു​മ്പു​ണ്ടാ​യി​രു​ന്ന മ​ണ്ഡ​ല​ങ്ങ​ളു​ടെ അ​ടി​സ്ഥാ​ന​ത്തി​ലാ​ക്കാ​നു​മാ​ണ് തീ​രു​മാ​നം. എ​ന്നാ​ല്‍, മ​ണ്ഡ​ലം ക​മ്മി​റ്റി​ക​ളു​ടെ എ​ണ്ണം കു​റ​യു​മ്പോ​ള്‍ സ്ഥാ​നം ന​ഷ്ട​മാ​കു​ന്ന ഭാ​ര​വാ​ഹി​ക​ളെ എ​ങ്ങ​നെ പു​ന​ര​ധി​വ​സി​പ്പി​ക്കാം എ​ന്ന​ത് നേ​തൃ​ത്വ​ത്തി​ന് മു​ന്നി​ല്‍ കീ​റാ​മു​ട്ടി​യാ​കും.