കോണ്‍ഗ്രസ് 21ന്​ രാജ്ഭവന്‍ ഉപരോധിക്കും

തിരുവനന്തപുരം: കോണ്‍ഗ്രസ് അധ്യക്ഷ സോണിയ ഗാന്ധിയെ ഇ.ഡി ചോദ്യം ചെയ്യുന്ന ജൂലൈ 21ന് പാർട്ടി നേതൃത്വത്തില്‍ രാജ്ഭവന്‍ ഉപരോധിക്കും. കേന്ദ്ര അന്വേഷണ ഏജന്‍സികളെ മോദി സര്‍ക്കാര്‍ രാഷ്ട്രീയ പ്രതികാരത്തിന് ഉപയോഗിക്കുന്നെന്നു കുറ്റപ്പെടുത്തിയാണു പ്രതിഷേധം. എ.ഐ.സി.സി ആഹ്വാനമനുസരിച്ച് നടക്കുന്ന മാര്‍ച്ചിൽ തിരുവനന്തപുരം, കൊല്ലം, പത്തനംതിട്ട, ആലപ്പുഴ ജില്ലകളിലെ പ്രവർത്തകർ പ​ങ്കെടുക്കുമെന്ന് കെ.പി.സി.സി ജനറൽ സെക്രട്ടറി ടി.യു. രാധാകൃഷ്ണന്‍ അറിയിച്ചു.