പ്രമുഖ കോൺഗ്രസ് നേതാവ് യു.കെ ഭാസി അന്തരിച്ചു
text_fieldsമലപ്പുറം: ജില്ലയിലെ മുതിർന്ന കോൺഗ്രസ് നേതാവും മുൻ കെ.പി.സി.സി ജനറൽ സെക്രട്ടറിയുമായ യു.കെ ഭാസി (75) അന്തരിച്ചു. ബു ധനാഴ്ച രാവിലെ കോഴിക്കോട്ടെ സ്വകാര്യ ആശുപത്രിയിലായിരുന്നു അന്ത്യം. സംസ്കാരം ഉച്ചക്ക് ശേഷം താനൂർ കട്ടിലങ്ങാട ിയിലെ വീട്ടുവളപ്പിൽ നടക്കും.
രണ്ട് പതിറ്റാണ്ട് ഡി.സി.സി പ്രസിഡൻറായിരുന്ന അദ്ദേഹം ജില്ലയിൽ കോൺഗ്രസിെൻറ വളർച്ചയിൽ പങ്ക് വഹിച്ച പ്രധാനികളിൽ ഒരാളാണ്. ഏറ്റവും കൂടുതൽ കാലം ഡി.സി.സി അധ്യക്ഷ പദവിയിലിരുന്ന നേതാവെന്ന ഖ്യാതിയും യു.കെ ഭാസിക്കുണ്ട്. കെ.എസ്.യുവിലൂടെയായിരുന്നു രാഷ്ട്രീയ പ്രവേശനം. കെ.എസ്.യു സംസ്ഥാന വൈസ് പ്രസിഡൻ്റ്, പാലക്കാട് ജില്ലാ പ്രസിഡൻറ്, യൂത്ത് കോൺഗ്രസ് പാലക്കാട് ജില്ലാ ജനറൽ സെക്രട്ടറി, മലപ്പുറം ജില്ലാ പ്രസിഡൻറ്, കോൺഗ്രസ് ജില്ലാ ജനറൽ സെക്രട്ടറി തുടങ്ങിയ സ്ഥാനങ്ങളും വഹിച്ചിട്ടുണ്ട്.
1981 മുതൽ 2001വരെയാണ് അദ്ദേഹം ജില്ലാ കോൺഗ്രസിെൻറ സാരഥിയായി പ്രവർത്തിച്ചത്. 2001 മുതൽ 2013 വരെ കെ.പി.സി.സി ജനറൽ സെക്രട്ടറിയുമായി.
താനൂർ അർബൻ ബാങ്കിെൻറ സ്ഥാപകനാണ്. താനൂർ ഗ്രാമപഞ്ചായത്ത് അംഗമായിരുന്നിട്ടുണ്ട്. മകൻ ഡോ. യു.കെ. അഭിലാഷ് യൂത്ത് കോൺഗ്രസ് സംസ്ഥാന ജനറൽ സെക്രട്ടറിയാണ്.
ഭാര്യ: ശശിപ്രഭ.
മറ്റ് മക്കൾ: ധന്യ, ഭവ്യ.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.