കോൺഗ്രസിന്​ നാഥനില്ലാത്ത അവസ്ഥ; പ്രവർത്തകർ നിരാശയിലെന്ന്​ പി.ജെ. കുര്യൻ

തിരുവനന്തപുരം: കോൺഗ്രസിന്​ നാഥനില്ലാത്ത അവസ്ഥയാണെന്ന് പറയുന്നവരെ കുറ്റം പറയാനാവില്ലെന്ന് മുതിർന്ന നേതാവ്​​ പി.ജെ കുര്യന്‍. ദേശീയ പ്രസിഡൻറ്​ ഇല്ലാത്തത് പാർട്ടിയെ ബാധിക്കുന്നുണ്ട്​. പ്രസിഡൻറിനെ ഇതിനകം കണ്ടെത്തേണ്ടിയിരുന്നുവെന്നും അദ്ദേഹം പറഞ്ഞു.

പ്രസിഡൻറ്​ സ്ഥാനത്തിന് യോഗ്യരായ നിരവധി പേരുണ്ട്​. നെഹ്റു കുടുംബാംഗത്തിന് മാത്രമേ പ്രസിഡൻറ്​ ആവാൻ കഴിയൂ എന്നില്ല. കോൺഗ്രസിൻെറ ഇന്നത്തെ അവസ്ഥ പ്രവർത്തകർക്ക് നിരാശ ഉണ്ടാക്കുന്നതാണെന്നും പി.ജെ കുര്യന്‍ വ്യക്തമാക്കി.