Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightരാജ്യത്തി​െൻറ ഭാവിയിൽ...

രാജ്യത്തി​െൻറ ഭാവിയിൽ ആ​ശങ്ക; മതേതര ഇന്ത്യക്കായി പോരാടണം - മുരളീധരൻ

text_fields
bookmark_border
K-Muraleedharan
cancel

കോഴിക്കോട്​: നെഹ്​റുവും വല്ലഭ ഭായ്​ പ​േട്ടലും തമ്മിൽ ശത്രുതയിലായിരുന്നെന്ന്​ വരുത്തി തീർക്കാനാണ്​ ബി.ജെ.പ ിയുടെ ശ്രമമെന്ന്​ കെ. മുരളീധരൻ എം.പി. കശ്​മീരി​​െൻറ ഭാഗം പാകിസ്​താനു പോയത്​ നെഹ്​റുവിന്​ പറ്റിയ ​െതറ്റാണെന്ന ും ഹൈദരാബാദ്​ ഇന്ത്യയിൽ തന്നെയുള്ളത്​ വല്ലഭ ഭായ്​ പ​േട്ടൽ ഉണ്ടായിരുന്നതു കൊണ്ടാണെന്നുമുള്ള കേന്ദ്രമന്ത്രി അമിത്​ ഷായു​െട പരാമർശത്തെ ചൂണ്ടിക്കാട്ടുകയായിരുന്നു എം.പി. നെഹ്​റുവും പ​േട്ടലും ഒരേ മന്ത്രിസഭയിൽ പരസ്​പരം അംഗീകരിച്ച്​ കാര്യങ്ങൾ നടപ്പാക്കിയിരുന്നവരാണ്​. എന്നിട്ടും ഇരുവരും തമ്മിൽ ഇല്ലാത്ത വൈര്യം ഉണ്ടെന്ന്​ വരുത് തിതീർക്കാനാണ്​ ബി.ജെ.പിയുടെ ശ്രമം​. ചരിത്രത്തെ വളച്ചൊടിക്കലാണിതെന്നും മുരളീധരൻ പറഞ്ഞു. എം.ഇ.എസ്​ സ്​ഥാപക പ്രസിഡൻറ്​ ഡോ. പി.കെ. അബ്​ദുൽ ഗഫൂർ അനുസ്​മരണം ഉദ്​ഘാടനം ചെയ്യുകയായിരുന്നു അദ്ദേഹം.

വിശ്വാസങ്ങൾ കൊട്ടിഘോഷിക്കാനുള്ള സ്ഥലമല്ല നിയമനിർമാണ സഭ. എന്നാൽ, രണ്ടാഴ്ച ലോക്സഭ കണ്ടപ്പോൾ രാജ്യത്തി​​െൻറ പ്രയാണത്തിൽ ആശങ്കാകുലനാണെന്നും മുരളീധരൻ പറഞ്ഞു.
ഭരണഘടനാ അവകാശങ്ങൾ ഇല്ലാതാക്കുന്നതാണ്​ ബി.ജെ.പിയുടെ പുതിയ ഇന്ത്യ. പിന്നാക്കക്കാർക്കും ന്യൂനപക്ഷങ്ങൾക്കും പ്രത്യേക പരിഗണന നൽകുന്ന, ജമ്മു-കശ്​മീരി​ന്​ പ്രത്യേക അവകാശം ഉറപ്പുവരുത്തുന്ന ഇന്ത്യയാണ്​ കോൺഗ്രസി​​െൻറ ലക്ഷ്യമെന്നും അദ്ദേഹം പറഞ്ഞു.

മുസ്​ലിം സമുദായ സ്​ത്രീകളുടെ മുന്നേറ്റത്തിനായി പ്രവർത്തിച്ചയാളാണ്​ ഡോ. പി.കെ. അബ്​ദുൽ ഗഫൂർ. ആശയങ്ങളിൽ ഉറച്ചുനിൽക്കുന്നതിനൊപ്പം എല്ലാവരുമായി സൗഹൃദം സ്​ഥാപിച്ച് ​​വിദ്യാഭ്യാസ മുന്നേറ്റം നടത്തിയയാളാണ്​ ഡോ. പി.കെ. അബ്​ദുൽ ഗഫൂറെന്നും മുരളീധരൻ അനുസ്​മരിച്ചു.
എം.ഇ.എസ്​ പ്രസിഡൻറ്​ ​ഡോ. പി.എ. ഫസൽ ഗഫൂർ മുരളീധരനെ പൊന്നാടയണിയിച്ചു.
സ്​ത്രീകൾക്ക്​ പുരോഗതിയുണ്ടായാൽ അതോടൊപ്പം സമുദായത്തിലെ പുരുഷന്മാർക്കും പുരോഗതിയുണ്ടാകു​മെന്നും സ്​ത്രീകളുടെ വിദ്യാഭ്യാസം, ജോലി, പൊതുഇടങ്ങളിലെ സ്​ഥാനം എന്നിവക്കായി എം.ഇ.എസ്​ നിലകൊള്ളുമെന്നും ഫസൽ ഗഫൂർ പറഞ്ഞു.


സർക്കാറിനും ഡി.ജി.പിക്കും പൊലീസി​െന നിയന്ത്രിക്കാനാകുന്നില്ല - മുരളീധരൻ
കോഴിക്കോട്​: സംസ്​ഥാനത്ത്​ അടിക്കടി കസ്​റ്റഡി മരണമുണ്ടാകുന്നത്​ സർക്കാറിന്​ പൊലീസി​​െൻറ മേലുള്ള നിയന്ത്രണം നഷ്​ടമായെന്നതി​​െൻറ തെളിവാണെന്ന്​ കെ. മുരളീധരൻ എം.പി. ഇടുക്കിയിലെ കസ്​റ്റഡി മരണത്തെ കുറിച്ച്​ പ്രതികരിക്കുകയായിരുന്നു അദ്ദേഹം. അടിയന്തരാവസ്​ഥ കാലത്ത്​ സെൻസർഷിപ്പ്​ ഉണ്ടായിരുന്നു. ഇന്ന്​ അതി​ല്ല. എന്നിട്ടും നിരന്തരം കസ്​റ്റഡി മരണങ്ങൾ സംഭവിക്കുന്നത്​ സർക്കാറി​​െൻറ പരാജയമാണ്​. മുഖ്യമന്ത്രി രാജിവെക്കണമെന്ന്​ പറയുന്നില്ല. കസ്​റ്റഡി മരണത്തിന്​ രാജിവെക്കുകയാണെങ്കിൽ എത്രയോ മുമ്പ്​ രാജിവെക്കേണ്ടതായിരുന്നു. ഡി.ജി.പിയും സമ്പൂർണ പരാജയമാണ്​. അദ്ദേഹത്തെ സ്​ഥാനത്തുനിന്ന്​ മാറ്റി സാമാന്യ വിവരമുള്ളവരെ നിയമിക്കണം - മുരളീധരൻ പറഞ്ഞു.


Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:congresskerala newsk muraleedharansecular india
News Summary - Congress Fight for secular India - India news
Next Story