ഏക സിവിൽ കോഡ്​: പ്ര​ചാ​ര​ണ പ​രി​പാ​ടി​ക​ളു​മാ​യി കോൺഗ്രസ്​

തി​രു​വ​ന​ന്ത​പു​രം: ഏ​ക സി​വി​ൽ കോ​ഡി​നെ​തി​രെ പ്ര​ചാ​ര​ണ പ​രി​പാ​ടി​ക​ളു​മാ​യി കോ​ൺ​ഗ്ര​സും. മേ​ഖ​ല അ​ടി​സ്ഥാ​ന​ത്തി​ൽ ജ​ന​സ​ദ​സ്സ്​ സം​ഘ​ടി​പ്പി​ക്കും. ആ​ദ്യ​പ​രി​പാ​ടി കോ​ഴി​ക്കോ​ട്ട്​ ന​ട​ത്താ​നാ​ണ്​ ആ​ലോ​ച​ന. തു​ട​ർ​ന്ന്​ തി​രു​വ​ന​ന്ത​പു​ര​ത്തും കൊ​ച്ചി​യി​ലും. കെ.​പി.​സി.​സി നേ​തൃ​യോ​ഗ​ത്തി​ലാ​ണു തീ​രു​മാ​നം.

ഏ​ക സി​വി​ൽ കോ​ഡി​നെ​തി​രെ ​സെ​മി​നാ​ർ പ്ര​ഖ്യാ​പി​ച്ച്​ സി.​പി.​എം പ്ര​തി​ഷേ​ധ​ത്തി​ന്‍റെ നേ​തൃ​ത്വം ഏ​റ്റെ​ടു​ക്കു​ന്ന​തി​ന്​ ത​ട​യി​ടു​ക​യാ​ണ്​ ല​ക്ഷ്യം. പ്ര​ധാ​ന ഘ​ട​ക​ക​ക്ഷി മു​സ്​​ലിം ലീ​ഗി​ന്‍റെ​യും ന്യൂ​ന​പ​ക്ഷ സം​ഘ​ട​ന​ക​ളു​ടെ​യും വി​കാ​രം ഉ​ൾ​ക്കൊ​ണ്ടാ​ണ്​ കോ​ൺ​ഗ്ര​സ്​ ​ഏ​ക സി​വി​ൽ​ കോ​ഡ്​ വി​രു​ദ്ധ പ്ര​ചാ​ര​ണ​ത്തി​നി​റ​ങ്ങു​ന്ന​ത്.

ഏ​ക സി​വി​ൽ കോ​ഡ്​ വേ​ണ്ടെ​ന്ന്​ ഉ​റ​ച്ച നി​ല​പാ​ട്​ സ്വീ​ക​രി​ക്കു​മ്പോ​ൾ​ത​ന്നെ, തെ​രു​വി​ലി​റ​ങ്ങി​യു​ള്ള പ്ര​തി​ഷേ​ധം വേ​ണ്ടെ​ന്നാ​ണ്​ കെ.​പി.​സി.​സി യോ​ഗ​ത്തി​ലെ ധാ​ര​ണ. തെ​ര​ഞ്ഞെ​ടു​പ്പ് മു​ന്നി​ല്‍ ക​ണ്ട് സാ​മു​ദാ​യി​ക ധ്രു​വീ​ക​ര​ണം ല​ക്ഷ്യ​മി​ടു​ന്ന ബി.​ജെ.​പി​യു​ടെ അ​ജ​ണ്ട തു​റ​ന്നു​കാ​ട്ടു​ന്ന​തി​നൊ​പ്പം സി.​പി.​എ​മ്മി​ന്‍റെ ഇ​ര​ട്ട​ത്താ​പ്പ് തു​റ​ന്നു​കാ​ട്ടി​യു​മാ​കും കോ​ൺ​ഗ്ര​സ്​ പ്ര​ചാ​ര​ണം.

കോ​ഴി​ക്കോ​ട്​ ന​ട​ത്തു​ന്ന പ​രി​പാ​ടി​യി​ൽ നി​യ​മം ബാ​ധി​ക്കു​ന്ന എ​ല്ലാ വി​ഭാ​ഗ​ങ്ങ​ളി​ൽ​നി​ന്നു​ള്ള​വ​രെ​യും പ​​ങ്കെ​ടു​പ്പി​ക്കും. കേ​വ​ലം മു​സ്​​ലിം പ്ര​ശ്ന​മ​ല്ലെ​ന്ന സ​ന്ദേ​ശം ഉ​യ​ർ​ത്തി​ക്കാ​ട്ടു​ക​യാ​ണ്​ ല​ക്ഷ്യം. ക​ര​ട്​ ബി​ൽ​പോ​ലും ത​യാ​റാ​ക്കാ​തെ ഏ​ക സി​വി​ൽ കോ​ഡ്​ ച​ർ​ച്ച ഉ​യ​ർ​ത്തു​ന്ന ബി.​ജെ.​പി ഹി​ന്ദു - മു​സ്​​ലിം വി​ഭാ​ഗീ​യ​ത വ​ള​ർ​ത്തി വോ​ട്ട്​ ത​ട്ടാ​നാ​ണ്​ ശ്ര​മി​ക്കു​ന്ന​തെ​ന്ന്​ യോ​ഗം പ്ര​മേ​യ​ത്തി​ൽ കു​റ്റ​പ്പെ​ടു​ത്തി.

നി​യ​മ​ത്തി​നെ​തി​രാ​യ മു​സ്​​ലിം വി​ഭാ​ഗ​ത്തി​ന്‍റെ ആ​ശ​ങ്ക ആ​ളി​ക്ക​ത്തി​ച്ച്​ വോ​ട്ട്​ ത​ട്ടാ​നാ​ണ്​ സി.​പി.​എം ശ്ര​മി​ക്കു​ന്ന​ത്. 1985ല്‍ ​ഷാ​ബാ​നു കേ​സി​ല്‍ ഏ​ക വ്യ​ക്തി നി​യ​മം വേ​ണ​മെ​ന്ന്​ നി​ല​പാ​ടെ​ടു​ത്ത സി.​പി.​എ​മ്മും ഇ.​എം.​എ​സും ശ​രീ​അ​ത്തി​നു​നേ​രെ ക​ട​ന്നാ​ക്ര​മ​ണം ന​ട​ത്തി. പൗ​ര​ത്വ നി​യ​മ​വു​മാ​യി ബ​ന്ധ​പ്പെ​ട്ട് ന​ട​ത്തി​യ കേ​സു​ക​ള്‍ പി​ന്‍വ​ലി​ക്കു​മെ​ന്ന് നി​യ​മ​സ​ഭ​യി​ല്‍ ഉ​റ​പ്പു​ന​ൽ​കി​യി​ട്ടും ഇ​തു​വ​രെ ന​ട​പ്പാ​ക്കി​യി​ട്ടി​ല്ലെ​ന്നും പ്ര​മേ​യം ചൂ​ണ്ടി​ക്കാ​ട്ടി.