Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_right‘കോംഗോ’ പനി...

‘കോംഗോ’ പനി ബാധിച്ച്​ മലപ്പുറം സ്വദേശി തൃശൂരിലെ ആശുപത്രിയിൽ

text_fields
bookmark_border
‘കോംഗോ’ പനി ബാധിച്ച്​ മലപ്പുറം സ്വദേശി തൃശൂരിലെ ആശുപത്രിയിൽ
cancel

തൃശൂർ: കോംഗോ പനി (ക്രീമിയന്‍ കോംഗോ ഹെമറേജിക് ഫീവർ) ബാധിച്ച്​ തൃശൂരിലെ സ്വകാര്യ ആശുപത്രിയിൽ ചികിത്സയിൽ കഴിയ ുന്നയാൾ ആശങ്കാജനകമായ അവസ്ഥ തരണം ചെയ്​തതായി തൃശൂർ ജില്ല ആരോഗ്യ വിഭാഗം വ്യക്​തമാക്കി. 11 ദിവസത്തെ ചികിത്സക്ക്​ ശേഷമാണ്​ മലപ്പുറം സ്വദേശിയായ 30കാരൻ ദുബൈയിൽനിന്നും നാട്ടിൽ വന്നത്​. രോഗനിർണയത്തി​​​​െൻറയും പ്രതിരോധത്തി​​​​െൻറയും ഭാഗമായാണ്​ നിലവിൽ ആശുപത്രിയിൽ പ്രവേശിപ്പിച്ചിരിക്കുന്നത്​. ആശങ്കപ്പെടേണ്ടതില്ലെന്നും കർശന പ്രതിരോധ മാർഗങ്ങൾ സ്വീകരിച്ചിട്ടുണ്ടെന്നും ആരോഗ്യ വിഭാഗം അറിയിച്ചു.

ജില്ല മെഡിക്കൽ ഒാഫിസർ ഡോ.കെ.ജെ. റീനയുടെ നേതൃത്വത്തിൽ പ്രത്യേക സംഘം സ്വകാര്യ ആശുപത്രിയിൽ ​േരാഗിയെ സന്ദർശിച്ചു. രക്​തം ശേഖരിച്ച്​ മണിപ്പാലിലേക്കും പുണെ വൈറോളജി ലാബിലേക്കും അയച്ചു​. ശരീരദ്രവങ്ങളിലൂടെ രോഗം പകരുമെന്നതിനാൽ പ്ര​േത്യക മുറിയിലാണ്​ പ്രവേശിപ്പിച്ചിരിക്കുന്നത്​. രോഗിയുടെ കൂടെ ഒരാളെ മാത്രമാണ്​ അനുവദിച്ചത്​. പരിചരിക്കുന്ന ഡോക്​ടർമാരും നഴ്​സുമാരും ഇതരജീവനക്കാരും സുരക്ഷിത മാർഗങ്ങൾ സ്വീകരിക്കുന്നുണ്ട്​. ആശുപത്രിയിലും പ്രതിരോധനടപടികൾ സ്വീകരിക്കാൻ ആവശ്യപ്പെട്ടിട്ടുണ്ട്​. പുതുതായി എത്തുന്ന പനിബാധിതരെ കൃത്യമായി പരിശോധിക്കാനും നിർദേശിച്ചിട്ടുണ്ട്​. കോംഗോ പനിക്ക്​ എതിരെ ‘റിബാവെറിൻ’ എന്ന ആൻറി വൈറൽ മരുന്ന്​ ലഭ്യമാക്കിയിട്ടുണ്ട്​. കൃത്യമായ ചികിത്സയാണ്​ നൽകുന്നത്​.

അതിനിടെ കോംഗോ പനി സംബന്ധിച്ച്​ ആശങ്ക വേണ്ടെന്ന്​ തൃശൂർ കലക്​ടർ ടി.വി. അനുപമ വ്യക്​തമാക്കി. ദുബൈയിൽ കശാപ്പ്​ തൊഴിലിൽ ഏർപ്പെട്ടയാൾക്കാണ്​ രോഗം ബാധിച്ചിരിക്കുന്നത്​. മൃഗങ്ങളിലെ ചെള്ളില്‍നിന്നാണ് ഈ പനി പകരുന്നതെന്നും പടരാനുള്ള സാഹചര്യം കുറവാണെന്നും കലക്​ടർ പറഞ്ഞു.

congo-fever

കോംഗോ പനി: പ്രചാരണം തെറ്റെന്ന് ആരോഗ്യവകുപ്പ്
പൊന്നാനി: സംസ്ഥാനത്ത്​ കോംഗോ പനി റിപ്പോർട്ട് ചെയ്തെന്ന പ്രചാരണം തെറ്റെന്ന് ആരോഗ്യവകുപ്പ്. പൊന്നാനി സ്വദേശി തൃശൂരിലെ സ്വകാര്യ ആശുപത്രിയില്‍ കോംഗോ പനി ബാധിച്ച്​ ചികിത്സയിലെന്നായിരുന്നു പ്രചാരണം. ദുബൈയില്‍ നിന്നെത്തിയയാളെ മൂത്രാശയ അണുബാധക്കാണ്​ ചികിത്സിക്കുന്നത്. ഇദ്ദേഹത്തിന്​ നിലവിൽ കോംഗോ പനിയില്ല. ദുബൈയിലായിരിക്കെ ഈ രോഗമുണ്ടായെങ്കിലും സുഖപ്പെട്ടെന്നാണ് ആശുപത്രിയില്‍ നിന്ന്​ നല്‍കിയ വിശദീകരണം. സാംപിള്‍ നെഗറ്റീവ് എന്ന പരിശോധനഫലവുമായാണ് ഇദ്ദേഹം നാട്ടിലെത്തിയത്. കഴിഞ്ഞ ദിവസം മൂത്രാശയ അണുബാധക്ക്​ ചികിത്സ തേടിയെത്തിയപ്പോള്‍ രേഖകളില്‍ ‘കോംഗോ പനി ബാധിച്ചയാൾ’ എന്ന്​ കണ്ടതോടെ ആശുപത്രി അധികൃതര്‍ ജില്ല മെഡിക്കല്‍ ഓഫിസില്‍ അറിയിക്കുകയായിരുന്നു. പൊന്നാനി സ്വദേശി നാല് ദിവസം മുമ്പാണ് അസുഖബാധിതനായി നാട്ടിലെത്തിയത്.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:feverkerala newscongo fevermalayalam news
News Summary - Congo Fever reported in Kerala-Kerala news
Next Story