Begin typing your search above and press return to search.
exit_to_app
exit_to_app
ep jayarajan and a vijayaragavan
cancel
Homechevron_rightNewschevron_rightKeralachevron_right'നടത്തുന്നത്​...

'നടത്തുന്നത്​ ജീവകാരുണ്യ പ്രവർത്തനം'; വഴിവിട്ട നിയമനങ്ങളെ ന്യായീകരിച്ച്​ സി.പി.എമ്മും സർക്കാറും

text_fields
bookmark_border

തിരുവനന്തപുരം: കൂട്ട സ്ഥിരപ്പെടുത്തലിനെയും വഴിവിട്ട നിയമനങ്ങളെയും ന്യായീകരിച്ച്​ സി.പി.എമ്മും സർക്കാറും. ഏതെങ്കിലും പാർട്ടിക്കല്ല നിയമനമെന്നും പത്തും പതിനഞ്ചും വർഷം ജോലി ചെയ്​തവരെയാണ്​ സ്ഥിരപ്പെടുത്തുന്നതെന്നും​ സി.പി.എം സംസ്ഥാന സെക്രട്ടറിയുടെ ചുമതല വഹിക്കുന്ന എ. വിജയരാഘവൻ പറഞ്ഞു.

കരാർ, ദിവസവേതനക്കാരെ സ്ഥിരപ്പെടുത്തുന്നത് പി.എസ്.സി നിയമനം നടത്തേണ്ട തസ്തികകളിലല്ലെന്ന് ന്യായീകരിച്ച മന്ത്രി ഇ.പി. ജയരാജൻ സർക്കാർ നടപടി ജീവകാരുണ്യ പ്രവർത്തനമാണെന്നും ന്യായീകരിച്ചു. കൂട്ടസ്ഥിരപ്പെടുത്തൽ വിവാദമായ സാഹചര്യത്തിലാണ്​ ​ഇവരുടെ പ്രതികരണങ്ങൾ.

ഡി.വൈ.എഫ്​.​െഎ നേതാക്കളുടെ ഭാര്യമാർക്ക്​ ജോലി നൽകിയതിനെക്കുറിച്ചുള്ള ചോദ്യത്തിന്​ 'അതൊക്കെ മാധ്യമങ്ങൾ വെറുതെ കൊടുത്തുകൊണ്ടിരിക്കു'മെന്നായിരുന്നു വിജയരാഘവ​െൻറ പ്രതികരണം. 'ഇൗ സർക്കാറി​െൻറ കാലത്ത്​ നിയമിച്ചവരെയല്ല സ്ഥിരപ്പെടുത്തുന്നത്​. പത്തും 15ഉം 20ഉം കൊല്ലം ചെറിയ കൂലിക്ക്​ ജോലി ചെയ്​തവരാണിവർ. ഇവരെ പുറത്താക്കണമെന്ന്​ പറയുന്നതിൽ മനുഷ്യത്വമുണ്ടോ? അർഹതയില്ലാത്തവർക്ക്​ ജോലി കിട്ടിയാൽ മാത്രമേ പ്രശ്​നമുള്ളൂ.'-അദ്ദേഹം പറഞ്ഞു. പി.എസ്​.സി പിണറായി സർവിസ്​ കോർപറേഷൻ ആയെന്ന കെ. സുരേന്ദ്ര​െൻറ പരിഹാസത്തോട്​ അ​ദ്ദേഹത്തിന്​ കാര്യം മനസ്സിലായിട്ടി​െല്ലന്നായിരുന്നു പ്രതികരണം.

എം.വി. രാജേഷിന്‍റെ ഭാര്യക്ക് യോഗ്യതയുണ്ടെങ്കിൽ അവരെ പരിഗണിക്കുന്നതിൽ തെറ്റി​െല്ലന്ന്​ മന്ത്രി ഇ.പി. ജയരാജൻ പറഞ്ഞു. സി.പി.എമ്മിന്‍റെ നേതാക്കൾ പാകിസ്​താനിൽനിന്ന് വന്നവരല്ല. അവരെയെല്ലാം ഒഴിവാക്കിയാണോ കേരളത്തിലെ പൗരത്വമെന്നും ജയരാജൻ ചോദിച്ചു.

പി.എസ്.സി, എംപ്ലോയ്​മെൻറ് വിഭാഗങ്ങൾക്കൊന്നും സ്ഥിരപ്പെടുത്തുന്ന തസ്തികകൾ ബാധകല്ല. പിൻവാതിലിൽകൂടി കയറിയിറങ്ങിയവർക്ക് മാത്രമേ പിൻവാതിലിനെക്കുറിച്ച് അറിയാൻ കഴിയൂ. നേരെയുള്ള വാതിലുകൾ ഇത്തരക്കാർ കാണാറില്ല.

കേരളത്തിൽ പത്തും പതിനഞ്ചും ഇരുപതും വർഷം ജോലി ചെയ്യുന്നവരുണ്ട്. ഈ ജോലി കണ്ട് ചില പെൺകുട്ടികളുടെ വിവാഹം കഴിഞ്ഞു. അവർക്ക് കുട്ടികളായി. കുട്ടികൾ സ്കൂളിൽ പഠിക്കുന്നു. അത്തരക്കാരെ പിരിച്ചുവിടാൻ കഴിയുമോ?. അവരെയാണ് ഈ സർക്കാർ സ്ഥിരപ്പെടുത്തിയതെന്നും മന്ത്രി പറഞ്ഞു.

Show Full Article
TAGS:ep jayarajan illegal appointment 
News Summary - ‘Conducting charitable work’; The CPM and the government justify the misappropriation
Next Story