മൂന്ന് ജില്ലകളിലെ ഉ​ദ്യോ​ഗ​സ്​​ഥ​ർ നി​ശ്ചി​ത​കാ​ല​യ​ള​വി​ൽ അ​ത​ത്​ ഇ​ട​ത്ത്​ തു​ട​ര​ണ​മെ​ന്ന സർക്കുലർ: നല്ല നിർദേശം; പക്ഷേ, നടപ്പാകാൻ കുറച്ചുപണിയുണ്ട്

കാ​സ​ർ​കോ​ട്​: ജി​ല്ല​യി​ൽ നി​യ​മി​ക്ക​പ്പെ​ടു​ന്ന സ​ർ​ക്കാ​ർ ജീ​വ​ന​ക്കാ​ർ നി​ശ്ചി​ത​സ​മ​യം ഇ​വി​ടെ ജോ​ലി ചെ​യ്​​തി​രി​ക്ക​ണ​മെ​ന്ന ഉ​ദ്യോ​ഗ​സ്ഥ ഭ​ര​ണ​പ​രി​ഷ്കാ​ര വ​കു​പ്പി​​ന്റെ സ​ർ​ക്കു​ല​റി​ൽ പൊ​തു​വെ ആ​ശ്വാ​സം.

എ​ന്നാ​ൽ, ഒ​രു സ​ർ​ക്കു​ല​ർ കൊ​ണ്ട്​ എ​ളു​പ്പം ന​ട​പ്പാ​ക്കാ​ൻ ക​ഴി​യു​ന്ന​ത​ല്ല ഇ​തെ​ന്നാ​ണ്​ വി​ല​യി​രു​ത്ത​ൽ. സാ​മ്പ​ത്തി​ക ന​ഷ്​​ടം കൂ​ടി സ​ഹി​ച്ച്​ ഇ​വി​ടെ​ ജോ​ലി ചെ​യ്യാ​ൻ ജീ​വ​ന​ക്കാ​ർ സ​ന്ന​ദ്ധ​രാ​വി​ല്ലെ​ന്ന​താ​ണ് പ്ര​ധാ​ന കാ​ര്യം. കാ​സ​ർ​കോ​ട്, ഇ​ടു​ക്കി, വ​യ​നാ​ട്​ ജി​ല്ല​ക​ളി​ൽ നി​യ​മി​ക്ക​പ്പെ​ടു​ന്ന ഉ​ദ്യോ​ഗ​സ്​​ഥ​ർ നി​ശ്ചി​ത​കാ​ല​യ​ള​വി​ൽ അ​ത​ത്​ ഇ​ട​ത്ത്​ തു​ട​ര​ണ​മെ​ന്നാ​ണ്​ ക​ഴി​ഞ്ഞ ദി​വ​സ​മി​റ​ക്കി​യ സ​ർ​ക്കു​ല​ർ.

നി​യ​മ​നം കി​ട്ടു​ന്ന​വ​രും സ്​​ഥ​ലം​മാ​റി വ​രു​ന്ന​വ​രും എ​ത്ര​യും പെ​​ട്ടെ​ന്ന്​ ഈ ​ജി​ല്ല​ക​ൾ വി​ടു​ക​യാ​ണ്​ നി​ല​വി​ലെ സ്​​ഥി​തി. ഇ​ക്കാ​ര​ണ​ത്താ​ൽ ജി​ല്ല​യു​ടെ പ​ദ്ധ​തി​നി​ർ​വ​ഹ​ണ​ത്തെ ത​ന്നെ ബാ​ധി​ക്കു​ന്നു.

സം​സ്​​ഥാ​നത്തിന്റെ ഒ​ര​റ്റ​ത്ത്​ എ​ന്ന​നി​ല​ക്ക്​ കാ​സ​ർ​കോ​ട്​ എ​ത്തു​ന്ന​വ​ർ അ​തി​വേ​ഗം തി​രി​ച്ചു​പോ​കു​ന്ന​ത്​ പ​ദ്ധ​തി​ നി​ർ​വ​ഹ​ണ​ത്തെ ബാ​ധി​ക്കു​ന്നു​വെ​ന്നും ഇ​ട​പെ​ട​ണ​മെ​ന്നും ആ​വ​ശ്യ​പ്പെ​ട്ട്​ ജി​ല്ല പ​ഞ്ചാ​യ​ത്ത്​ സ​ർ​ക്കാ​റി​നെ സ​മീ​പി​ച്ചി​രു​ന്നു. ഇ​തും കൂ​ടി ക​ണ​ക്കി​ലെ​ടു​ത്താ​ണ്​ ഇ​ത്ത​ര​മൊ​രു സ​ർ​ക്കു​ല​ർ വ​ന്ന​ത്.

ജി​ല്ല​യി​ൽ മി​ക്ക വ​കു​പ്പു​ക​ളി​ലും ഇ​ത​ര ജി​ല്ല​ക്കാ​രാ​ണ്​ കൂ​ടു​ത​ലും. 35ഒാ​ളം ജി​ല്ല​ത​ല ഉ​ദ്യോ​ഗ​സ്​​ഥ​രി​ൽ ഭൂ​രി​പ​ക്ഷം പേ​രും ഇ​ത​ര ജി​ല്ല​ക്കാ​രാ​ണ്.

വ​കു​പ്പു​ക​ളി​ലെ ക്ല​ർ​ക്കു​മാ​രി​ലും ഭൂ​രി​പ​ക്ഷ​വും ഇ​ത​ര ജി​ല്ല​ക്കാ​ർ. ചി​ല വ​കു​പ്പ്​ മേ​ധാ​വി​ക​ളു​ടെ സീ​റ്റ്​ ഒ​ഴി​ഞ്ഞു​കി​ട​ക്കാ​ൻ തു​ട​ങ്ങി​യി​ട്ട്​ മൂ​ന്നു​വ​ർ​ഷം വ​രെ​യാ​യി​ട്ടു​ണ്ട്. സം​സ്​​ഥാ​ന​ത്ത്​ ഏ​റ്റ​വും കൂ​ടു​ത​ൽ അ​ധ്യാ​പ​ക ഒ​ഴി​വ്​ കാ​സ​ർ​കോ​ട്​ വ​രാ​ൻ കാ​ര​ണ​വും മ​റ്റു ജി​ല്ല​ക​ളി​ലു​ള്ള​വ​ർ ഉ​ട​ൻ സ്​​ഥ​ലം​മാ​റി​പ്പോ​കു​ന്ന​തി​നാ​ലാ​ണ്. ആ​രോ​ഗ്യ​വ​കു​പ്പി​ൽ ഡോ​ക്​​ട​ർ​മാ​ർ ഉ​ൾ​പ്പെ​ടെ​യു​ള്ള​വ​രു​ടെ ക്ഷാ​മ​ത്തി​നും കാ​ര​ണം ഇ​ത​ര ജി​ല്ല​യി​ൽ​നി​ന്നു​ള്ള​വ​രു​ടെ ആ​ധി​ക്യം ത​ന്നെ.

നി​ശ്ചി​ത കാ​ല​യ​ള​വി​ൽ ഈ ​ജി​ല്ല​യി​ൽ ​​ജോ​ലി ചെ​യ്യ​ണ​മെ​ന്ന നി​ർ​ദേ​ശം വ​ന്നാ​ൽ ഇ​തി​നൊ​ക്കെ വ​ലി​യ ആ​ശ്വാ​സ​മാ​ണ്​ ല​ഭി​ക്കു​ക.

സാ​മ്പ​ത്തി​ക ന​ഷ്​​ട​മാ​ണ്​ പ്ര​ധാ​നം

ജി​ല്ല ഭ​ര​ണ​കേ​ന്ദ്ര​മാ​യ സി​വി​ൽ സ്​​റ്റേ​ഷ​ൻ സ്​​ഥി​തി ചെ​യ്യു​ന്ന​ത്​ ചെ​ങ്ക​ള ഗ്രാ​മ​പ​ഞ്ചാ​യ​ത്തി​ലാ​ണ്. 500 മീ​റ്റ​ർ അ​ടു​ത്തു​ള്ള കാ​സ​ർ​കോ​ട്​ ന​ഗ​ര​സ​ഭ​ക്ക്​ അ​ടു​ത്താ​ണ്​ സി​വി​ൽ സ്​​റ്റേ​ഷ​ൻ. ഇ​ക്കാ​ര​ണ​ത്താ​ൽ വീ​ട്ടു​വാ​ട​ക അ​ല​വ​ൻ​സി​ൽ ആ​യി​ര​ങ്ങ​ളു​ടെ ന​ഷ്​​ട​മാ​ണ്​ ഓ​രോ ഉ​ദ്യോ​ഗ​സ്​​ഥ​നും ഓ​രോ മാ​സ​വും നേ​രി​ടു​ന്ന​ത്.

തി​രു​വ​ന​ന്ത​പു​രം, കോ​ഴി​​​ക്കോ​ട്​ തു​ട​ങ്ങി കോ​ർ​പ​റേ​ഷ​ൻ പ​രി​ധി​ക​ളി​ൽ​നി​ന്ന്​ ജോ​ലി ചെ​യ്യു​ന്ന​വ​ർ ഇ​വി​ടേ​ക്ക്​ മാ​റി​യാ​ൽ സി​റ്റി അ​ല​വ​ൻ​സ്, വീ​ട്ടു​വാ​ട​ക തു​ട​ങ്ങി​യി​ന​ത്തി​ൽ ഒ​രു​വ​ർ​ഷം ല​ക്ഷ​ത്തോ​ളം രൂ​പ​യു​ടെ ന​ഷ്​​ട​മു​ണ്ടാ​കും.

ഇ​ത്​ പ​രി​ഹ​രി​ക്കാ​ൻ ധ​ന​കാ​ര്യ വ​കു​പ്പ്​ നേ​ര​ത്തേ ഉ​ത്ത​ര​വി​റ​ക്കി​യി​രു​ന്നെ​ങ്കി​ലും ന​ട​പ്പാ​യി​ല്ല. സം​സ്​​ഥാ​ന​ത്തെ​ ഒ​ര​റ്റം, യാ​ത്ര സൗ​ക​ര്യ​ക്കു​റ​വ്​ ഉ​ൾ​പ്പെ​ടെ​യു​ള്ള പ്ര​യാ​സ​ത്തേ​ക്കാ​ൾ സ​ർ​ക്കാ​ർ ജീ​വ​ന​ക്കാ​രി​ൽ കൂ​ടു​ത​ലും സാ​മ്പ​ത്തി​ക ന​ഷ്​​ടം ത​ന്നെ​യാ​ണ്​ പ്ര​ധാ​ന​മാ​യി കാ​ണു​ന്ന​ത്.