എന്തിനോ വേണ്ടി ഒരു കംപ്ലയിന്‍റ്​ അതോറിറ്റി: എട്ടുവർഷം മുമ്പ് നൽകിയ പരാതികളിൽ പോലും തീർപ്പില്ല

തൃ​ശൂ​ർ: സം​സ്ഥാ​ന​ത്തെ പൊ​ലീ​സു​ദ്യോ​ഗ​സ്ഥ​രി​ൽ ക്ര​മി​ന​ലു​ക​ളു​ടെ എ​ണ്ണം കൂ​ടു​ന്നു​വെ​ന്ന ക​ണ​ക്കു​ക​ൾ പു​റ​ത്തു​വ​രു​മ്പോ​ൾ പൊ​ലീ​സു​ദ്യോ​ഗ​സ്ഥ​ര്‍ക്കെ​തി​രാ​യ പ​രാ​തി​ക​ളി​ല്‍ ന​ട​പ​ടി​യെ​ടു​ക്കേ​ണ്ട കം​പ്ല​യി​ന്‍റ്​ അ​തോ​റി​റ്റി എ​ട്ടു വ​ര്‍ഷ​മാ​യി​ട്ടു​ പോ​ലും പ​രാ​തി​ക​ളി​ൽ തീ​ര്‍പ്പു​ക​ൽ​പി​ച്ചി​ട്ടി​ല്ലെ​ന്ന് വി​വ​രാ​വ​കാ​ശ രേ​ഖ. 2014ല്‍ ​തൃ​ശൂ​ര്‍ ജി​ല്ല​യി​ല്‍ ര​ജി​സ്റ്റ​ര്‍ ചെ​യ്ത പ​രാ​തി​യി​ല്‍പോ​ലും തീ​ര്‍പ്പു​ണ്ടാ​യി​ട്ടി​ല്ല. അ​തോ​റി​റ്റി​യു​ടെ പ്ര​വ​ര്‍ത്ത​ന​ച്ചെ​ല​വി​നെ​ക്കു​റി​ച്ചു​ള്ള ചോ​ദ്യ​ങ്ങ​ള്‍ക്ക് അ​വ്യ​ക്ത​മാ​യ മ​റു​പ​ടി​യു​മാ​ണ് ന​ൽ​കി​യി​രി​ക്കു​ന്ന​ത്.

1996ലാ​ണ് സു​പ്രീം​കോ​ട​തി വി​ധി​യെ തു​ട​ര്‍ന്ന് പൊ​ലീ​സ് കം​പ്ല​യി​ന്‍റ്​ അ​തോ​റി​റ്റി പ്ര​വ​ര്‍ത്ത​നം തു​ട​ങ്ങു​ന്ന​ത്. ഇ​തി​ല്‍ ജി​ല്ല പൊ​ലീ​സ് കം​പ്ല​യി​ന്‍റ്​ അ​തോ​റി​റ്റി​യു​ടെ ഉ​ത്ത​ര​വാ​ദി​ത്തം ഡി​വൈ.​എ​സ്.​പി റാ​ങ്ക് വ​ര​യു​ള്ള പൊ​ലീ​സു​ദ്യോ​ഗ​സ്ഥ​ര്‍ക്കെ​തി​രെ ഉ​യ​രു​ന്ന പ​രാ​തി​ക​ള്‍ പ​രി​ശോ​ധി​ക്കു​ക എ​ന്ന​താ​ണ്.

2014 -2015 കാ​ല​ഘ​ട്ട​ങ്ങ​ളി​ല്‍ ര​ജി​സ്റ്റ​ര്‍ ചെ​യ്ത കേ​സു​ക​ൾ ഇ​പ്പോ​ഴും നീ​ങ്ങു​ന്നു​ണ്ട്. വി​ര​മി​ച്ച ജി​ല്ല ജ​ഡ്ജി ചെ​യ​ര്‍മാ​നാ​യി, ക​ല​ക്ട​ര്‍, ജി​ല്ല, സി​റ്റി, റൂ​റ​ല്‍ പൊ​ലീ​സ് മേ​ധാ​വി​മാ​ര്‍ എ​ന്നി​വ​രു​ള്‍പ്പെ​ട്ട സ​മി​തി​യാ​ണ് ജി​ല്ല​ത​ല അ​തോ​റി​റ്റി​ക​ൾ. സ​മി​തി​യു​ടെ പ്ര​വ​ർ​ത്ത​നം എ​ങ്ങ​നെ​യെ​ന്ന​തു സം​ബ​ന്ധി​ച്ച് ആ​ഭ്യ​ന്ത​ര​വ​കു​പ്പി​നും വ്യ​ക്ത​ത​യി​ല്ല. ചെ​യ​ര്‍മാ​ന്‍റെ വേ​ത​നം, ഗ​ണ്‍മാ​ന്‍, ഡ്രൈ​വ​ര്‍, മ​റ്റു സ്റ്റാ​ഫു​ക​ള്‍ എ​ന്നി​വ​രു​ടെ വേ​ത​നം, വാ​ഹ​ന​ച്ചെ​ല​വ് എ​ന്നീ ഇ​ന​ങ്ങ​ളി​ൽ പ്ര​തി​മാ​സം ല​ക്ഷ​ങ്ങ​ൾ ചെ​ല​വ് വ​രു​ന്ന​താ​ണെ​ന്നി​രി​ക്കെ ഏ​ത്​ വ​കു​പ്പാ​ണ്​ ഈ ​തു​ക വി​നി​യോ​ഗി​ക്കു​ന്ന​ത്​ എ​ന്ന​തി​നെ​ക്കു​റി​ച്ച ചോ​ദ്യ​ത്തി​ന്​ അ​തോ​റി​റ്റി​യെ​ന്ന ഒ​ഴു​ക്ക​ൻ മ​റു​പ​ടി​യാ​ണ് ന​ൽ​കി​യി​രി​ക്കു​ന്ന​ത്. അ​തോ​റി​റ്റി നി​യ​മ​വ​കു​പ്പി​ന് കീ​ഴി​ലോ, ആ​ഭ്യ​ന്ത​ര​വ​കു​പ്പി​ന് കീ​ഴി​ലോ എ​ന്ന​തി​ലും വ്യ​ക്ത​ത​യി​ല്ല.