സംസ്ഥാനത്ത്​ ഇന്ന്​ സമ്പൂർണ ലോക്​ഡൗൺ; ബുധനാഴ്ച മുതൽ കൂടുതൽ ഇളവുകൾ

തിരുവനന്തപുരം: കോവിഡ്​ നിയ​​​ന്ത്രണങ്ങളുടെ ഭാഗമായി സംസ്ഥാനത്ത്​ ഇന്ന്​ സമ്പൂർണ ലോക്​ഡൗൺ. അവശ്യസർവീസുകൾക്ക്​ മാത്രമാണ്​ ഇന്ന്​ പ്രവർത്തനാനുമതിയുള്ളത്​. കെ.എസ്​.ആർ.ടി.സിയും സർവീസ്​ നടത്തില്ല.

അതെ സമയം ബുധനാഴ്ച മുതൽ കൂടുതൽ ഇളവ്​ നൽകാൻ സർക്കാർ തീരുമാനിച്ചു. കോവിഡ് മാനദണ്ഡങ്ങള്‍ ഉറപ്പാക്കി മാളുകള്‍ തുറക്കാന്‍ അനുമതി നൽകിയതാണ്​ പുതിയ ഇളവ്​.

നിലവില്‍ കടകള്‍ക്ക് ബാധകമായ നിയന്ത്രണങ്ങള്‍ പാലിച്ച് ഷോപ്പിങ്​ മാളുകള്‍ തിങ്കള്‍ മുതല്‍ ശനി വരെ രാവിലെ ഏഴുമുതല്‍ വൈകിട്ട് ഒമ്പതു മണിവരെ വരെ പ്രവര്‍ത്തിക്കാനാണ്​ അനുമതി നൽകിയിരിക്കുന്നത്​.

അതെ സമയം അടുത്ത രണ്ട്​ ഞായറാഴ്ചകളും ലോക്​ഡൗൺ ഉണ്ടാകില്ല. സ്വാത​ന്ത്ര്യദിനവും ഓണവും ​പ്രമാണിച്ചാണ്​ അടുത്ത രണ്ട്​ ഞായറാഴ്ച സമ്പൂർണ ലോക്​ഡൗൺ ഒഴിവാക്കിയത്​.

കര്‍ക്കിടക വാവിന് കഴിഞ്ഞ വര്‍ഷത്തെ പോലെ വീടുകളില്‍ തന്നെ പിതൃതര്‍പ്പണച്ചടങ്ങുകള്‍ നടത്തണമെന്നാണ്​ തീരുമാനം.