രേഖകൾ കൊണ്ടുവരാനെന്ന് പറഞ്ഞ് യുവാവ് മുങ്ങി; വിവാഹ വാഗ്ദാനം നൽകി യുവതിയെ പീഡിപ്പിച്ചെന്ന്​ പരാതി

നെടുമ്പാശ്ശേരി: വിവാഹ വാഗ്ദാനം നൽകി യുവതിയെ ഗർഭിണിയാക്കിയശേഷം യുവാവ് ഗൾഫിലേക്ക് കടന്നതായി പരാതി. കൊല്ലം സ്വദേശിനിയാണ് ആലുവ റൂറൽ എസ്.പിക്ക് പരാതി നൽകിയത്.

ടി.ടി.സി പഠനത്തിനുശേഷം കൊച്ചിയിലെ ഒരു മാട്രിമോണിയൽ സ്ഥാപനത്തിൽ ജോലി ചെയ്യുന്നതിനിടെയാണ് ആലുവയിലെ ജ്യൂസ് കടയിൽ ജോലി ചെയ്യുകയായിരുന്ന കാസർകോട്​ സ്വദേശിയായ മുഹമ്മദ് ആഷിഖുമായി പ്രണയത്തിലാകുന്നത്. തുടർന്ന് ഇരുവരും ആലുവയിൽ വാടക വീടെടുത്ത് ഒരുമിച്ച് താമസിച്ചു.

വിവാഹം രജിസ്​റ്റർ ചെയ്യാൻ വീട്ടിൽനിന്ന്​ തിരിച്ചറിയൽ രേഖയും മറ്റും കൊണ്ടുവരാമെന്നുപറഞ്ഞ് കഴിഞ്ഞ 30നാണ് യുവാവ് മുങ്ങിയത്. തുടർന്ന്, ഖത്തറിൽനിന്ന്​ ഫോണിൽ വിളിച്ച് വിവാഹം കഴിക്കാനാവില്ലെന്ന് അറിയിക്കുകയായിരുന്നു.