ക്ഷേമ ​െപൻഷൻ വിതരണം ചെയ്യുന്നത്​ സി.പി.എം നേതാക്കളെന്ന്

കൊടുമൺ: അങ്ങാടിക്കൽ സർവിസ് സഹകരണ ബാങ്ക് മുഖേനയുള്ള ക്ഷേമ പെൻഷനുകൾ വിതരണം ചെയ്യുന്നത് സി.പി.എമ്മി​​െൻറ പ്രാദേശിക നേതാക്കളെന്ന് പരാതി.

ബാങ്ക് ജീവനക്കാർ പെൻഷൻ വിതരണം ചെയ്യാനാണ് ചുമതലപ്പെടുത്തിയിട്ടുള്ളത്. എന്നാൽ, സി.പി.എമ്മി​​െൻറ പ്രാദേശിക നേതാക്കൾ പെൻഷൻ വിതരണം ഏറ്റെടുത്തതായി കോൺഗ്രസ് അങ്ങാടിക്കൽ മണ്ഡലം കമ്മിറ്റി ആരോപിച്ചു.

ഇതുമൂലം ഗുണഭോക്താക്കൾക്ക് യഥാർഥ പെൻഷൻ ലഭിക്കുന്നി​െല്ലന്ന പരാതികളും വ്യാപകമാണ്. പ്രസിഡൻറ്​ സി.ജി. ജോയി അധ്യക്ഷതവഹിച്ചു.

കോൺഗ്രസ് ബ്ലോക്ക് പ്രസിഡൻറ്​ അഡ്വ. ബിജു ഫിലിപ്, അങ്ങാടിക്കൽ വിജയകുമാർ, കെ. സുന്ദരേശൻ, ജോൺസൺ മാത്യു, പ്രകാശ് ടി.ജോൺ തുടങ്ങിയവർ സംസാരിച്ചു.