ബീച്ചിൽ നടക്കാനിറങ്ങിയ വിദേശ വനിതകൾക്ക്​ നേരെ ആക്രമണം

വർക്കല: നടക്കാനിറങ്ങിയ വിദേശ വനിതകളെ അക്രമിച്ചതായി പരാതി. വർക്കല പാപനാശത്ത്​ വെച്ചാണ്​ വിദേശ വനിതകൾ ആക്രമിക്കപ്പെട്ടത്​. യു.കെ,ഫ്രാൻസ്​ സ്വദേശികളായ മൂന്ന്​ വനിതകളാണ്​ ആക്രമിക്കപ്പെട്ടത്​.​ കഴിഞ്ഞ തിങ്കളാഴ്ച തിരുവമ്പാടി ബീച്ചിൽ വെച്ചാണ്​ അതിക്രമം ഉണ്ടായത്​.

വനിതകളുടെ ദേഹത്ത്​ സ്​പർശിക്കുകയും ഭീഷണിപ്പെടുത്തുകയും ചെയ്​തതായാണ്​ പരാതി. നഗ്​ന പ്രദർശനം നടത്തുകയും അധിക്ഷേപിക്കുകയും ചെയ്​തതായാണ്​ വനിതകൾ വർക്കല പൊലീസിൽ പരാതി നൽകിയിൽ പറയുന്നത്​.