വടക്കാഞ്ചേരി പീഡനം: അന്വേഷണ സംഘത്തിനെതിരെ ഡി.ജി.പിക്ക്​ എം.എൽ.എയുടെ പരാതി

തിരുവനന്തപുരം: വടക്കാഞ്ചേരി പീഡനക്കേസിൽ പരാതിക്കാരിയുടെ മൊഴിചോർത്തിയതായി ഡി.ജി.പിക്ക്​ അനിൽ അക്കര എം.എൽ.എയുടെ പരാതി. പരാതിക്കാരിയു​ടെ മൊഴിയുടെ പകർപ്പ്​ പൊലീസ്​ അസോസിയേഷൻ സംസ്​ഥാന സെക്രട്ടറിക്ക്​ നിമിഷങ്ങൾക്കകം ലഭിച്ചു.

സംസ്​ഥാന സെക്രട്ടറി സി.ആർ. ബിജു തയാറാക്കിയ ലിസ്​റ്റിലുള്ളവരെയാണ്​ അന്വേഷണത്തിന്​ നിയോഗിച്ചത്​. കേസ്​ അട്ടിമറിക്കാൻ നേതൃത്വം നൽകിയ പേരാമംഗലം സി.​െഎയുടെ പരിധിയിലുള്ള ഉദ്യോഗസ്​ഥയെ അന്വേഷണ സംഘത്തിൽ ഉൾപ്പെടുത്തിയത്​ വിവരം ചോർന്നു കിട്ടാനാണെന്നും പരാതിയിൽ പറയുന്നു.

പൊലീസ്​ അസോ. സംസ്​ഥാന സെക്രട്ടറിയു​െടയും സി.​െഎ എലിസബത്തി​​​െൻറയും കെ. രാധാകൃഷ്​ണ​​െൻറയും കാൾ ലിസ്​റ്റ്​ പരിശോധിക്കണമെന്നും അനിൽ ആവശ്യ​പ്പെട്ടു.
 
ഇരയായ യുവതി നൽകിയ മൊഴി എതിരാണെന്ന്​ മനസ്സിലാക്കി പരാതിക്കാരിയുടെയും ഭർത്താവി​​െൻറയും മാതാപിതാക്കളെ തൃശൂർ പ്രസ്​ക്ലബ്ബിലെത്തിച്ച്​ പത്രസമ്മേളനം നടത്താനും ഗൂഢാലോചന നടന്നിരുന്നു. എന്നാൽ താൻ ഡി.ജി.പിക്ക്​ പരാതി കൊടുക്കുന്നതറിഞ്ഞ്​ പത്രസമ്മേളനം റദ്ദാക്കുകയായിരുന്നെന്നും എം.എൽ.എ പറയുന്നു.

പ്രതികളുടെ സ്വാധീനത്തിൽ പെട്ടവ​രെ മറ്റി പകരം മികച്ച സേനാംഗങ്ങളെ അന്വേഷണത്തിന്​ നിയോഗിക്കണമെന്നും അനിൽ അക്കര എം.എൽ.എ പരാതിയിൽ ആവശ്യപ്പെടുന്നു.