Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightകേരളത്തിലെ...

കേരളത്തിലെ പെൺകുട്ടികളെ സിറിയയിലേക്ക് അയക്കുന്നു, തീവ്ര വർഗീയ പ്രചാരണവുമായി ബി.ജെ.പി സ്ഥാനാർഥി

text_fields
bookmark_border
Sandeep Vachaspati
cancel

ആലപ്പുഴ: നിയമസഭ തെരഞ്ഞെടുപ്പിൽ വോട്ടുപിടിക്കാൻ വർഗീയ​ത പടർത്തുന്നുവെന്ന്​ ആരോപിച്ച്​​ ആലപ്പുഴ മണ്ഡലം ബി.ജെ.പി സ്ഥാനാർഥി സന്ദീപ്​ വാചസ്​പതിക്കെതിരെ തെരഞ്ഞെടുപ്പ്​ കമീഷന്​ പരാതി. എം.എം. താഹിറാണ് സംസ്ഥാന-ജില്ല തെരഞ്ഞെടുപ്പ്​ ഓഫിസർമാർക്കും ജില്ല പൊലീസ്​ മേധാവിക്കും പരാതി നൽകിയത്​.

കഴിഞ്ഞദിവസം വോട്ട്​ അഭ്യർഥിക്കുന്നതി​െൻറ ഭാഗമായി ആലപ്പുഴ മണ്ഡലത്തിൽ സ്​ത്രീ വോട്ടർമാരോട്​ സന്ദീപ്​ വാചസ്​പതി സംസാരിക്കുന്നതിനിടെയാണ്​ വിദ്വേഷപരാമർശം നടത്തിയത്​. കേരളത്തിലെ പെൺകുട്ടികളെ സിറിയയിലേക്ക് അയക്കുന്നുവെന്നും അറുപതോളം പേരുടെ ഭാര്യയാക്കി തീവ്രവാദികളെ പ്രസവിപ്പിക്കുകയാണെന്നുമുള്ള പരാമർശം അന്യമതവിദ്വേഷവും വർഗീയ ധ്രുവീകരണം ഉണ്ടാക്കുന്നതുമാണ്. ഇതി​െൻറ വിഡിയോ ദൃശ്യം സമൂഹമാധ്യമങ്ങളിൽ പ്രചരിപ്പിക്കുന്നുണ്ട്​.

വർഗീയതയും മതസ്പർധയും വളർത്തുന്ന പ്രകോപനപരമായ തെരഞ്ഞെടുപ്പ് പ്രചാരണം നിയമവ്യവസ്ഥയെ വെല്ലുവിളിക്കുന്നതിനാൽ തെരഞ്ഞെടുപ്പിൽനിന്ന്​ അയോഗ്യനാക്കണം. 153 A ചുമത്തി ജാമ്യമില്ലാ വകുപ്പുപ്രകാരം സന്ദീപിനെതിരെ കേസെടുക്കണമെന്ന് ആലപ്പുഴ ജില്ല പൊലീസ്​ മേധാവിക്ക്​ നൽകിയ പരാതിയിൽ പറയുന്നു. നാമനിർദേശപത്രിക സമർപ്പിക്കുന്നതിനുമുമ്പ്​ ബി.ജെ.പി പ്രവർത്തകർക്കൊപ്പ​െമത്തിയ സന്ദീപ്​ 'ഭാരത്​ മാതാ കീ ജയ്​' മുദ്രാവാക്യം മുഴക്കി പുന്നപ്ര-വയലാർ രക്തസാക്ഷി മണ്ഡപത്തിൽ പുഷ്​പാർച്ചന നടത്തിയത്​ ഏറെ വിവാദമായിരുന്നു.

Show Full Article
TAGS:Sandeep Vachaspati bjp assembly election 2021 
News Summary - complaint against Sandeep Vachaspati
Next Story