സി​ദ്ധാ​ർ​ഥ​ന്‍റെ കു​ടും​ബ​ത്തി​ന് നഷ്ടപരിഹാരം 10 ദിവസത്തിനകം കെട്ടിവെക്കണം

കൊ​ച്ചി: ഹോ​സ്റ്റ​ലി​ൽ ജീ​വ​നൊ​ടു​ക്കി​യ നി​ല​യി​ൽ ക​ണ്ടെ​ത്തി​യ വ​യ​നാ​ട് പൂ​ക്കോ​ട് വെ​റ്റ​റി​ന​റി കോ​ള​ജ് വി​ദ്യാ​ർ​ഥി ജെ.​എ​സ്. സി​ദ്ധാ​ർ​ഥ​ന്‍റെ കു​ടും​ബ​ത്തി​ന് ദേ​ശീ​യ മ​നു​ഷ്യാ​വ​കാ​ശ ക​മീ​ഷ​ൻ ഉ​ത്ത​ര​വി​ട്ട ന​ഷ്ട​പ​രി​ഹാ​രം പ​ത്ത്​ ദി​വ​സ​ത്തി​ന​കം സ​ർ​ക്കാ​ർ ഹൈ​കോ​ട​തി​യി​ൽ കെ​ട്ടി​വെ​ക്ക​ണ​മെ​ന്ന്​ ഹൈ​കോ​ട​തി. സി​ദ്ധാ​ർ​ഥ​ന്‍റെ മാ​താ​പി​താ​ക്ക​ൾ​ക്ക് ഏ​ഴ്​ ല​ക്ഷം ന​ഷ്ട​പ​രി​ഹാ​രം ന​ൽ​ക​ണ​മെ​ന്ന മ​നു​ഷ്യാ​വ​കാ​ശ ക​മീ​ഷ​ന്റെ 2024 ഒ​ക്​​ടോ​ബ​ർ ഒ​ന്നി​ലെ ഉ​ത്ത​ര​വ് ചോ​ദ്യം ചെ​യ്ത്​ സ​ർ​ക്കാ​ർ സ​മ​ർ​പ്പി​ച്ച ഹ​ര​ജി​യി​ലാ​ണ്​ ചീ​ഫ്​ ജ​സ്റ്റി​സ്​ നി​ധി​ൻ ജാം​ദാ​ർ, ജ​സ്റ്റി​സ്​ ബ​സ​ന്ത്​ ബാ​ലാ​ജി എ​ന്നി​വ​ര​ട​ങ്ങു​ന്ന ഡി​വി​ഷ​ൻ ബെ​ഞ്ചി​ന്‍റെ ഇ​ട​ക്കാ​ല ഉ​ത്ത​ര​വ്. ക​മീ​ഷ​ൻ ഉ​ത്ത​ര​വി​ട്ട്​ എ​ട്ട്​ മാ​സ​ത്തി​ന്​ ശേ​ഷം ജൂ​ൺ 26നാ​ണ്​ ഹ​ര​ജി ന​ൽ​കു​ന്ന​തെ​ന്ന്​ പ​റ​ഞ്ഞ കോ​ട​തി, ഇ​തി​ന്‍റെ കാ​ര​ണം വ്യ​ക്​​ത​മാ​ക്കാ​ത്ത​തി​ൽ അ​തൃ​പ്തി രേ​ഖ​പ്പെ​ടു​ത്തി. കാ​ര​ണം കൂ​ടി വ്യ​ക്​​ത​മാ​ക്കി ഹ​ര​ജി ഭേ​ദ​ഗ​തി ചെ​യ്ത്​ സ​മ​ർ​പ്പി​ക്കാ​നും ആ​വ​ശ്യ​പ്പെ​ട്ടു.

നി​ർ​ദേ​ശം പാ​ലി​ക്കാ​തി​രു​ന്ന​തി​നെ തു​ട​ർ​ന്ന്​ ചീ​ഫ് സെ​ക്ര​ട്ട​റി​യോ​ട് നേ​രി​ട്ട് ഹാ​ജ​രാ​വാ​ൻ മ​നു​ഷ്യാ​വ​കാ​ശ ക​മീ​ഷ​ൻ ഉ​ത്ത​ര​വി​ട്ട​തി​ന്​ പി​ന്നാ​ലെ​യാ​ണ്​ സ​ർ​ക്കാ​ർ ഹ​ര​ജി ന​ൽ​കി​യ​ത്.

ക​മീ​ഷ​നു മു​ന്നി​ൽ ക​ക്ഷി​യ​ല്ലാ​തി​രു​ന്ന​തി​നാ​ൽ ഉ​ത്ത​ര​വ്​ അ​റി​യാ​ൻ ​വൈ​കി​യെ​ന്നാ​യി​രു​ന്നു സ​ർ​ക്കാ​റി​ന്‍റെ വാ​ക്കാ​ലു​ള്ള വി​ശ​ദീ​ക​ര​ണം.

കാ​ര​ണം കാ​ണി​ക്ക​ൽ സ്വ​ഭാ​വ​ത്തി​ലു​ള്ള​താ​യി​രു​ന്നു ഉ​ത്ത​ര​​വെ​ന്നും വാ​ദി​ച്ചു. എ​ന്നാ​ൽ, ഉ​ത്ത​ര​വ്​ ദോ​ഷ​ക​ര​മാ​ണെ​ങ്കി​ൽ ഉ​ട​നെ ഹ​ര​ജി ന​ൽ​കേ​ണ്ടി​യി​രു​ന്നു​വെ​ന്നും വൈ​കി​യ​തി​ന്‍റെ വി​ശ​ദീ​ക​ര​ണം പോ​ലും വ്യ​ക്​​ത​മാ​ക്കി​യി​ട്ടി​ല്ലെ​ന്നും കോ​ട​തി വി​മ​ർ​ശി​ച്ചു. ബി.​ജെ.​പി നേ​താ​വ് സ​ന്ദീ​പ് വ​ച​സ്പ​തി​യു​ടെ പ​രാ​തി​യി​ലാ​ണ് ന​ഷ്ട​പ​രി​ഹാ​രം ന​ൽ​കാ​ൻ മ​നു​ഷ്യാ​വ​കാ​ശ ക​മീ​ഷ​ൻ ഉ​ത്ത​ര​വി​ട്ട​ത്.