മു​ഖ്യ​മ​ന്ത്രി​യും മ​ന്ത്രി​മാ​രും അ​റി​യാ​ൻ...; സാ​മൂ​ഹി​കാ​രോ​ഗ്യ കേ​ന്ദ്ര​ം കെ​ട്ടി​ടം നോ​ക്കു​കു​ത്തി; ഡ​യാ​ലി​സി​സ് സെ​ന്റ​ർ എ​ങ്ങു​മെ​ത്തി​യി​ല്ല

വേ​ങ്ങ​ര: ദി​നം​പ്ര​തി ആ​യി​ര​ത്തി​ല​ധി​കം രോ​ഗി​ക​ള്‍ ചി​കി​ത്സ​ക്കെ​ത്തു​ന്ന ആ​ശു​പ​ത്രി​യാ​ണ് വേ​ങ്ങ​ര ക​മ്യൂ​ണി​റ്റി ഹെ​ല്‍ത്ത് സെ​ന്റ​ര്‍. മ​ണ്ഡ​ല​ത്തി​ലെ അ​ഞ്ച് പ​ഞ്ചാ​യ​ത്തു​ക​ള്‍ക്ക് പു​റ​മേ എ​ട​രി​ക്കോ​ട്, പെ​രു​മ​ണ്ണ, തെ​ന്ന​ല പ​ഞ്ചാ​യ​ത്തു​ക​ളും ഉ​ള്‍ക്കൊ​ള്ളു​ന്ന​താ​ണ് കേ​ന്ദ്ര​ത്തി​ന്റെ പ​രി​ധി. ഈ ​ആ​ശു​പ​ത്രി​യെ ആ​ശ്ര​യി​ക്കു​ന്ന രോ​ഗി​ക​ളു​ടെ ആ​വ​ശ്യ​ത്തി​ന​നു​സ​രി​ച്ചു​ള്ള സൗ​ക​ര്യ​ങ്ങ​ള്‍ ഇ​വി​ടെ​യി​ല്ല.

പ​ല ജീ​വ​ന​ക്കാ​രെ​യും എ​ന്‍.​ആ​ര്‍.​എ​ച്ച്.​എം പ​ദ്ധ​തി​പ്ര​കാ​ര​വും മ​റ്റും ബ്ലോ​ക്ക് പ​ഞ്ചാ​യ​ത്ത് നി​യ​മി​ച്ചാ​ണ് താ​ൽ​ക്കാ​ലി​ക പ​രി​ഹാ​രം കാ​ണു​ന്ന​ത്. നേ​ര​ത്തെ ഈ ​ആ​ശു​പ​ത്രി​യി​ൽ സ്ത്രീ​രോ​ഗ വി​ഭാ​ഗ​മു​ൾ​പ്പെ​ടെ സ്പെ​ഷാ​ലി​റ്റി​ക​ളി​ൽ ഡോ​ക്ട​ർ​മാ​ർ സേ​വ​ന​മ​നു​ഷ്ഠി​ച്ചി​രു​ന്നു. ഇ​പ്പോ​ൾ അ​ത്ര ഗു​രു​ത​ര​മ​ല്ലാ​ത്ത അ​സു​ഖ​ങ്ങ​ൾ​ക്കു​ള്ള കി​ട​ത്തി​ച്ചി​കി​ത്സ മാ​ത്ര​മേ ന​ട​ക്കു​ന്നു​ള്ളൂ. സാ​മൂ​ഹി​കാ​രോ​ഗ്യ കേ​ന്ദ്ര​ങ്ങ​ളി​ൽ സ്പെ​ഷ​ലി​സ്റ്റ് ഡോ​ക്ട​ർ​മാ​രെ നി​യ​മി​ക്ക​ണ​മെ​ന്ന ആ​വ​ശ്യം ശ​ക്ത​മാ​ണ്.

ആ​ശു​പ​ത്രി​യു​ടെ പ​ഴ​യ കെ​ട്ടി​ടം പൊ​ളി​ച്ച് കോ​ടി​ക​ൾ ചെ​ല​വ​ഴി​ച്ചു ബ​ഹു​നി​ല കെ​ട്ടി​ടം പ​ണി​തെ​ങ്കി​ലും വാ​ഗ്ദാ​ന​ങ്ങ​ൾ ഒ​ന്നും ന​ട​പ്പി​ലാ​യി​ല്ല. ഡ​യാ​ലി​സി​സ് കേ​ന്ദ്രം തു​ട​ങ്ങു​മെ​ന്ന പ്ര​ഖ്യാ​പ​നം പാ​ഴ്‌​വാ​ക്കാ​യി. മാ​ത്ര​മ​ല്ല സ​ർ​ക്കാ​ർ ത​ല​ത്തി​ൽ താ​ലൂ​ക്ക് ആ​ശു​പ​ത്രി​ക​ൾ മു​ത​ൽ മേ​ലോ​ട്ട് മാ​ത്ര​മേ ഡ​യാ​ലി​സി​സ് യൂ​നി​റ്റു​ക​ൾ തു​ട​ങ്ങേ​ണ്ട​തു​ള്ളൂ​വെ​ന്ന സ​ർ​ക്കാ​ർ നി​ല​പാ​ടും സെ​ന്റ​റി​ന് പാ​ര​യാ​യി. വ​കു​പ്പ്ത​ല അ​നു​മ​തി ല​ഭി​ക്കു​ക​യാ​ണെ​ങ്കി​ൽ പൊ​തു​ജ​ന​പ​ങ്കാ​ളി​ത്ത​ത്തോ​ടെ മാ​ത്ര​മേ പു​തി​യ ഡ​യാ​ലി​സി​സ് സെ​ന്റ​ർ തു​ട​ങ്ങാ​നാ​വൂ.