സംസ്ഥാനത്ത് കോളജുകളും സർവകലാശാല കാമ്പസുകളും തുറന്നു

കോഴിക്കോട്: സം​സ്ഥാ​ന​ത്തെ കോ​ള​ജു​ക​ളിലും സ​ർ​വ​ക​ലാ​ശാ​ല കാ​മ്പ​സു​ക​ളിലും തിങ്കളാഴ്ച അധ്യയനം പുനരാരംഭിച്ചു. കർശന കോവിഡ് മാനദണ്ഡങ്ങൾ പ്രകാരമാണ് ക്ലാസുകൾ. ശരീര ഊഷ്മാവ് പരിശോധിച്ച ശേഷമാണ് കാമ്പസിനുള്ളിൽ വിദ്യാർഥികളെ പ്രവേശിപ്പിക്കുന്നത്.

മാ​ർ​ച്ച് 16ന് കോ​വി​ഡ്​ വ്യാ​പ​ന​ത്തെ തു​ട​ർ​ന്ന്​ അ​ട​ച്ച കോ​ള​ജു​ക​ളിലും സ​ർ​വ​ക​ലാ​ശാ​ല​ക​ളിലും ഇന്ന് ഭാഗികമായാണ് അധ്യയനം പുനരാരംഭിച്ചിരിക്കുന്നത്. ശ​നി​യാ​ഴ്​​ച പ്ര​വൃ​ത്തി ദി​വ​സ​മാ​ക്കി​യും പ്ര​വ​ർ​ത്ത​ന​സ​മ​യം രാ​വി​ലെ എ​ട്ട​ര മു​ത​ൽ വൈ​കീ​ട്ട്​ അ​ഞ്ചു​വ​രെ​യാ​ക്കി​യു​മാ​ണ്​ കോ​ള​ജു​ക​ൾ തു​റ​ക്കു​ന്ന​ത്. 50 ശ​ത​മാ​നം വി​ദ്യാ​ർ​ഥി​ക​ളെ മാ​ത്ര​മേ ഒ​രേ സ​മ​യം അ​നു​വ​ദി​ക്കു​ക​യു​ള്ളൂ. ആ​ർ​ട്സ് ആ​ൻ​ഡ് സ​യ​ൻ​സ്, േലാ, ​മ്യൂ​സി​ക്, ഫൈ​ൻ ആ​ർ​ട്സ്, ഫി​സി​ക്ക​ൽ എ​ജു​ക്കേ​ഷ​ൻ, പോ​ളി​ടെ​ക്നി​ക് എ​ന്നി​വി​ട​ങ്ങ​ളി​ൽ അ​ഞ്ച്/​ആ​റ് സെ​മ​സ്​​റ്റ​ർ ബി​രു​ദ വി​ദ്യാ​ർ​ഥി​ക​ൾ​ക്കും മു​ഴു​വ​ൻ പി.​ജി വി​ദ്യാ​ർ​ഥി​ക​ൾ​ക്കു​മാ​ണ് ക്ലാ​സ്.

സാേ​ങ്ക​തി​ക സ​ർ​വ​ക​ലാ​ശാ​ല​ക്കു​കീ​ഴി​ലെ എ​ൻ​ജി​നീ​യ​റി​ങ് ഉ​ൾ​പ്പെ​ടെ കോ​ള​ജു​ക​ളി​ൽ ഏ​ഴാം സെ​മ​സ്​​റ്റ​ർ ബി.​ടെ​ക്, ഒ​മ്പ​താം സെ​മ​സ്​​റ്റ​ർ ബി.​ആ​ർ​ക്, മൂ​ന്നാം സെ​മ​സ്​​റ്റ​ർ എം.​ടെ​ക്, എം.​ആ​ർ​ക്, എം.​പ്ലാ​ൻ, അ​ഞ്ചാം സെ​മ​സ്​​റ്റ​ർ എം.​സി.​എ, ഒ​മ്പ​താം സെ​മ​സ്​​റ്റ​ർ ഇ​ൻ​റ​ഗ്രേ​റ്റ​ഡ് എം.​സി.​എ എ​ന്നീ ക്ലാ​സു​ക​ളാ​ണ് ഉള്ള​ത്. കു​സാ​റ്റി​ൽ അ​വ​സാ​ന​വ​ർ​ഷ പി.​ജി ക്ലാ​സു​ക​ൾ മാ​ത്ര​മാ​ണ് തി​ങ്ക​ളാ​ഴ്ച.