വീട്ടിൽ കടന്ന്​ യുവത​ിയെ കഴുത്തറുത്ത ശേഷം യുവാവ്​ ആത്മഹത്യ ചെയ്തു

വെള്ളറട (തിരുവനന്തപുരം): പട്ടാപ്പകൽ വീട്ടിൽ അതിക്രമിച്ചുകയറി യുവതിയെ കഴുത്തറുത്ത്​ കൊലപ്പെടുത്തിയ ശേഷം യുവ ാവ് ആത്മഹത്യചെയ്​തു. കാരക്കോണം പുല്ലന്‍തേരിയിൽ തിങ്കളാഴ്​ച രാവിലെ പതിനൊന്നോടെയാണ്​​ നാടിനെ നടുക്കിയ സംഭ വം. പുല്ലൻ​േതരി കുന്നിയോട്​ വീട്ടിൽ അജി-സീമ ദമ്പതികളുടെ മകൾ അക്ഷിക (അമ്മു-19), കാരക്കോണം രാമവർമൻചിറ കുറുകുരൽ കാ ലായി വീട്ടിൽ മണി-രമണി ദമ്പതികളുടെ മകൻ അനു (24) എന്നിവരാണ്​ മരിച്ചത്​. ബ്യൂട്ടീഷ്യൻ കോഴ്​സ്​ വിദ്യാർഥിയായ അക്ഷിക യും കാരക്കോണത്ത് ഓട്ടോ ഡ്രൈവറായ അനുവും തമ്മിൽ പ്രണയത്തിലായിരുന്നെന്നും പ്രണയ നൈരാശ്യമാണ്​ കൊലക്കും ആത്മഹത്യക്കും കാരണമെന്നു​ം​ പൊലീസ്​ പറയുന്നു.

രാവിലെ പതിനൊന്നരയോടെ സുഹൃത്തി​​െൻറ ബൈക്കിൽ അക്ഷികയുടെ വീട്ടിലെത്തിയ അനു വാതില്‍ തള്ളിത്തുറന്ന് വീട്ടിനുള്ളില്‍ പ്രവേശിച്ച​ു. സോഡാക്കുപ്പി പൊട്ടിച്ച്​ ​​ൈകയിൽ കരുതിയാണ്​ ഇയാളെത്തിയത്​. മുറിക്കുള്ളിലേക്ക് ഓടിയ അക്ഷികയെ പിന്തുടര്‍ന്ന അനു മുറിയുടെ വാതിലടയ്​ക്കുകയായിരുന്നു. സോഡാക്കുപ്പി ഉപയോഗിച്ച്​ അക്ഷികയുടെ കഴുത്തറുത്ത ശേഷം അനു സ്വയം കഴുത്തിലേക്ക്​ കുത്തുകയായിരുന്നെന്ന്​ പൊലീസ്​ പറയുന്നു. സംഭവസമയ​ം മുത്തച്ഛൻ ചെല്ലപ്പന​​​ും മുത്തശ്ശി ബേബിയും മാ​ത്രമാണ്​ വീട്ടിലുണ്ടായിരുന്നത്​. യുവതിയുടെ നിലവിളി കേട്ട്​ ഇരുവരും മുറി തള്ളിത്തുറക്കാൻ ശ്രമിച്ചെങ്കിലും നടന്നില്ല.

നിലവിളി കേ​െട്ടത്തിയ പരിസരവാസികള്‍ വാതില്‍ തുറന്നപ്പോൾ ഇരുവരും രക്തത്തില്‍ കുളിച്ചുകിടന്നതാണ് കണ്ടത്. രണ്ടുപേരെയും കാരക്കോണം മെഡിക്കല്‍ കോളജ്​ ആശുപത്രിയില്‍ എത്തിച്ചെങ്കിലും അക്ഷികയുടെ മരണം സ്ഥിരീകരിച്ചു. പിന്നീട്​ തിരുവനന്തപുരം മെഡിക്കല്‍ കോളജ് ആശുപത്രിയില്‍െവച്ചാണ് അനു മരിച്ചത്​.
ഇരുവരും പ്രണയത്തിലായിരുന്നെങ്കിലും അടുത്തിടെ അകന്നെന്നും എന്നാൽ, അക്ഷികയെ അനു ശല്യം ചെയ്യാറുണ്ടായിരുന്നെന്നും നാട്ടുകാർ പറയുന്നു. ആറുമാസം മുമ്പ് അക്ഷികയുടെ ബന്ധുക്കള്‍ അനുവിനെതിരെ വെള്ളറട സ്‌റ്റേഷനില്‍ പരാതി നല്‍കിയിരുന്നു. ക​ഴിഞ്ഞ ഏപ്രിലിൽ വെള്ളറട പൊലീസ്​ സ്​റ്റേഷനിൽ ഒത്തുതീർപ്പ്​ ചർച്ചയും നടന്നിരുന്നു.

സംഭവ സമയം അക്ഷികയുടെ പിതാവ്​ പെയിൻറിങ്​ തൊഴിലാളിയായ അജിയും തൊ​ഴിലുറപ്പ്​ തൊഴിലാളിയായ മാതാവ്​ സീമയും ജോലിക്ക്​ പോയിരിക്കുകയായിരുന്നു. എസ്​.പി ഉൾപ്പെടെയുള്ള ഉന്നത പൊലീസ് ഉദ്യോഗസ്ഥർ സംഭവസ്ഥലത്തെത്തി പരിശോധന നടത്തും. ഇരുവരുടെയും മൃതദേഹം തിരുവനന്തപുരം മെഡിക്കൽ കോളജ്​ ആശുപത്രി മോർച്ചറിയിൽ. അക്ഷികയുടെ സഹോദരന്‍ 10ാംക്ലാസ് വിദ്യാര്‍ഥി അഭിഷേക്. മനു​വാണ്​ അനുവി​​െൻറ സ​േഹാദരൻ. വെള്ളറട പൊലീസ് മേല്‍നടപടികള്‍ സ്വീകരിച്ചു.