പ്രിയ​െപ്പട്ടവർക്കരികിലേക്ക്​ യാത്ര; പാതിവഴിയിൽ മറഞ്ഞ്​ അവർ...

തിരുപ്പൂർ: പ്രിയപ്പെട്ടവരെ ഒരുനോക്ക്​ കാണാൻ കിലോമീറ്ററുകൾക്കപ്പുറത്തുനിന്ന്​ തുടങ്ങിയ യാത്രയിൽ പാതിവഴി യിൽ അവർ മറഞ്ഞു. അവിനാശിയിൽ കണ്ടെയ്​നർ ലോറിയിടിച്ച്​ കെ.എസ്​.ആർ.ടി.സി വോൾവോ ബസിലെ നിരവധി യാത്രക്കാർ മരിച്ച അപ കടം കേരളത്തിൻെറ കണ്ണീരായി. അയൽസംസ്​ഥാനത്തുനടന്ന അപകടത്തിൽ അനവധി മലയാളികളുടെ ജീവനുകൾ ​െപാലിഞ്ഞ​​േപ്പാൾ സമീപ കാലത്ത്​ കേരളത്തെ നടു​ക്കിയ മഹാദുരന്തങ്ങളിലൊന്നായി അത്​ മാറി.

മരിച്ചവരിൽ ഏറെയും ബംഗളൂരുവിൽ ജോലി നോക്കുന്ന മലയാളികളാണെന്നാണ്​ സൂചന. ശിവരാത്രി അവധിയും വാരാന്ത്യവും കണക്കിലെടുത്ത്​ നാട്ടിലേക്ക്​ തിരിച്ചവരാണ്​ അപകടത്തിൽപെട്ടവരിൽ അധികവും. എറണാകുളത്തുനിന്ന്​ ​ൈടൽ കയറ്റി പോവുകയായിരുന്ന കണ്ടെയ്​നർ ലോറി ടയർ പൊട്ടി നാലുവരിപ്പാതയുടെ ഡിവൈഡറിൽ ഇടിച്ച്​ ബസിലേക്ക്​ പാഞ്ഞുകയറിയതാണ് അപകടത്തിന്​ വഴിയൊരുക്കിയത്​. 48 യാത്രികരും രണ്ടു ഡ്രൈവർ കം കണ്ടക്​ടർമാരും ഉണ്ടായിരുന്ന ബസിൻെറ വലതുഭാഗത്ത്​ യാത്ര ചെയ്​തവരാണ്​ ദുരന്തത്തിനിരയായവരിൽ ഏ​െറയും.

പുലർച്ചെ മൂന്നുമണിയോടെ അപകടം നടക്കു​േമ്പാൾ യാത്രക്കാർ മിക്കവരും ഗാഢനിദ്രയിലായിരുന്നു. ഇടിയുടെ ആഘാതത്തിൽ ഉണർന്ന മിക്കവർക്കും​ എന്താണ്​ നടന്നതെന്ന്​ വ്യക്​തമായിരുന്നില്ല. ചുറ്റിലും നിലവിളികളും മൃതപ്രായരായവരു​ടെ ദീനരോദനങ്ങളും ചേർന്ന്​ ഉള്ളുലക്കുന്ന കാഴ്​ചകളായിരുന്നു​െവന്ന്​ രക്ഷപ്പെട്ട പരിക്കേൽക്കാതെ യാത്രക്കാരിൽ ചിലർ പറഞ്ഞു. പലരുടെയും ശരീരഭാഗങ്ങള്‍ ഛിന്നഭിന്നമായിരുന്നു. മൃതദേഹാവശിഷ്​ടങ്ങൾ അപകടസ്​ഥലത്ത്​ ചിതറിക്കിടക്കുന്ന നിലയിലായിരുന്നു. ഒമ്പതുപേർ സംഭവസ്​ഥലത്തുവെച്ച്​ മരിച്ചുവെന്നാണ്​ റിപ്പോർട്ട്​. പുലർച്ചെയായതിനാലും നഗരത്തിൽനിന്ന്​ വിദൂര പ്രദേശത്തായതിനാലും രക്ഷാപ്രവർത്തനത്തിന്​ ആളുകളെത്താൻ വൈകിയതും തിരിച്ചടിയായി. പ്രദേശവാസികളും പൊലീസ​ും ഫയർ ഫോഴ്​സുമെത്തിയാണ്​ പിന്നീട്​ രക്ഷാപ്രവർത്തനം നടത്തിയത്​. സംഭവമറിഞ്ഞതോടെ തിരുപ്പൂരിലെ മലയാളി സമാജം പ്രവർത്തകർ ഉൾപ്പെടെ നിരവധി പേർ സ്​ഥലത്തെത്തി.

അവിനാശി ഗവ. ഹോസ്​പിറ്റലിലും തിരുപ്പൂർ ഗവ. ഹോസ്​പിറ്റലിലുമാണ്​ മൃതദേഹങ്ങളുള്ളത്​.

എറണാകുളം സ്വദേശികളായ ജെമിൻ ജോർജ് ജോസ്, ക്രിസ്​റ്റോ ചിറക്കേക്കാരൻ, ഡമൻസി റബേറ, അലൻ ചാൾസ്, കെ. കരിഷ്മ, തൃശൂർ സ്വദേശികളായ വിനോദ്, ശ്രീലക്ഷ്മി മേനോൻ, അങ്കമാലി സ്വദേശി അജയ് സന്തോഷ് എന്നിവരാണ്​ അപകടത്തിൽനിന്ന്​ രക്ഷപ്പെട്ടതായി സ്​ഥിരീകരിച്ച യാത്രക്കാർ.